bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
2 Kings 17
2 Kings 17
nyankole
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 18 →
1
Omu mwaka gwa ikumi n'ebiri ogw'omu busingye bwa Ahazi omugabe wa Yuda, nibwo Hoshea mwene Eela yaaza aha ngoma ya Isiraeli omuri Samariya; akategyekyera emyaka mwenda.
2
Akakora ebitarikusiimwa Nyakubaho; kwonka bitari nk'eby'abagabe ba Isiraeli abaamubandiize.
3
Omugabe Shalumaneseeri owa Asiriya akahurura, yaamurwanisa, Hoshea yaaba omushaija we, yaaguma naamutoijera.
4
Kwonka omugabe wa Asiriya yaakyenga Hoshea ku ari endeebya, ahabw'okuba akatuma entumwa ahari So omugabe wa Misiri kumuha emikono, kandi yaarereerera aho kutoijera omugabe wa Asiriya, nk'oku yaabaire akora buri mwaka. Omugabe wa Asiriya nikwo kumukwata, akamuta omu kihome.
5
Bwanyima ogwo mugabe wa Asiriya yaateera egyo nsi, yaahika Samariya, yaagigotera emyaka eshatu.
6
Omu mwaka gwa mwenda ogw'omu busingye bwa Hoshea nibwo omugabe wa Asiriya yaakwata Samariya, akatwara Abaisiraeli Asiriya bari enkwatwa, akabata omuri Haala, n'aha Mugyera Habori ogw'omuri Gozani, n'omu ndembo z'Abameedi.
7
Ekyo kikabaho, ahabw'okuba Abaisiraeli bakacumura ahari Mukama Ruhanga waabo owaabaihire Misiri omu mikono ya Faraaho omugabe waayo, baaramya baaruhanga abandi,
8
baatooreza emicwe y'Abanyamahanga, abu Nyakubaho yaabingire kubahigiza, kandi baakuratira emitwarize ei abagabe ba Isiraeli baabareetsiremu.
9
Abaisiraeli baaguma nibakorera omu mubonano ebitarikusiimwa Mukama Ruhanga waabo. Baayeyombekyera obutungutungu omu birorero byabo byona, okwiha aha minaara y'abarinzi, okuhika aha ndembo ezeehinguririziibwe ebigo bigumire.
10
Baayekorera enyomyo z'amabaare n'ebishushani bya Ashera ahari buri katungutungu, n'ahansi ya buri murinzi.
11
Baaguma nibootererayo obubaani nk'abanyamahanga bu Nyakubaho yaabingire kubahigiza baakozire. Baakora ebintu bibi ebyaitsize Nyakubaho ekiniga.
12
Baaramya ebishushani ebi Nyakubaho yaabazibiire naagira ati: Mutaribiramya.
13
Haza Nyakubaho yaaguma naateisa Abaisiraeli n'Abaayuda, naabatumaho abarangi n'abahanuuzi, naabagira ati: Muhindukye, murekye emicwe yaanyu emibi, mworobere ebiragiro byangye, n'ebi naataireho, nk'oku ebiragiro byangye biri, ebi naaragiire baashwenkuriimwe, nkabatumaho abaheereza bangye abarangi.
14
Kwonka bo tibaahurira, baagangaara nka baishenkurubo abataraikiriize Mukama Ruhanga waabo.
15
Baagaya ebi yaataireho, n'endagaano ei yaaragaine na baishebo, n'okuteisa oku yaabaire abateisa. Baakuratira ebitaine mugasho, nabo baaba abataine mugasho. Baatooreza emicwe y'amahanga agaabaire gabeehinguririize, agu Nyakubaho yaabeehanangiriize kutatwaza nkago.
16
Baareka kworobera ebiragiro bya Mukama Ruhanga waabo; baayekorera ebishushani by'enyana ibiri ebiheesirwe, n'ebya Ashera. Baaramya ebirikwaka eby'omu iguru, baataho n'okuramya Baali.
17
Baatamba batabani baabo na bahara baabo kuba ebitambo bicwekize. Baaraguza, baaroga, kandi baayeheerayo kimwe kukora ebirikugwisa kubi Nyakubaho bikamwitsa ekiniga.
18
Nikyo Nyakubaho yaagiriire Abaisiraeli ekiniga kingi, akababinga omu maisho ge, hatagire waatsigaraho; kureka ab'oruganda rwa Yuda bonka.
19
Abaayuda nabo tibaroorobeire biragiro bya Mukama Ruhanga waabo, kureka bakatooreza emicwe ei Abaisiraeli baareetsire.
20
N'ahabw'ekyo Nyakubaho yaacwa baijukuru b'Abaisiraeli boona, yaababonabonesa, yaabashunikira abanyagi, okuhitsya obu yaababingiire kimwe omu maisho ge.
21
Nyakubaho ku yaataaniise Abaisiraeli n'ab'omuryango gwa Daudi, Abaisiraeli baayeteeraho Yeroboamu mwene Nebati, kuba omugabe waabo. Haza Yeroboamu ogwo yaareetera Abaisiraeli okutakuratira Nyakubaho, yaabakoresa ekibi kihango.
22
Abaisiraeli baaguma nibakora ebibi bi Yeroboamu yaakozire; tibaabireka,
23
okuhitsya obu Nyakubaho yaababingire omu maisho ge, nk'oku yaakigambiise abaheereza be abarangi. Okwo nikwo Abaisiraeli baabingirwe omu nsi yaabo bakatwarwa Asiriya, bakagumayo n'okuhitsya hati.
24
Mbwenu omugabe wa Asiriya akaiha abantu Babulooni, Kuuta, Ava, Hamati na Shefaruvaimu, yaabata omu ndembo za Samariya omu mwanya gw'Abaisiraeli. Baakubuura Samariya, baatuura omu ndembo zaabo.
25
Ku baabaire bakitandikire kutuurayo, tibaatiina Nyakubaho. Nawe nikwo kubooherereza entare, zikabaitamu abantu.
26
Abantu bateekyerereza omugabe bati: Abanyamahanga bu waafurwire, okabata omu ndembo za Samariya tibarikumanya iteeka rya mukama w'omuri egyo nsi. Nikyo abooherereize entare. Mbwenu reeba nizibarya, ahabw'okuba tibarikumanya iteeka rya ruhanga w'egyo nsi.
27
Omugabe wa Asiriya nawe aragiira ati: Mugarureyo omuhongyerezi omwe aha bu mwaihireyo, agyende atuureyo, abeegyese iteeka rya ruhanga w'egyo nsi.
28
Mpaho omwe omu bahongyerezi abu baihire Samariya yaija, yaatuura Beteli, yaabeegyesa oku baraaramye Nyakubaho.
29
Kwonka buri bantu b'eihanga baayekorera ebishushani bya baaruhanga baabo, baabita omu ndaaro z'aha butungutungu ezi Abanyasamariya baabaire bombekire, buri bantu b'eihanga omu ndembo zi batwiremu.
30
Abaababulooni baakora ebishushani bya ruhanga Sukotibenoti; Abaakuti baakora ebya Neregaali; Abaahamati ebya Ashima.
31
N'aba Aavi baakora ebya Nibuhazi na Tarutaki. Reero Abashefaruvi baatambira baaruhanga baabo Adurameleki abaana baabo kuba ebitambo bicwekize.
32
Kwonka kandi baaguma nibaramya Nyakubaho. Baayetooranamu abantu b'okuba abahongyerezi b'obutungutungu, abaagumire nibabatambirira ebitambo omu ndaaro zaabo.
33
Batyo baaguma nibaramya Nyakubaho, kandi nibaramya baaruhanga baabo, nibakuratira emitwarize y'amahanga gu baarugiremu.
34
N'eri izooba nibakitwaza nk'okwabo kwa ira. Tibarikuramya Nyakubaho, nobu kwakuba okukuratira ebi yaataireho, n'amateeka nari emigyenzo n'ebiragiro ebi Nyakubaho yaaragiire baijukuru ba Yakobo, ou yaayetsire Isiraeli.
35
Nyakubaho akakora nabo endagaano, yaabaragiira ati: Mutaritiina baaruhanga abandi, nobu kwakuba okubaramya nainga okubaheereza, nari okubatambira ebitambo.
36
Kureka mugume muntiine, Nyowe Nyakubaho owaabaihire Misiri n'amaani maingi n'omukono gubangire. Mube niinye mwaguma nimuramya, kandi nimuntambira ebitambo.
37
Ebi naataireho, n'emigyenzo nari amateeka ebi naabahandiikiire, mube nibyo mwaguma nimutaho omutima, nimubihitsya. Mutariramya baaruhanga abandi.
38
Kandi mutaryebwa endagaano i naaragaine naimwe. Mutariha baaruhanga abandi ekitiinwa,
39
kureka mugume mutiine Mukama Ruhanga waanyu, nawe aryabajuna abazigu baanyu boona.
40
Kwonka shi bo tibarakyetaireho, baatwaza nk'okwabo kwa ira.
41
Batyo abo banyamahanga baaguma nibaramya Nyakubaho kandi nibaramya ebishushani byabo ebishariirwe. Abaana baabo na baijukuruza baabo baaguma nibakora nk'oku baishebo baakozire okuhitsya n'eri izooba.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25