Matthew 12

Lugbara (E’yo Siza Alatararu Munguniri BIBLIA)

← Chapter 11 Jump to: Chapter 13 →

1Ewu dasi Yesu nga aci nga anyani ma alia etu sabatonisi; ’ba erini imbale ’diyi ovu abirisi, yi nga e’do anya dri ondizu nyazu.

2Te ’ba Farisaini ka ndre ra, yi nga ’yo eri tia kini, Mi ndre, ’ba mini imbale ’diyi yi e’yo azitani a’ile ’ba ma ’ye etu sabatonisi kuri ’ye.

3Te eri nga ’yo yi tia, Emi lani e’yo Daudini ’yele, erini ovuria abirisi, ’ba ovupi eri be ’diyi beri ku ya?

4e’yo erini fizu jo Munguniria, erini mikate ecetaruri nyazu; azita oga mikate nde eri dri azini ’ba ovupi eri be ’diyi dri nyakokoru, te a’i kuhanini nyazu a’dule.

5Te emi lani ’diri azita alia ku ya? kini kuhani hekalua o’du sabatonisi yi sabato eza, te yi ovuni e’yo be ku.

6Te ma ’yo emi tia, ’ba hekalu agapi ambosi rari ’doa ci.

7Emi ka te e’yo ’dori ma efi ni ra, Ma le yikini, ma leni afa feza edetaruri ku, te’do emi lini e’yo onzi ’ba e’yo kokoru ’diyi ma dria ku.

8Te Mvi ’bani eri Opi sabatoniri.

9Eri nga aga ’dasi, nga fi pari ’bani yi okuzuria.

10Te mi ndre, ’ba indi dri ondrizaru be ’daa. Yi nga zi eri tia kini, Azita a’i ’ba rua atizu o’du sabatonisi ya?-yi ma su asu ruania beni.

11Eri nga ’yo yi tia, Agu ngori emi eselia kabilo be alu, kabilo ’diri ka ’de ’bilia o’du sabatonisi, eri ngani eri ebi nze ’biliarisi ku ya?

12’Ba agani kabilo onyisi tu ku ya? ’Dini azita a’i ’bani e’yo onyiru ’yezu sabatosi ra.

13Eri nga ’yo ’ba takari ma tia, Mi eju mi dri. Eri nga eri eju ra; drini upati teketeke ekile azinirile.

14Te ’ba Farisaini nga fu ra, nga ti eci tualu yi eselia e’yo ndruzu eri ruaa eri dri jazu.

15Yesuni e’yo niria, nga angu ’dati ku ra. ’Ba kakau nga eri vuti bi; eri nga yi rua ati dria,

16eri nga e’yo azi yi tia okposi, ma e’da eri’i ku.

17E’yo nabi Isayani ’yoleri ma eca ani ’yeke, kini:

18Mi ndre ati’bo mani, mani peleri, mani lele, ayiko fepi ma asiari. Ma nga Orindi mani ’ba eri dria, eri nga e’yo liza olu ’ba jururu ma tia.

19Eri ngani agata ga ku, eri ngani otre ku, ’baazini ngani eri ma oduko eri geria ku;

20ozu anyupi anyuri, nyoni eri ku, baka onyipi ’bori, inyuni eri ku, de nga eri peni e’yo liza ma ti ’ba dria agazu ku;

21’ba juruni nga ovu asi teza be eri ma rusi.

22Yi nga di ’ba orindi onzi be, mile kokoru e’yo ’yopi kuri, eji eri vu, eri nga eri ati ra, ’dini ’ba e’yo ’yopi kuri nga e’yo ’yo, nga angu ndre indi.

23’Ba ongulumuru dria nga osu tu, nga ’yo ra, ’Di Daudi mvi’i ku ya?

24Te ’ba Farisaini ka eri ra, yi nga ’yo ra, ’Ba ’diri droni orindi onzi ku, pe lu Beelizebuli opi orindi onziniri ma okposi.

25Erini egata yini niria, eri nga ’yo yi tia, Opi nyaza dria i esele copi awatasi ceniri nga ovu ezazaru, azini aku dria, kani joni, i esele copi ceni ceniri ngani pa so ku;

26Satani ka Satanini dro ra, co i esele awatasi ’bo; ka’dini opi nyaza erini nga pa so ngoni ya?

27Ma ka orindi onzi dro okpo Beelizebulinisi, anzi emini yi dro okpo a’dinisi ya? E’yo ’disi yi nga ovu ’ba e’yo emini lipi ’diyi.

28Te ma ka orindi onzi dro Orindi Munguni ma okposi, ece bani suru Munguni eca emi vu ’bo

29’Ba eco fizaru ’ba okporu ma joa, afa erini opazu, ngoni, ka eri oti okorisi ci ka ku ya? Eri nga di afa jo erinia ’diyi opa ndo.

30’Ba ka ovu ma eri ovu ari’bo mani kabi afa oku ma be ku eri afa mani ere,

31’Dini ma ’yo emi tia, yi nga eyo onzi dria ma e’yo ku ’ba dri ra a’data be te a’data orindi o’dazuri ngani i ku aluni ku.

32’Ba ka e’yo onzi ’yo Mvi bani ma ruaa, yi nga e’yo erini ku ra; te ba ka Orindi Alatararu o’da, ngani ovu kuzaru, kani ewu ’dorisi, kani emupirisi ku.

33Kani emi ’ba pati onyiru, efi erini onyiru indi kani emi ’ba pati onzi, efi erini onzi indi;te ’ba yi pati ni efi erinisi.

34Emi uri ma anzi! Emi ovupi onzi ’diyi, emi eco e’yo onyiru ’yozaru ngoni ya? Te e’yo gapi asia treri, tini ’yo’i.

35’Ba onyiru nga afa onyiru ofu lonyi erini onyiru ma alia,ba onziri nga afa onzi ofu lonyi erini onziri ma alia.

36Ma’yo emi tia,e’yo dria efi kokoru ’bani ’yoleri, yi nga e’yo nze drinia o’du e’yo lizurisi;

37te e’yo mini nga ovu lazaru kilili e’yo mini ’yolerisi, e’yoni vini nga mi nde e’yo mini ’yolerisi.

38Vilerisi ’ba waraga sipi ’diyi na azi ’ba Farisaini be nga e’yo omvi eri tia kini, ’Ba ’ba Imbapiri, ama le eceta ndre mi vu.

39Te eri nga e’yo omvi, ’yo yi tia, A’bianzi onzi azini awuru ’diyi yi eceta nda; te ngani eceta fe yi dri ku, pe eceta nabi Yonaniri a’dule.

40Te ekile Yonaniri ovule o’du na etusi inisi e’bi amboru ma aliarile, ’dinile Mvi ’bani nga ovu o’du na etusi inisi nyaku ma alia.

41’Ba Ninevea ’diyi nga pa oso o’du e’yo lizurisi a’bianzi ’doyi be, yi nga e’yo li yi ndezu, yini ndra yi asi ojale e’yo Yonani olulerisirisi; te mi ndre, ’ba Yonani agapi ambosi rari ’do!

42Oku melekiru engapi angu uruleruari nga enga o’du e’yo lizurisi a’bianzi ’doyi be, eri nga e’yo li yi ndezu, erini engale angu ma kalatia emule ondua Sulemanini erizurisi; te mi ndre, ’ba Sulemanini agapi ambosi rari ’do!

43Orindi onzi ka fu ’ba ma alia ’bo, eri aci angu yi kokoruria ande liza ndruzu, te eri isuni ku.

44Eri nga di ’yo kini, Ma nga dri da vile, jo mani ndra ibizuria, ka eca ra eri isu eri toko, kozaru alaru, edezaru indi.

45Eri nga di mu orindi onzi aziri i agapi onzisi ra ’diyi oku i vu, yi nga fi ovu’daa; agu nde ma e’yo vileri nga eca onzi, aga okori ra Eri nga ovu ’dini a’bianzi onzi’doyi vu.

46Erini e’yo yoria ongulumuru ma tia ndre, andri pi oso pa amve adripi be, le e’yo ’yo eri be.

47Ba alu nga yo eri tia,Mi ndre,mi adripi pa oso amve mi adripi be,li e’yo ’yo mi be.

48Te eri nga e’yo omvi,’yo ’ba e’yo’yopiri ma tia Andri mani a’di’i ya?

49Eri nga i dri eju ’ba erini imbale ’diyi vu,nga’yo ra,Mi ndre,ma andri ma adripi be!

50’Ba ka eyo ma Ati ovupi ’buarini leleri ’ye, agu nderi ma adripi, ma amvipi, azini ma andri’i.

← Chapter 11 Jump to: Chapter 13 →