bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
2 Kings 24
2 Kings 24
Lugbara (E’yo Siza Alatararu Munguniri BIBLIA)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 25 →
1
Ewu erinisi Nebukadineza emu uru, azini Yehoyakimu eca ati’bo eriniriru ovuzu ’dini eli na; ’di ma vutia eri oja i, mbu eri ma ruaasi amve.
2
Te Yehova pe asikari ongulumuru ’ba Kalidea ’diyini pi ma ti a’di ’dizu eri be, asikari ongulumuru ’ba Suriaa ’diyini pie, asikari ongulumuru ’ba Moabua ’diyini pie, asikari ongulumuru Amoni anzini ’diyi pie, eri pe yi ti Yudaa eri dri Jazu, ekile e’yo Yehovani erini ’yole ati’ba erini nabiru ’diyi ma tisirile.
3
Adaru e’yo nderi eca Yuda ma dria azita Yehovani azileri ma e’yosi, yi nzezu eri ma miliasi, e’yo onzi Manasenisi, dria ekile erini ’yelerile,
4
indi vini erini ari adale e’yo kokoru akarisi; a’disiku eri ga Yerusalemuni tre ari ’ba e’yo koko ’diyinisi, te Yehova leni i e’yo onzi erini wuzu ku.
5
’Yeta azini Yehoyakimuni, e’yo erini ’yele ’diyi pie dria, yi sini yi buku opi yudaa ’diyi-me’eyo ecezuri ma alia ku ya?
6
Yehoyakimu la i a’bipi be, te mvi erini Yehoyakini nya opi eri ma pariani.
7
Te opi Misiriari funi dika angu eriniasi ku, a’disiku opi Babuloniari o’du angu opi Misiriarini engazu Yi Misiriaria cazu kpere yi ara Ufiratea dria.
8
Eli Yehoyakinini ovu mudri drini aro erini e’dozu opi nyazurisi, eri nya opi mba na Yerusalemua. Andri erini ma ru Nehusita, Elinatani Yerusalemuaari zi’i.
9
Te eri ’ye e’yo ovupi onzi Yehova ma miliari, ekile dria atini ’yelerile.
10
Ewu nderisi ati’ba Nebukadineza opi Babuloniarini ’diyi etu uru Yerusalemua, ace eri ombasi kuru.
11
Te Nebukadineza nga eca aku nderia, ati’ba erini ’diyini eri acezu ombasiria;
12
te Yehoyakini opi Yudaari eri ngulupi pi nga efu opi Babuloniari vu, andri erini pie, ati’ba erini ’diyi pie, opi erini ’diyi pie, ’ba amboru erini ’diyi pie. Te opi Babuloniari ’du eri aruru eli aro eru opi nyazurisi.
13
Eri wu lonyi dria jo Yehovani ma alia ’diyi pi, lonyi opi ma jo alia ’diyi be, eri oli afazu meleni Sulemani opi Israelinirini edele hekalu Yehovani ma alia ’diyi dria ekile Yehovani ’yolerile.
14
Eri ’du Yerusalemuni dria, ’ba opiru ’diyi pie dria, ’ba ombaru ’diyi pie dria, adaru ’ba ati’baru alifu mudri ’diyi pie, onduou ’diyi pie dria, ’ba oka dipi ’diyi pie dria, aluni aceni ku pe kiri ’ba toko tokoa angu nde alia ’diyi.
15
Eri ’du Yehoya-kinini ji Babulonia; te opi ma andri pi, oku opini ’diyi pie, ’ba amboru erini ’diyi pie, ’ba opiru angu ndea ’diyi pie, eri o’du yi Yerusalemuasi jizu Babulonia ati’baru.
16
Te agupi dria okporu ’diyi, yi ’ba alifu aziri, onduouru ’diyi ’ba oka dipi ’diyi be yi alifu alu, yi ’ba dria okporu ecopi a’di ’dipi ’diyi, opi Babuloniari eji ’ba nde ’diyi Babulonia ovuzu ati’baru.
17
Te opi Babuloniari ’ba Yehoyakini ati ma adri Mataniani opiru eri ma paria, eri oja ru erini Zedekia’i.
18
Eli Zedekiani ovu kali iri drini alu erini e’dozu opi nyazurisi, eri nya opi eli mudri drini alu Yerusalemua. Andri erini ma ru Hamutali, Yeremia Libinaari zi’i.
19
Eri ’ye e’yo ovupi onzi Yehova ma miliari, ekile e’yo dria Yehoyakimuni ’yelerile.
20
Adra Yehovanisi eri eca ’dini Yerusalemu pi ma alia Yuda be, ecazu Yehovani yi ’bezu i miliasiria.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25