Matthew 19

Lugbara (E’yo Siza Alatararu Munguniri BIBLIA)

← Chapter 18 Jump to: Chapter 20 →

1Eri nga eca, Yesu ka e’yo’diyi’yo de’bo eri fu Galiliasi, nga eca Yudia ma kalati Yoridania ’aa’dasiria,

2’ba ongulumuru kakau bi eri ma vuti, eri nga yi ati ’dale.

3’Ba Farisaini nga mu eri vu, eri obezu kini, Azita a’i ’bani oku ini drozu e’yo driasi ra ya?

4Eri nga e’yo omvi, ’yo ra kini, Emi lani ndra kini ’ba ’ba ’bapi okokeleri ede ndra yi agupiru azini okuru ku ya?

5Eri nga ’yo ra, E’yo ’disi agupi nga ati pi ku andri be, nga i ebi oku ini be; ’ba ’diyi iritro nga ovu rua aluru.

6’Dini yi ovuni iri dika ku, te rua alu. E’yo ’disi afa Munguni ecile tualuniri, ’ba ada ma co eseleni ’ku,

7Yi nga ’yo eri tia, Ka adri ’dini, Musa azi di waraga esele cozaniri fezu eridrozu a’disi ya?

8Eri riga ’yo yi tia, Asi mbaza eminisi Musa a’i ndra ani emini oku emini drozu, te okokelerisi ovuni’dini ku,

9Ma’i, ma ’yo emi tio: ’ba azini ka oku ini dro ra, ka ovu e’yo ali ’bazanisi ku, ka andini je, eri ’ba alini; ’ba oku ’bani drole ’diri jepiri ’ba alini indi.

10’Ba erini imbale ’diyi nga ’yo eri tia, E’yo agupi,pini oku beri ka ovu dinile, onyiru ba ma je oku ku.

11Te eri nga ’yo yi tia, ’Ba dria econi e’yo ’di,i a’izaru ku, pe ’ba Munguni a’ita fezu yi dri ’diyi’i.

12Te agupi azini yi ondoru, ’bani yi osile ’dinile engazu andri yini ma aliarisi; agupi aziili yi ondoru ’bani yi onzele rarisi; agupi azini yi ondoru yini yi ’bale ’dini1e ceni sur ’buari ma e’yosirisi. ’Ba ecopi e’yo ’diri a’ipiri ma a’i.

13Etu ’dasi yi eji auzi nyiri eri vu, eri ma ti dri yi dria ani beni, ma a’i Mungu yi dri indi; te ’ba erini imba1e ’diyi nga ega yi ma dria.

14Te Yesu nga ’yo ra, Emi ku anzi nyiri ma emu ma vu, emi ma oga yi si ku; suru ’buari ovu ’ba ’dinile ’diyini.

15Eri nga i dri oti yi dria, nga fu ’darisi ndo.

16Mi ndre, ’ba a1u nga eca eri vu, nga ’yo ra kini, ’Ea ’ba Imbapiri, ma nga e’yo onyiru ngoniri ’ye’i ka, ma ovu idri ’dani ’daniri be ani ya?

17Eri nga ’yo eri tia, Mi zi onyi ma e’yo ma tia a’disi ya? ’Ba onyi beri eri alu. Te mi ka le fi idria, mi mba azita ma tao

18Eri nga ’yo eri tia, Ngoyi ya? Yesu nga ’yo ra, Mi fu ’ba ku, Mi ’ba ali ku, Mi ogu ku, Mi nze e’yo eri inzoru ku,

19Mi inzi ati pi mi andri be, azini Mi le mi agyi mini mi lelerile.

20Karilau nga ’yo eri tia, Ma mba ’diyi ma ta dria ’bo; e’yo ngoni ace nga vinini ya?

21Yesu nga ’yo eri tia, Mi ka le ovu kililiru, mi mu, mi ozi afa mini dria, mi fe ’ba alioru dri, te mi nga ovu lonyi be ’bua; azini mi emu ma vuti bizu ani.

22Te karilau, erini e’yo ’diri eriria, nga mvi asi candirusi; a’disiku eri afa be kakau.

23Yesu nga ’yo ’ba erini imbale ’diyi ma tia, Ma ’yo emi tia ndi, kini, eri nga ovu ewaru ’ba afa e’iru dri fizu suru ’buaria.

24Dika ma ’yo emi tia, Ngamiani fizu sindani ma talaasiri eri ewa kokoru aga ’ba afa e’iruni fizu suru Munguniari ra.

25’Ba erini imbale ’diyi ka eri ra, yi nga osu tu aga ta, ’yozu kini, Ka’dini a’di eco i pazaruni ya?

26Yesuni mile baria yi ruaa, nga yo yi tia, Ba vurisi e’yo ’diri econi ku, te Mungu vurisi e’yo dria eco ra.

27Petero nga di e’yo omvi, ’yo eri tia, Mi ndre, ama ku afa dria ’bo, ama bi mi vuti. Ama nga ani a’di isu ya?

28Yesu; nga ’yo yi tia, Ma ’yo emi ria ndi, emi ’ba ma vuti bipi ’diyi, ewu afa ’bazu o’dirurisi Mvi ’bani ka ri oguna erini dizaruri dria, emi’i indi, emi nga ri oguna mudri drini iri ma dria, suru mudri drini iri Israelini ’diyi ma e’yo lizu.

29’Ba dria alu jo pi kupi, adripi pie, amvipi pie, ati pie, andri pie, anzi pie, angu pie dria, ma rusiri, yi nga eri ofe pale turu, azini eri nga idri ’dani ’daniri bi awitaru.

30Te ’ba kakau ovupi oko ’diyi nga ovu ’ba vileru; ’ba vile ’diyi nga ovu ’ba oko ’diyiru.

← Chapter 18 Jump to: Chapter 20 →