bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
1 Kings 15
1 Kings 15
Lahu Bible Edited © Thailand Bible Society and Bible Society of Myanmar, 2010, 2020.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
1
Iˉsaˍreˍlaˆ mvuhˇmiˬ hta‸ Yeˍyawˇbaoˍ jawˇmawˇ te ve 18 hkʼaw‸ gaˬ htaˇ, Yuˇda‸ mvuhˇmiˬ hta‸ Aˍbiˇyaˆ jawˇmawˇ kʼaw‸ te ve yoˬ.
2
Yawˇ lehˬ, Yeˍruˆsaˍlehnˍ venˇ hta‸ 3 hkʼaw‸ gʼa uˉ peunˍve yoˬ. Yawˇ ve awˬ e lehˬ, Aˍbaˆsaˍlonˍ ve yaˇ miˇ Maˍhkanˍ hpeh‸ ve yoˬ.
3
Yawˇ htawˇ, yawˇ ve awˬ pa hkʼa shuˍ Gʼuiˬsha hta‸ te ya‸ jaˇ leh, yawˇ ve awˬ puˍ lonˉ Daˍviˆ hkʼa shuˍ Gʼuiˬsha hta‸ ka ti‸ maˇ yeˬ.
4
Ya‸ hkʼaˇ, Gʼuiˬsha lehˬ Daˍviˆ ve mehˆ hpfuhˇ hta‸ nyi leh, yawˇ hta‸ yaˇ paˍ teˇ gʼaˇ cawˬ la piˇ ve yoˬ.
5
Awˬ lawn kʼo, Daˍviˆ lehˬ Hiˇtiˆ chaw Uˇriˆya‸ miˇ ma hta‸ te ya‸ ve teˇ pawˆ maˇ heˆ kʼo, Gʼuiˬsha ve tawˇ hta‸ hkʼaˬ htaˆ ka‸ na yuˬ puiˉ jaˇ ve pa taw yoˬ.
6
Aˍbiˇyaˆ leh Yeˍyawˇbaoˍ lehˬ, hkʼaˬ htaˆ ka‸ ma‸ bawˆ da‸chehˇ ve yoˬ.
7
Aˍbiˇyaˆ hkʼa te ve kanˉ hkʼa peu-eˬ, Yuˇda‸ jawˇmawˇ teˇ hpaˍ ve li‸ daw hkʼaw bvuh‸ keu taˍ ve yoˬ.
8
Oˇ ve hkʼaw‸ nawˉ, Aˍbiˇyaˆ suh-e leh shu yawˇ hta‸ Daˍviˆ ve venˇ hkʼaw tuˍ piˇ ve yoˬ. Hkʼe te leh, yawˇ ve yaˇ paˍ Aˍsaˍ yawˇ awˬ tan jawˇmawˇ kʼaw‸ te ve yoˬ.
9
Iˉsaˍreˍlaˆ mvuhˇmiˬ hta‸ Yeˍyawˇbaoˍ uˉ peunˍ ve 20 hkʼaw‸ gaˬ htaˇ, Aˍsaˍlehˬ Yuˇda‸ mvuhˇmiˬ ve jawˇmawˇ hpeh‸ la ve yoˬ.
10
Yawˇ lehˬ, Yeˍruˆsaˍlehnˍ venˇ hta‸ 41 hkʼaw‸ uˉ peunˍ ve yoˬ. Yawˇ ve awˬ pi lehˬ Aˍbaˆsaˍlonˍ ve yaˇ miˇ Maˍhkaˍ hpeh‸ ve yoˬ.
11
Aˍsaˍ lehˬ Daˍviˆ hkʼa shuˍ, Gʼuiˬsha nyi ma cawˇ ve kanˉ hta‸ tiˉ te ve yoˬ.
12
Awˬ nu ve gʼuiˬsha teˇ hpaˍ hta‸ oˉ kʼoˍ pui kuiˬ lo haˉ chawˇ haˉ paˆ te chehˇ ve chaw hkʼa peu-eˬ hta‸ yawˇ gʼa‸ kʼoˬ leh, yawˇ ve awˬ puˍ lonˉ teˇ hpaˍ hkʼa te taˍ ve shaˉ ho‸ teˇ hpaˍ hta‸ yawˇ yuˬ baˬ ve yoˬ.
13
Yawˇ ve awˬ pi Maˍhkaˍ htawˇ, Aˍsheˍraˆ gʼuiˬsha ma ve shaˉ ho‸ hta‸ oˉ kʼoˍ pui chehˇ ve pa taw, yawˇ hta‸ jawˇmawˇ ma lonˉ maˇ kʼaw‸ te tcuh ve yoˬ.
14
Aˍsaˍ lehˬ, awˬ nu ve shaˉ ho‸ teˇ hpaˍ hta‸ maˇ te luˬ piˇ ve htawˇ, yawˇ a sha‸ te‸ chehˇ ve teˇ co-e, Gʼuiˬsha hta‸ ka ti‸ yeˬ chehˇ ve yoˬ.
15
Yawˇ awˬ pa Gʼuiˬsha hta‸ hkʼa te tanˇ taˍ ve mawˇ teˇ hpaˍ leh, yawˇ awˬ to Gʼuiˬsha hta‸ te tanˇ taˍ ve mawˇ hkʼa peu-eˬ ve hta‸ bon yehˬ hkʼaw teh taˍ ve yoˬ.
16
Yuˇda‸ jawˇmawˇ Aˍsaˍ leh Iˉsaˍreˍlaˆ jawˇmawˇ Baˍshaˍ hui lehˬ, yawˇ hui te‸ chehˇ ve teˇ co-e ma‸ bawˆ da‸ chehˇ ve yoˬ.
17
Baˍshaˍ lehˬ, Yuˇda‸ mvuhˇmiˬ hkʼaw lo chaw tawˆ tawˆ lo‸ lo‸ maˇ gʼa te tuˬ Raˍmaˆ venˇ hta‸ bawˆ yuˬ leh ta‸ yehˬ lonˉ te taˍ ve yoˬ.
18
Hkʼe te leh, jawˇmawˇ Aˍsaˍ lehˬ bon yehˬ leh hawˉ yehˬ hkʼaw hkʼa cawˬ taˍ ve hpu, shi, hkʼa peu-eˬ ve hta‸ yuˬ tawˆ leh, Suˇriˆ mvuhˇmiˬ hta‸ uˉ peunˍ chehˇ ve Haˍsaˍronˍ Taˍbaˍriˆmonˍ hui ve awˬ ceuˬ awˬ hkʼaˇ jawˇmawˇ Beˍhaˍdaˆ geh Daˍmaˍsehˆ venˇ lo feu kʼai piˇ leh, yawˇ hta‸ chi hkʼe kʼoˆ feu piˇ ve yoˬ.
19
Ngaˬ huiˉ maˬ ve awˬ pa awˬ chawˇ te da‸ jaw ve hkʼe, ngaˬ huiˉ maˬ htawˇ awˬ chawˇ te da‸-a veuˬ. Hpu, shi, chi teˇ hpaˍ ngaˬ nawˬ hta‸ la‸ shawnˍ te laˇ ve yoˬ. Iˉsaˍreˍlaˆ jawˇmawˇ Baˍshaˍ hta‸ nawˬ te da‸ taˍ ve ka ti‸ hta‸ te luˬ piˇ-oˆ. Oˇ hkʼe te piˇ ve kʼo, ngaˬ ve mvuhˇmiˬ hkʼaw chehˇ taˍ ve yawˇ ve ma‸ yaˇ teˇ hpaˍ hta‸ yawˇ kʼaw‸ yuˬ hkʼaw‸ tuˬ yoˬ, teh‸ yawˇ hta‸ kʼoˆ feu piˇ ve yoˬ.
20
Jawˇmawˇ Beˍhaˍdaˆ lehˬ, Aˍsaˍ kʼoˆ ve hkʼe te leh, yawˇ ve ma‸ yaˇ teˇ hpaˍ hta‸ Iˉsaˍreˍlaˆ mvuhˇmiˬ hta‸ ca bawˆ tcuh ve yoˬ. Hkʼe te leh, yawˇ hui lehˬ Iˉyonˍ venˇ, Danˍ venˇ, Aˍbeˍlaˆbehˆmaˍhkaˍ venˇ, Gaˍliˍlehˇ gʼuiˬ po awˬ paˇ awˬ kui lo cawˬ ve venˇ teˇ hpaˍ, leh Naˍtaˍliˆ mvuhˇmiˬ hkʼa peu-eˬ ve hta‸ bawˆ yuˬ ve yoˬ.
21
Jawˇmawˇ Baˍshaˍ lehˬ awˬ lawn oˇ ve hta‸ gʼa kaˇ ve teˇ yanˇ, Raˍmaˆ venˇ hta‸ baˬ taˉ leh Tiˇraˍzaˍ venˇ lo kʼo‸-e ve yoˬ.
22
Oˇ htaˇ, Jawˇmawˇ Aˍsaˍ lehˬ Yuˇda‸ mvuhˇmiˬ hkʼaw chehˇ ve hawˉ hkʼaˆ paˍ teˇ gʼaˇ le le hta‸ kuˬ yuˬ leh, jawˇmawˇ Baˍshaˍ Raˍmaˆ venˇ hkʼaw ta‸ yehˬ te chehˇ ve suhˆ leh haˉ pui shiˍ teˇ hpaˍ hta‸ ca taˆ yuˬ tcuh leh, Beˍyaˍmenˍ mvuhˇmiˬ hkʼaw cawˬ ve Geˍbaˍ leh Miˆsaˍpaˍ venˇ hta‸ kʼaw‸ gu te ve yoˬ.
23
Jawˇmawˇ Aˍsaˍ hkʼa te ve kanˉ hkʼa peu-eˬ, Yuˇda‸ jawˇmawˇ teˇ hpaˍ ve li‸ daw hkʼaw bvuh‸ keu taˍ ve yoˬ. Aˍsaˍ mawˇ la htaˇ, yawˇ ve hkui sheh a naˍ hpeh‸ tawˆ la ve yoˬ.
24
Yawˇ suh-e leh shu yawˇ hta‸ Daˍviˆ ve venˇ hkʼaw tuˍ piˇ ve yoˬ. Yawˇ ve yaˇ paˍ Yawˇshaˍhpaˆ yawˇ awˬ tan jawˇmawˇ kʼaw‸ te ve yoˬ.
25
Yuˇda‸ mvuhˇmiˬ hta‸ jawˇmawˇ Aˍsaˍ uˉ peunˍ ve nyiˇ hkʼaw‸ teˇ hkʼaw‸ gaˬ htaˇ, Iˉsaˍreˍlaˆ mvuhˇmiˬ hta‸ Yeˍyawˇbaoˍ ve yaˇ Naˍdaˆ jawˇmawˇ kʼaw‸ te ve yoˬ. Yawˇ lehˬ, Iˉsaˍreˍlaˆmvuhˇmiˬ hta‸ nyiˇ hkʼaw‸ uˉ peunˍ ve yoˬ.
26
Yawˇ awˬ pa hkʼa shuˍ yawˇ htawˇ Gʼuiˬsha hta‸ te ya‸ jaˇ leh, Iˉsaˍreˍlaˆ chaw hui hta‸ ya‸ kʼaw sheh ya‸ ve yoˬ.
27
Oˇ htaˇ, Iˉsaˍhkaˍ awˬ ceuˬ awˬ hkʼaˇ Aˍhiˇyaˆ ve yaˇ Baˍshaˍ yawˇ hta‸ kʼaw‸ hpfuhˆ leh, Naˍdaˆ leh yawˇ ve ma‸ yaˇ teˇ hpaˍ Hpiˇliˇtiˆ mvuhˇmiˬ hkʼaw cawˬ ve Giˇbaˍtonˍ venˇ hta‸ ca bawˆ chehˇ htaˇ, Baˍshaˍ Naˍdaˆ hta‸ tiˇ pehˍ piˇ ve yoˬ.
28
Chi hkʼe hpeh‸ la ve lehˬ, jawˇmawˇ Aˍsaˍ Yuˇda‸ mvuhˇmiˬ hta‸ uˉ peunˍ chehˇ ve 3 hkʼaw‸ teˇ hkʼaw‸ htaˇ hpeh‸ ve yoˬ. Hkʼe te leh Baˍshaˍ lehˬ, Naˍdaˆ awˬ tan Iˉsaˍreˍlaˆ mvuhˇmiˬ hta‸ kʼaw‸ uˉ peunˍ ve yoˬ.
29
Oˇ ve hkʼaw‸ nawˉ, yawˇ lehˬ Yeˍyawˇbaoˍ ve awˬ ceuˬ awˬ hkʼaˇ teˇ hpaˍ hta‸ gʼa‸ ca leh tiˇ pehˍ piˇ ve yoˬ. Shiˉlonˍ venˇ hkʼaw chehˇ ve tcuh kaˍ paˍ Aˍhiˇyaˆ hta‸ cuˇ leh Gʼuiˬsha kʼoˆ taˍ peuˬ ve hkʼe, Yeˍyawˇbaoˍ ve awˬ ceuˬ awˬ hkʼaˇ hkʼa peu-eˬ tiˇ pehˍ ve hta‸ gʼa hkanˍ ve yoˬ. Teˇ gʼaˇ ka‸ maˇ ponˬ.
30
Chi hkʼe hpeh‸ la ve lehˬ, Yeˍyawˇbaoˍ venˇbaˆ te leh Gʼuiˬsha nyi ma zuhˆ tuˬ te piˇ ve pa taw yoˬ.
31
Naˍdaˆ hkʼa te ve kanˉ hkʼa peu-eˬ Iˉsaˍreˍlaˆ jawˇmawˇ teˇ hpaˍ ve li‸ daw hkʼaw bvuh‸ keu taˍ ve yoˬ.
32
Yuˇda‸ jawˇmawˇ Aˍsaˍ leh Iˉsaˍreˍlaˆ jawˇmawˇ Baˍshaˍ hui lehˬ, hkʼaˬ htaˆ ka‸ ma‸ hpeh‸ chehˇ ve yoˬ.
33
Yuˇda‸ mvuhˇmiˬ hta‸ jawˇmawˇ Aˍsaˍ uˉ peunˍ chehˇ ve 3 hkʼaw‸ teˇ hkʼaw‸ gaˬ htaˇ, Iˉsaˍreˍlaˆ mvuhˇmiˬ hta‸ Aˍhiˇyaˆ ve yaˇ Baˍshaˍ jawˇmawˇ te ve yoˬ. Yawˇ leh, Tiˇraˍzaˍ venˇ hkʼaw 2 hkʼaw‸ uˉ peunˍ ve yoˬ.
34
Jawˇmawˇ Yeˍyawˇbaoˍ hkʼa shuˍ, yawˇ htawˇ Gʼuiˬsha hta‸ te ya‸ jaˇ leh, Iˉsaˍ reˍ laˆ chaw hui hta‸ ya‸ kʼaw sheh ya‸ piˇ ve yoˬ.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22