bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
2 Kings 21
2 Kings 21
Lugbara (E’yo Siza Alatararu Munguniri BIBLIA)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 22 →
1
Eli Manaseni ovu mudri drini iri erini e’dozu opi nyazurisi, eri nya opi eli kali towi drini towi Yerusalemua. Andri erini ma ru Hefiziba’i.
2
Eri ’ye e’yo ovupi onzi Yehova ma miliari, ekile e’yo onzikanyaru ngule onzi suru Yehovani odrole anzi Israelini ’diyi ma driliasi ’diyini adrile ’yelerile.
3
Te eri si pari uruleru i ati Hezekiani ezale ’diyi dika; eri si vini pari edeta edezu Baali dri ’diyi, eri ede vini Asera ekile Ahabu opi Israelinirini ndra ’yelerile, eri inzi ongulumu ’bua ’diyi dria, ’ye azita yini indi.
4
Eri si vini pari edeta edezu ’diyi jo Yehovani ma alia, de isu Yehova ’yo ndra kini, Ma nga ru mani ’ba Yerusalemu ma alia.
5
Eri si pari, nde edeta edezu ’diyi ongulumu ’bua ’diyi dri dria, jo Yehovani ma iriidri iri’diyia.
6
Eri eve mva erini edetaru, eri ndri andri, eri ro olesi, eri osa i e’yo ’yezu ’ba orindi onzini ’diyi be, azini ’ba ojouru ’diyi be. Eri ’ye e’yo kakau ovupi onzi tu Yehova ma miliari adra erini engazu.
7
Eri ’ba vini wura Aserani erini edele aya akapi acisiri, jo Yehovani e’yoni ’yole Daudi pi ma tia mvi erini Sulemani be kini, Jo ’dori ma alia, azini Yerusalemu mani pele suruti Israelini dria ma eseliari ma alia, ma nga ru mani ’ba ovuzu ’dani ’dani-ri ma alia;
8
te ma ngani vini fe Israeli ma pa ma aba fuzu angu mani ndra fele yi a’bipi dririasi amve dika ku indi, yi ka nga asisile yini ’ba e’yo dria mani azile yi tia ’diyi pi ’yezu, azita dria ati’bo mani Musani azile ndra yi dri ’diyi be.
9
Te yi erini ku; Manase ici yi onzi ’yezu aga suru Yehovani ndra dri jale Israeli anzi ma drilia ’diyini ’yeleri ra.
10
Te Yehova ’yo e’yo ati’ba erini nabiru ’diyi ma tisi kini,
11
A’disiku Manase opi Yudaarini e’yo mani ngule onzi ’diyi ’yelerisi, azini erini e’yo ’yele onzi aga ’ba Amorini ovupi eri drilia oko ’diyini ’yeleri rarisi, erini fele vini Yudani e’yo onzi ’yele wura inzile erini ’diyisirisi;
12
e’yo ’disi Yehova Mungu Israeliniri ’yo ’dini kini, Mi ne, ma nga candi eji Yerusalemu pi ma dria Yuda be ambo ’dipi, ’dini ’ba dria alu alu e’yo nderi eripiri ma bile iri tro nga ’ye yii yii.
13
Ma nga baka Samarianiri se Yerusalemu ma dria, azini baka suru Ahabuni ’diyini afa o’bizurisi; ma nga Yerusalemu ma rua ini, ekile ’bani adrile saani inilerile, eri inizu ojazu tini opizu varile.
14
Ma nga awuruso mani ma joloko acepiri o’be, nga yi fe juru yini dri, yi nga ofu afa ’bani obile obi ’diyiru, azini afa ’bani opale opa ’diyiru juru yini dri,
15
a’disiku yini e’yo ovupi onzi na miliari ’yele, fezu adra mani ejizu, engazu o’du yi a’bipini efuzu Misiriasi ecazu kpere andrurisi.
16
Te vini indi Manase oda ’ba ari kakau aka, cazu Yerusalemuni gazu tre engazu kala aluria cazu kala aziniria, e’yo onzi erini erini fele Yudani ’yele, ’dini yi ’ye e’yo ovupi onzi Yehova ma miliari ma dria.
17
’Yeta azini Manaseni, e’yo erini ’yele ’diyi pie dria, azini e’yo onzi erini ’yeleri, yi sini yi buku opi Yudaa ’diyi ma e’yo ecezuri ma alia ku ya?
18
Te Manase la i a’bipi be tualu, yi sa eri amvu jo eri ma ngulupini ma ageiaria, amvu Uzaniria; te mvi erini Amoni nya opi eri ma pariani.
19
Eli Amonini ovu kali iri drini iri erini e’dozu opi nyazurisi, te eri nya opi eli iri Yerusalemua. Andri erini ma ru Mesulemeti, Haruzi Yotibaari ma zi’i.
20
Eri ’ye e’yo ovupi onzi Yehova ma miliari, ekile i ati Manaseni ’yelerile.
21
Eri aci geri i atini acizuri ma aliasi dria, eri ’ye azi wura i atini azi ’yezu yi dri ’diyi dri, inzi yi indi;
22
eri ku Yehova Mungu i a’bipiniri, acini geri Yehovani ma alia ku.
23
Te ati’ba Amonini otu e’yo eri ruaa, fu opini jo eri ngulupini ma alia.
24
Te ’ba angu ndea ’diyi ofu ’ba dria e’yo otupi opi Amoni ma ruaa ’diyi ra, te ’ba angu ndea ’diyi ’ba Yosiani opiru eri ma paria’i.
25
’Yeta azini dria Amonini ’yele diyi, yi sini yi buku opi Yudaa ’diyi ma e’yo ecezuri ma alia ku ya?
26
Yi sa eri ’bile eri ngulupini amvu Uzaniri ma aliari ma alia; te mvi erini Yosia nya opi eri ma pariani.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25