bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
2 Kings 15
2 Kings 15
nyankole
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
1
Omu mwaka gwa makumi abiri na mushanju ogw'omu busingye bwa Yeroboamu omugabe wa Isiraeli, Uziya mwene Amaziya omugabe wa Yuda nibwo yaaza aha ngoma.
2
Akaba aine emyaka ikumi na mukaaga y'obukuru obu yaaza aha ngoma; yaategyekyera emyaka makumi ataano n'ebiri omuri Yerusalemu. Nyina akaba naayetwa Yekoliya, owa Yerusalemu.
3
Uziya akakora ebirikusiimwa Nyakubaho, nk'ebi Amaziya ishe yaakozire.
4
Kwonka emyanya y'obutungutungu teraihirweho, abantu baaguma nibagitambiraho ebitambo, nibagyotereraho obubaani.
5
Nyakubaho nikwo kurwaza ogwo mugabe ebibembe, akaguma ari omubembe, naaraara omu ngoonyo, okuhitsya obu yaafiire; omutabani Yotamu akareeberera eby'omu kikaari, naategyeka abantu b'omuri egyo nsi.
6
Mbwenu endiijo mirimo ya Uziya n'ebi yaakozire byona bihandiikirwe omu Kitabo ky'eby'omu Busingye bw'abagabe ba Yuda.
7
Bwanyima Uziya ogwo akafa, yaashanga baishenkuru; baamuziika ahi baziikwa, omu rurembo rwa Daudi. Yotamu omutabani yaayema omu mwanya gwe.
8
Omu mwaka gwa makumi ashatu na munaana ogw'omu busingye bwa Uziya omugabe wa Yuda, nibwo Zekariya mwene Yeroboamu yaaza aha ngoma, akategyekyera Isiraeli ameezi mukaaga omuri Samariya.
9
Akakora ebi Nyakubaho atarikusiima, nk'oku baishenkuru baabikozire. Tiyaareka bibi bya Yeroboamu mwene Nebati, ebi yaacumuziise Isiraeli.
10
Shaalumu mutabani wa Yabeshi akamugirira enaama mbi, yaamuteerera omu maisho g'abantu, yaamwita, yaahungura engoma ye.
11
Ebindi ebi Zekariya yaakozire, reeba bihandiikirwe omu Kitabo ky'eby'omu Busingye bw'abagabe ba Isiraeli.
12
Ekyo nikyo Nyakubaho yaaraganiise Yehu ati: Batabani baawe, okuhitsya aha b'oruzaaro rwa kana, baryashitama aha kitebe ky'obugabe bwa Isiraeli. Haza nikwo kyabaire.
13
Shaalumu mutabani wa Yebeshi akaza aha ngoma omu mwaka gwa makumi ashatu na mwenda ogw'omu busingye bwa Uziya omugabe wa Yuda, yaategyekyera okwezi kumwe omuri Samariya.
14
Reero Menahemu mutabani wa Gadi, yaahuruutuka Tiriza, yaija Samariya yaateererayo Shaalumu mwene Yabeshi, yaamwita, yaahungura engoma ye.
15
Ebindi ebi Shaalumu yaakozire n'enaama mbi ei yaagizire, reeba, bihandiikirwe omu Kitabo ky'omu by'Obusingye bw'abagabe ba Isiraeli.
16
Omu biro ebyo Menahemu akateera Tifusa, yaagicwekyereza n'abagirimu boona n'ebyanga byayo, okwiha Tiriza n'okugumizamu; ngu ahabw'okuba tibaramwiguriire. Nikyo yaarucwekyerereize, akashatura n'abakazi baamwo boona abaine enda.
17
Omu mwaka gwa makumi ashatu na mwenda ogw'omu busingye bwa Uziya omugabe wa Yuda, Menahemu mutabani wa Gadi nibwo yaaza aha ngoma ya Isiraeli, akategyekyera emyaka ikumi omuri Samariya.
18
Akakora ebi Nyakubaho atarikusiima; omu biro by'amagara ge byona akanga kureka ebibi bya Yeroboamu mwene Nebati ebi yaacumuziise Isiraeli.
19
Mbwenu Puulu omugabe wa Asiriya ku yaahurwire kuteera egyo nsi, Menahemu yaamuha empiiha z'efeeza obukaikuru mukaaga, ngu amuhwere kuhamya obugabe bwe.
20
Haza ezo mpiiha Menahemu akaba azishoroorize aha Baisiraeli abatungi boona, buri omwe empiiha makumi ataano z'efeeza, kuziha omugabe wa Asiriya. Omugabe wa Asiriya nawe nikwo kukuba, akarereera kuguma omuri egyo nsi.
21
Mbwenu endiijo mirimo ya Menahemu, na byona ebi yaakozire bihandiikirwe omu Kitabo ky'eby'omu Busingye bw'abagabe ba Isiraeli.
22
Bwanyima Menahemu akafa, yaashanga baishenkuru; omutabani Pekahiya yaayema omu mwanya gwe.
23
Omu mwaka gwa ikumi n'etaano ogw'omu busingye bwa Uziya omugabe wa Yuda, nibwo Pekahiya mwene Menahemu yaaza aha ngoma ya Isiraeli omuri Samariya, akategyekyera emyaka ebiri.
24
Akakora ebitarikusiimwa Nyakubaho, tiyaareka bibi bya Yeroboamu mwene Nebati, ebi yaacumuziise Isiraeli.
25
Peeka mwene Remaliya omukuru w'engabo ze yaamugiira omu naama n'abashaija makumi ataano b'Abagileadi, yaamwitira Samariya, omu kigo ky'omu kikaari ky'omugabe, yaahungura engoma ye.
26
Endiijo mirimo ya Pekahiya, n'ebi yaakozire byona, reeba bihandiikirwe omu Kitabo ky'eby'omu Busingye bw'abagabe ba Isiraeli.
27
Omu mwaka gw'ataano n'ebiri ogw'omu busingye bwa Uziya omugabe wa Yuda, Peeka mwene Remaliya nibwo yaaza aha ngoma ya Isiraeli omuri Samariya, akategyekyera emyaka makumi abiri.
28
Nawe akakora ebitarikusiimwa Nyakubaho, tiyaareka bibi bya Yeroboamu mwene Nebati, ebi yaagwisizemu Isiraeli.
29
Omu busingye bwa Peeka omugabe wa Isiraeli, nibwo Tigulati-pileseeri omugabe wa Asiriya yaija, akakwata endembo Iyoni, Abeelibeti-maaka, Yanoa, Kedeshi, Hazori n'ebyanga bya Gileadi na Galilaaya n'ekyanga kya Nafutaali kyona.
30
Bwanyima Hoshea mwene Eela akagirira Peeka mwene Remaliya enaama mbi, yaamuteera yaamugwisaho, yaahungura engoma ye omu mwaka gwa makumi abiri ogw'omu busingye bwa Yotamu mwene Uziya.
31
Endiijo mirimo ya Peeka, na byona ebi yaakozire, reeba bihandiikirwe omu Kitabo ky'eby'omu Busingye bw'abagabe ba Isiraeli.
32
Omu mwaka gwa kabiri ogw'omu busingye bwa Peeka mwene Remaliya omugabe wa Isiraeli, nibwo Yotamu mwene Uziya omugabe wa Yuda yaaza aha ngoma.
33
Akaza aha ngoma aine emyaka abiri n'etaano y'obukuru; yaategyekyera emyaka ikumi na mukaaga omuri Yerusalemu. Nyina akaba naayetwa Yerusha, ari muhara wa Zadoki.
34
Akakora ebirikusiimwa Nyakubaho, nka byona ebi Uziya ishe yaakozire,
35
kwonka shi emyanya y'obutungutungu taragiihireho, abantu baaguma nibagitambiraho ebitambo, kandi nibagyotereraho obubaani. Akombeka Eirembo rya ruguru erya Nyaruju ya Nyakubaho.
36
Mbwenu endiijo mirimo ya Yotamu, n'ebi yaakozire byona, bihandiikirwe omu Kitabo ky'eby'omu Busingye bw'abagabe ba Yuda.
37
Omu biro ebyo nibwo Nyakubaho yaatandika kwohereza Rezini omugabe wa Siriya kuteera Buyuda.
38
Yotamu akafa, yaashanga baishenkuru; baamuziika hamwe nabo omu rurembo rwa Daudi ishenkuru.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25