bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
1 Kings 9
1 Kings 9
Lahu Bible Edited © Thailand Bible Society and Bible Society of Myanmar, 2010, 2020.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 10 →
1
Jawˇmawˇ Sawˉla‸monˍ lehˬ, bon yehˬ lonˉ, yawˇ ve hawˉ yehˬ leh yawˇ te gaˇ ve awˬ nu ve yehˬ teˇ hpaˍ hta‸ te peuˬ hkʼaw‸ nawˉ,
2
ponˬ laˬ htaˇ Giˇbonˍ venˇ lo Gʼuiˬsha yawˇ geh laˬ jaw ve hkʼe, yawˇ geh teˇ pawˆ kʼaw‸ laˬ leh chi hkʼe kʼoˆ piˇ ve yoˬ.
3
Nawˬ ve bon lawˬ hkawˇ hta‸ ngaˬ kaˇ peuˬ. Ngaˬ hta‸ oˉ kʼoˍ pui kuiˬ nawˬ te taˍ ve bon yehˬ chi hta‸ ngaˬ da‸ piˇ kehˬ piˇ peuˬ. Bon yehˬ chi hta‸ ngaˬ hkʼaˬ htaˆ ka‸ nyi ha‸ shaˉ taˍ tuˬ yoˬ.
4
Nawˬ pa Daˍviˆ hkʼa shuˍ, nawˬ lehˬ ngaˬ ve awˬliˇtawˇhkawˇ teˇ hpaˍ hta‸ na yuˬ leh, ngaˬ te tcuh ve kanˉ hta‸ hkʼa deh‸ te chehˇ ve kʼo,
5
nawˬ pa Daˍviˆ hta‸ ngaˬ ka ti‸ te piˇ taˍ peuˬ ve hkʼe, yawˇ ve awˬ ceuˬ awˬ hkʼaˇ teˇ gʼaˇ peuˬ teˇ gʼaˇ Iˉsaˍreˍlaˆ mvuhˇmiˬ hta‸ gʼa uˉ peunˍ tuˬ yoˬ.
6
Ya‸ hkʼaˇ, nawˬ leh nawˬ ve awˬ ceuˬ awˬ hkʼaˇ te hpaˍ ngaˬ ve awˬliˇtawˇhkawˇ hta‸ maˇ na yuˬ leh, awˬ nu ve gʼuiˬsha teˇ hpaˍ hta‸ oˉ kʼoˍ pui ve kʼo,
7
ngaˬ ve Iˉsaˍreˍlaˆ chaw chi teˇ hpaˍ hta‸ mvuhˇmiˬ chi ve hkʼaw ngaˬ gʼa‸ kʼoˬ piˇ tuˬ yoˬ. Ngaˬ hta‸ oˉ kʼoˍ pui kuiˬ nawˬ te taˍ ve bon yehˬ chi hta‸ htawˇ, ngaˬ baˬ taˉ tuˬ yoˬ. Awˬ nu ve chaw ceuˬ teˇ hpaˍ lehˬ, Iˉsaˍreˍlaˆ chaw hui hta‸ hkʼa mvuhˇ hkʼa na kʼoˆ leh maˇ shawˍ maˇ caˆ te piˇ tuˬ yoˬ.
8
Bon yehˬ lonˉ chi ve luˬ kʼai leh, oˇ kaˬ lo hkʼa hpanˍ kʼai ve chaw teˇ hpaˍ dawˇ maˇ tawˆ leh kawˆ jaˇ tuˬ yoˬ. A hto‸ ma pa taw, Gʼuiˬsha lehˬ mvuhˇmiˬ chi ve leh bon yehˬ lonˉ chi ve hta‸ chi hkʼe te piˇ ve le, teh‸ teˇ gʼaˇ leh teˇ gʼaˇ kʼoˆ da‸ tuˬ yoˬ.
9
Yawˇ hui kʼaw‸ yaw hkʼaw‸ leh kʼoˆ ve, Chaw chi teˇ hpaˍ lehˬ, yawˇ hui ve awˬ puˍ awˬ pi hui hta‸ Eˇjiˇtu‸ mvuhˇmiˬ hkʼaw lo shiˍ tawˆ la piˇ shehˍ hpaˇ yawˇ hui ve Gʼuiˬsha hta‸ baˬ taˉ leh, awˬ kaˍ awˬ nu ve gʼuiˬsha hta‸ oˉ kʼoˍ pui ve pa taw, Gʼuiˬsha yawˇ hui hta‸ chi hkʼe luˬ kʼai sheˆ kʼai piˇ lawˬ ve yoˬ, teh‸ kʼoˆ tuˬ yoˬ, teh‸ Gʼuiˬsha Sawˉla‸monˍ hta‸ kʼoˆ piˇ ve yoˬ.
10
Sawˉla‸monˍ lehˬ bon yehˬ lonˉ leh yawˇ ve hawˉ yehˬ hta‸ te ve 20 hkʼaw‸ hkʼe maw ve yoˬ.
11
Tuˉruˆ mvuhˇmiˬ ve jawˇmawˇ Hiˍranˍ lehˬ, Sawˉla‸monˍ loˍ ve suhˆ leh shi teˇ hpaˍ hkʼa deh‸ ga ca piˇ ve yoˬ. Kanˉ chi hkʼa peu-eˬ ve hta‸ te peuˬ hkʼaw‸ nawˉ, jawˇmawˇ Sawˉla‸ monˍ Hiˍranˍ hta‸ Gaˍliˍlehˇ mvuhˇmiˬ hkʼaw cawˬ ve venˇ 20 venˇ piˇ ve yoˬ.
12
Venˇ oˇ ve teˇ hpaˍ hta‸ Hiˍranˍ ca nyi leh, yawˇ maˇ heuˆ gaˇ.
13
Hkʼe te leh yawˇ Sawˉlaˆmonˍ geh kʼai leh, Ngaˬ nyi paˍ-oˬ, venˇ chi teˇ hpaˍ lehˬ nawˬ ngaˬ hta‸ piˇ laˇ taˍ ve venˇ teˇ hpaˍ hpeh‸ ve yoˬ, teh‸ yawˇ hta‸ kʼoˆ piˇ ve yoˬ. Chi hta‸ pa taw, ya‸ nyi hkʼa gaˬ mvuhˇmiˬ chi teˇ tawn hta‸ Kaˍbuˍ laˆ teh‸ meh piˇ taˍ ve yoˬ.
14
Hiˍranˍ lehˬ, Sawˉla‸monˍ hta‸ shi shehˆ hinˉ teˇ ha cawehˬ feu piˇ taˍ peuˬ ve yoˬ.
15
Jawˇmawˇ Sawˉla‸monˍ lehˬ, awˬ ceˬ teˇ hpaˍ hta‸ kanˉ nyiˉ te tcuh leh, bon yehˬ lonˉ, yawˇ ve hawˉ yehˬ leh lanˇ venˇ hta‸ kawˍ taˍ ve yoˬ. Chi hkʼoˆ ka‸, yawˇ lehˬ awˬ ceˬ oˇ ve teˇ hpaˍ hta‸ yehˇ leh, Baˍzawˇ venˇ, Mehˆgiˇdoˍ venˇ leh Gaˍzaˍ venˇ teˇ hpaˍ hta‸ htawˇ te taˍ ve yoˬ.
16
(Eˇjiˇtu‸ jawˇmawˇ lehˬ, Geˍzaˍ venˇ hta‸ ca bawˆ la leh, venˇ yaˇ oˇ ve teˇ hpaˍ hta‸ tiˇ pehˍ piˇ peuˬ hkʼaw‸ nawˉ, venˇ hta‸ aˬ miˍ tuˉ baˬ piˇ ve yoˬ. Yawˇ ve yaˇ miˇ Sawˉla‸monˍ hta‸ piˇ htaˇ, venˇ oˇ ve yawˇ ve yaˇ miˇ hta‸ piˇ ve yoˬ. Hkʼe te leh, Sawˉla‸monˍ venˇ oˇ ve hta‸ kʼaw‸ gu te ve yoˬ.)
17
Sawˉla‸monˍ lehˬ, Beˍtawˇronˍ venˇ,
18
Baˍlaˆ venˇ leh Yuˇda‸ mvuhˇmiˬ heh puiˉ hkʼaw lo cawˬ ve Taˍmaˍ venˇ chi teˇ hpaˍ hta‸ htawˇ te taˍ ve yoˬ.
19
Chi hkʼoˆ ka‸, yawˇ lehˬ caˇ tuˬ dawˬ tuˬ ha‸ shaˉ taˍ kuiˬ, leh yawˇ ve iˉ mvuhˇ lawˬ teˇ hpaˍ teh taˍ kuiˬ, Yeˍruˆsaˍlehnˍ leh Leˍbaˍnonˍ hkʼaw hkʼoˆ lo venˇ teˇ hpaˍ te taˍ ve yoˬ.
20
Yawˇ kanˉ nyiˉ te tcuh ve awˬ ceˬ chi teˇ hpaˍ lehˬ, Iˉsaˍreˍlaˆ chaw hui Hkaˍnanˍ mvuhˇmiˬ hkʼaw lo‸ la htaˇ, yawˇ hui maˇ tiˇ pehˍ piˇ ve chaw teˇ hpaˍ hpeh‸ ve yoˬ.
21
Yawˇ hui lehˬ, Aˍmawˇriˆ chaw, Hiˇtiˆ chaw, Hpeˍraˍziˆ chaw, Hiˇviˆ chaw leh Yeˍbuˇsiˆ chaw hui hpeh‸ ve yoˬ. Chaw chi teˇ hpaˍ lehˬ, oˇ ve teˇ nyi hta‸ te leh ya‸ nyi hkʼa gaˬ, Iˉsaˍreˍlaˆ chaw hui ve awˬ ceˬ te chehˇ ve yoˬ.
22
Sawˉla‸monˍ lehˬ, Iˉsaˍreˍlaˆ chaw teˇ gʼaˇ hta‸ ka‸ awˬ ceˬ maˇ te tcuh. Yawˇ hui hta‸ yawˇ ve ma‸ yaˇ, awˬ hoˉ awˬ naˬ, ma‸ poˍ lonˉ, iˉ mvuhˇ lawˬ gʼa‸ paˍ teˇ hpaˍ te tcuh ve yoˬ.
23
Kanˉ te chehˇ ve awˬ ceˬ paˍ oˇ ve teˇ hpaˍ hta‸ nyi tuˬ, kanˉ nyi paˍ awˬ hoˉ 550 gʼaˇ cawˬ ve yoˬ.
24
Sawˉla‸monˍ lehˬ, yawˇ heuˆ taˍ ve Eˇjiˇtu‸ jawˇmawˇ ve yaˇ miˇ hta‸ Daˍviˆ ve venˇ hkʼaw shiˍ tawˆ leh, yawˇ te piˇ taˍ ve hawˉ yehˬ hkʼaw ca shiˍ keu piˇ peuˬ hkʼaw‸ nawˉ, Miˆlawˇ teh‸ kʼoˆ ve ta‸ yehˬ hta‸ te ve yoˬ.
25
Shehˆ hkʼaw‸ teˇ pawˆ Sawˉla‸monˍ lehˬ, yawˇ te taˍ ve tuˉ tanˇ kuiˬ hkʼoˆ lo Gʼuiˬsha hta‸ tuˉ tanˇ piˇ leh, sha hawnˉ htawˇ tuˉ tanˇ piˇ ve yoˬ.
26
Jawˇmawˇ Sawˉla‸monˍ lehˬ, Eˇdonˍ mvuhˇmiˬ, Eˇloˆ venˇ paˇ lo cawˬ ve Eˇzaˍyonˍgaˍbaˍ teh‸ kʼoˆ ve chehˇ kuiˬ lo, haw lo‸ kʼoˍ teˇ hpaˍ hta‸ htawˇ te teh taˍ ve yoˬ.
27
Jawˇmawˇ Hiˍranˍ lehˬ, haw lo‸ kʼoˍ te puiˉ jaˇ ve chaw teˇ hpaˍ hta‸ oˇ kaˬ lo kʼai tcuh leh, haw lo‸ kʼoˍ ca ga te tcuh ve yoˬ.
28
Yawˇ hui Awˇhpiˍraˆ venˇ lo haw lo‸ kʼoˍ ciˇ kʼai leh, shi 9,920 cawehˬ Sawˉla‸monˍ geh yuˬ laˬ piˇ ve yoˬ.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22