bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
2 Kings 14
2 Kings 14
nyankole
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 15 →
1
Omu mwaka gwa kabiri ogw'omu busingye bwa Yehoashi mwene Yehoahazi omugabe wa Isiraeli, Amaziya mwene Yoashi omugabe wa Yuda akaza aha ngoma.
2
Akagizaho aine myaka abiri n'etaano y'obukuru, yaategyekyera emyaka makumi abiri na mwenda ari Yerusalemu. Nyina akaba naayetwa Yehoadaana, owa Yerusalemu.
3
Amaziya akakora ebirikusiimwa Nyakubaho, kwonka tiyaaba nka Daudi ishenkuru; kureka yaakora nk'ebi Yoashi ishe yaakozire.
4
Emyanya y'aha butungutungu taragiihireho; abantu baaguma nibagitambiraho ebitambo, nibootereraho obubaani.
5
Ku yaaherize kuhamira kimwe aha ngoma, yaita abagaragwa be abaitsire ishe.
6
Kwonka tiyaita batabani baabo; nk'oku kihandiikirwe omu kitabo ky'ebiragiro bya Musa, ahi Nyakubaho yaateereireho ekiragiro kirikugira kiti: Baishe b'abaana batariitwa nibaturwa abaana baabo; n'abaana batariitwa nibaturwa baishebo, kureka buri muntu aryaitwa naaturwa ekibi kye.
7
Reero yaitira Abanyaedomu kakumi omu ruhanga rw'Omwonyo; kandi yaateera Seela yaagikubuura, yaagyeeta Yokiteeli, yaaguma neeyetwa etyo n'eri izooba.
8
Ebyo ku byahwaire, Amaziya yaatuma entumwa ahari Yehoashi mwene Yehoahazi, mwijukuru wa Yehu, omugabe wa Isiraeli, naamuhaya ati: Rugayo tureebane akaso omu kandi.
9
Yehoashi omugabe wa Isiraeli nawe yaatuma ahari Amaziya omugabe wa Yuda ati: Ekitojo kya Lebanooni kikatuma ahari kaarwenda yaayo kiti: Ha mutabani wangye muhara waawe, amushwere. Kwonka enyamaishwa za Lebanooni ku zaabaire nizirabaho, zaakiribata kyabandama.
10
Buzimazima ku osingwire Abanyaedomu, waagira eigundu. Yeraatire obusinguzi bwawe; kwonka ogume omuka. Mbwenu nooyendera ki kutaara akabi, iwe n'Abaayuda mukafa?
11
Kwonka ebyo Amaziya tarabyeteireho, Yehoashi omugabe wa Isiraeli nikwo kuhurura, akabugabugana na Amaziya omugabe wa Yuda, bakarwanira orugamba Betishemeshi ey'omuri Buyuda.
12
Abaayuda bakasingurwa Abaisiraeli; buri muntu akahunga naataaha owe.
13
Yehoashi omugabe wa Isiraeli akakwatira Betishemeshi Amaziya omugabe wa Yuda, mwene Yoashi, mwijukuru wa Ahaziya. Reero akaija Yerusalemu, akasheenyagura ekigo kyayo ekirikuhitsya emikono magana ana, okwiha aha irembo rya Efuraimu okuta aha irembo ry'Akeekubo.
14
Akanyaga ezaabu n'efeeza, n'ebintu byona ebi yaashangire omuri Nyaruju ya Nyakubaho, n'omu mabiikiro g'omu kikaari ky'omugabe. Akabahambamu abantu, baaba omukwato; bwanyima akagaruka Samariya.
15
Endiijo mirimo ya Yehoashi, n'ebindi ebi yaakozire, n'amaani ge, n'oku yaarwaine na Amaziya omugabe wa Yuda, bihandiikirwe omu Kitabo ky'eby'omu Busingye bw'abagabe ba Isiraeli.
16
Bwanyima Yehoashi akafa, yaashanga baishenkuru. Baamuziika omuri Samariya, ahi baziika abagabe ba Isiraeli. Yeroboamu omutabani yaamuhungurira.
17
Amaziya mwene Yoashi omugabe wa Yuda akamara emyaka ikumi n'etaano, Yehoashi mwene Yehoahazi omugabe wa Isiraeli aherize kufa.
18
Ebindi ebi Amaziya yaakozire bihandiikirwe omu Kitabo ky'eby'omu Busingye bw'abagabe ba Yuda.
19
Abazigu be ku baamugiiriire enaama y'okumwitira omuri Yerusalemu, yaahungira Lakishi. Kwonka baayohereza ab'okumukurata Lakishi, baamwitirayo.
20
Omutumbi gwe baagureetera aha mbaraasi, baaguziika Yerusalemu omu rurembo rwa Daudi, ahi baziikire baishenkuru.
21
Abantu ba Yuda boona baareeta Uziya, ow'emyaka ikumi na mukaaga y'obukuru, baamwemeka, yaaba omugabe omu mwanya gwa Amaziya ishe.
22
Uziya ogwo niwe yaayombekire busya Elati, akagigarurira Abaayuda, ishe yaaherize kufa.
23
Omu mwaka gwa ikumi n'etaano ogomu busingye bwa Amaziya mwene Yoashi omugabe wa Yuda, Yeroboamu mwene Yehoashi omugabe wa Isiraeli akaza aha ngoma omuri Samariya, yaategyekyera emyaka makumi ana na gumwe.
24
Akakora ebirikugwisa kubi Nyakubaho, tiyaareka bibi bya Yeroboamu mwene Nebati ebi yaacumuziise Isiraeli.
25
Akagaruraho ebyanga bya Isiraeli okwiha ahi baraba nibaza Hamati okuta aha Nyanja ya Araba, nk'oku Mukama Ruhanga wa Isiraeli yaakigambiise omuheereza we Yona omurangi mwene Amitaayi, owaarugire Gatiheferi.
26
Manya Nyakubaho akareeba Abaisiraeli nibabonabonesibwa munonga, hataine n'omwe otsigaireho; yaaba muhuuku nari ow'obusingye, nobu yaakuba ow'okubaha emikono.
27
Kwonka Nyakubaho akaba atarikwenda kumaraho Abaisiraeli, ngu beebere kimwe omu nsi. Nikyo yaabajuniire naakoresa Yeroboamu mwene Yehoashi.
28
Mbwenu endiijo mirimo ya Yeroboamu n'ebindi byona ebi yaakozire, amaani ge, oku yaarwaine, n'oku yaakubururiire Isiraeli Damasiko na Hamati ebyabaire biri ebya Yuda, bihandiikirwe omu Kitabo ky'eby'omu Busingye bw'abagabe ba Isiraeli.
29
Bwanyima Yeroboamu akafa, yaashanga baishenkuru abagabe ba Isiraeli; omutabani Zekariya yaayema omu mwanya gwe.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25