bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Matthew 24
Matthew 24
Lugbara (E’yo Siza Alatararu Munguniri BIBLIA)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 25 →
1
Yesu nga fu hekalua, mu geria; ’ba erini imbale ’diyi nga eca eri vu jo siza hekaluni ’diyi ecezu eri dri.
2
Eri nga e’yo omvi, ’yo yi ria, Emi ndreni afa ’diyi dria ku ya? Ma ’yo emi tia ndi, oni aluni ngani ace ’doa adrozaru agyi dria asukokoru ku.
3
Erini riria oni Mizeituni ma dria, ’ba erini imbale ’diyi nga eca eri vu de eri a’dule, kini, Mi olu ama tia, afa ’diyi nga ovu a’dungare ya? Azini emuta mini ma eceta, asiza angu wudrikuruniri be, nga ovu ngoni ya?
4
Yesu nga e’yo omvi, ’yo yi ria, Emi te emi agei, ’ba aluni kazu emi icizu ku.
5
Te ’ba kakau yi nga emu ma rusi, ’yozu, Ma Kristo’i; yi nga ’ba kakau ici ra.
6
Emi ka e’yo ombani pi eri e’yo kuza ombani be, emi ovu mile be emi asi ma oti ku, te e’yo ’diyi ngani ece emuzu ku; te asizani nga yo.
7
Te suruni nga enga omba ’dizu suru azini be, opi nyazani nga omba ’di opi nyaza azini be, liki pi nga ovu oyakia be angu ndu ma alia:
8
te e’yo ’diyi dria nga candi ma eti e’dozuri.
9
Yi nga di emi fe,nzata vu, ’ba nga emi fu ra; suru ria yi nga emi ngu onzi ma rusi.
10
Ewu ’dasi ’ba kakau nga aba, yi nga yi fe ceni, yi nga yi nga yi ngu onzi eselia ceni.
11
Te nabi inzoru kakau yi nga enga ra, nga kakau icie ra.
12
E’yo onzini gale trerisi, ba kakau ma letani nga ambi ra.
13
Te ’ba ovupiasi teza be cazu asizaniriari nga i pa ra.
14
Te e’yo bari suruni ’diri nga ovu oluzaru angu wudri kuru drisi dria, e’yo eti nzezu suru i dria dri indi; o’du asizaniri nga di eca ndo.
15
Emi ka afa onzikanyaru ’ba dri jazu, nabi Danielini e’yoni ’yoleri ndre, erini pa soria pari alatararia (’ba waraga lapiri ma va e’yo ’diri),
16
o’du ’dasi ba ovupi Yudia ’diyi ma apa di oni dria;
17
’ba ovupi dria ururi ma si va afa jo inia ’diyi o’duzu ku;
18
’ba ovupi amvuari ma emvi vile afa suza ini ’duzu ku.
19
Te candi oku ovupi okporovuru ’diyi pi dri, ba fepi ’diyi be, o’du ’dayisi!
20
Emi zi Mungu kini o’du emini apazuri ma ovu ewu egbenisi ku, kani sabatosi ku indi.
21
Te ewu ’darisi inzata nga ovu amboru tu, drio engazu nyaku eti ’bazurisi ecazu kpere andru, ovuni ndra ’dini ku, vutinia ngani ovu vinil ’dinile dika ku indi.
22
O’du ’dayi ka ovu lizaru ku, ’ba aluni econi te i pazaru ku; te ’ba opele ’diyi ma e’yosi, o’du ’dayi nga ovu lizaru ra.
23
O’du ’dasi ’ba azini ka ’yo emi tia, Mi ndre, Kristoni ’doa, kani, ’Dia; emi ma a’i ku.
24
A’disiku Kristo inzoru piyi nabi inzoru ’diyi be nga enga ra, yi nga eceta amboru ’ye tali be, ’dini, ka eco ra, yi ma ici ’ba opele ’diyi indi beni.
25
Mi ndre, ma olu emi tia oka.
26
’Dini yi ka nga ’yo emi tia, Mi ndre, eri roko dria, emi fu ku; Mi ndre, eri o jo aliza ma alia, emi ma a’i ku.
27
Te ekile ovini gale etuni efurialeru, erini i e’dale kpere kala etuni ’derialeruriarile, Mvi bani ma emutani.
28
Roko nga yi oku pari avuni ovuzuria ’daa.
29
Te inzata o’du ’dayini ka i de ra, coti etuni nga ovu bizaru, mba ngani angu mve ku, ’bi’bio nga o’de ’buarisi ra, okpo ’bua ’diyi nga oya;
30
o’du ’dasi Mvi ’bani ma ecetani nga i e’da ’bua, suru nyakua ’diyi dria nga di ovu lulu gaza be, yi nga Mvi ’bani ndre erini emuria iriti ’buari ma alia, Okposi azini diza amborube;
31
eri nga malaika erini ti ope guka ma awu amboru be, yi nga ’ba opele erini ’diyi oku oli kala sua ’diyi vusi, engazu ’bu ma kalati aluria cazu aziniri vu.
32
Emi ma oni di e’yo o’beza elio patini: arakala ma drile ka eca aroru, pati bi odiru ka eri ’bo, emi ni kini eli eca ogogo.
33
’Dinile indi emi’i, emi ka e’yo ’diyi ndre dria ra, emi ni kini eri ovu ogogo, va jotilia.
34
Ma ’yo emi tia ndi, a’bianzi ewu ’dorini ngani yi de aluni ku de nga afa ’diyi dria ’yeni yi ku.
35
’Bupi nyaku be nga yi de ra, te e’yo mani ngani i de aluni ku.
36
Te o’du ’dari pi ma e’yo etu ’dari be ’ba aluni nini ku, kani malaika ’bua ’diyi, kani Mvi’i ti, te Ata a’dule nini.
37
Te ekile o’du, Noanisirile, Mvi ’bani ma emutani nga ovu ’dinile.
38
Te ekile ’bani ndra ovule o’du yi tizani nga ecazu kuriarisile, yi nya, yi mvu, yi bi oku, yi fe oku, ecazu o’du Noani fizu maburuaria,
39
yi nini afa azini ku, de nga yi tiza emuni yi o’duzu dria ku; Mvi ’bani ma emutani nga ovu ’dinile.
40
O’du ’dasi ’ba iri nga ovu amvua; aluri nga ovu ’duzaru, aziniri nga aceni.
41
Oku iri nga ovu anya ’iria oni dria; aluri nga ovu ’duzaru, aziniri nga aceni.
42
Emi ovu mile be, emini o’du Opi eminini emuzuri nile kurisi.
43
Te emi ma ni ’di, jo e’i ka ndra etu oguouni emuzu kani ngoriari ni ra, eri ndra te mile be, ngani ndra a’i yini eri ma jo eti luzu ku.
44
Awa’dini emi ma ovu di edezaru ngonde; te Mvi ’bani nga emu etu emini egale kuria.
45
Ka’dini ati obi asi ada be, onduaru, opini ani ’bale ati’ba jo inia ’diyi ma drilia, nyaka fezu yi dri etu vusiri a’di’i ya?
46
Ati’bo opini emule eri isule ’ye ’diniri eri drilebaru.
47
Ma ’yo emi tia ndi, eri nga eri ’ba afa erini ovuzu yi be ’diyi ma drilia dria.
48
Te ati’bo onzi ’dari ka ’yo i asia, Opi mani eri i dri ici ’dale,
49
ka e’do ati’ba eri ma agyiru ’diyi co, ka afa nya, ka afa mvu ’ba ewa mvupi ’diyi be,
50
opi ati’bo ’darini nga eca o’du erini egale kuria, azini etu erini nile’kuria,
51
eri nga eri ale ali iri, eri nga eri ma e’yo ’ba ’ba lokiri be ’diyi be tualu; ’dale awu pi nga ovu si ciza beni.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28