bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Shilluk
/
Shilluk DC Bible © Bible Society in South Sudan, 2011
/
Judges 13
Judges 13
Shilluk DC Bible © Bible Society in South Sudan, 2011
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
1
Adøøg tyëng Isrɑil ki gwøg ki gïnrɑj kì bøli Jwøng-ɑ Ácwɑ̈ɑ̈j, ɑcïb gen cinggi tyëng Pelistiyɑ̀ yi Jwøng-ɑ Ácwɑ̈ɑ̈j, kɑ ge jɑɑg yi gen ki runn pyɑ̈r ɑ́ngwen.
2
Ádɑ jɑl megø kì kɑɑl Dhorɑ̀ kì gøl Dɑn me cwøl ɑ́ Mɑnowɑ̀, o cyëge bɑ bwøj, nuti wöl nywølø ki dhɑnhø.
3
Kɑ wëywöni Jwøng-ɑ Ácwɑ̈ɑ̈j ocwöbø kì bøli ngɑnɑni, kɑ gø köbbe kinni, “Yï bɑ bwøj, yï nuti wöl nywølø ki dhɑnhø; de yï óyɑɑj, kɑ yï pɑ̈dh-ɑ piny ki wɑ̈d.
4
Yï ko pɑ̈nyi mɑ̈dhø ki møgi oløg kí møgi byel, wɑlɑ̀ ki gïn ree di thɑbø, wɑlɑ̀ yï ko pɑ̈nyi cɑm ki gïgcɑmm møg-ɑ ywëdhø.
5
Keny-ɑ órum wɑ̈dí ki pɑ̈dhi piny yi yïn, yëyyi wïje ko pɑ̈nyi ki lyelø, mɑ́ nyelthinh menɑni óbëëd ɑ́ ɑthyeey Jwøk kër-ɑ ónywøølii. En ɑ óyiel Isrɑil kì cinggi tyëng Pelistiyɑ̀.”
6
Akedh ngɑnɑni kɑ jɑlgøle köbbe kinni, “Jɑlkwøbbi Jwøk ɑ́bï yïɑ, nënni e nɑ wëywöni Jwøk. Dhɑnhø ceg-ɑ böggø yi en. Nuti pyëëj yɑn ki kun-ɑ ɑ́kɑ̈ɑ̈le, o nyinge nuti köbbi yɑn yi en.
7
De yɑ ɑ́köbbe kinni, i yɑ óyɑɑj kɑ yɑ pɑ̈dh-ɑ piny ki wɑ̈d. Aköbbe yɑn kinni cɑg ɑnɑn, yɑ ko mɑ̈ɑ̈dh ki møgi oløg wɑlɑ̀ møgi byel, kɑ yɑ ko cyɑ̈ɑ̈m ki gïg-ɑ ywëdhø, mɑ́ nyelthinh óbëëd ɑ́ ɑthyeey Jwøk kì yethi cyɑ̈ngg-ɑ ónëëne bënn.”
8
Kɑ Jwøng-ɑ Ácwɑ̈ɑ̈j kwɑjji yi Mɑnowɑ̀ kinni, “Yïn ɑ Jwøng-ɑ Ácwɑ̈ɑ̈j, yɑ kwɑjj-ɑ yïn, wiy dhɑnhø mií men-ɑ ɑ́ör yi yïn dwööge be nyudhi wøn ki gïn-ɑ ógöggi wøn nyelthinh men-ɑ ónywøl.”
9
Alïngi kwɑ̈jji Mɑnowɑ̀ yi Jwøk, kɑ wëywöni Jwøk dwöög-ɑ yï ngɑnɑni e ying-ɑ yij pwödhø, de jɑlgøle Mɑnowɑ̀ ɑ́bëëd e tøøk kì bute.
10
Arengi ngɑnɑni yï jɑlgøle, kɑ gø köbbe kinni, “Lïdhí, jɑl-ɑ ɑ́cwöb kì bølɑ cyɑ̈ng-ɑcɑ̀ èn!”
11
Adhwödh Mɑnowɑ̀, kɑ løg-ɑ bɑng cyëge. Keny-ɑ ɑ́wɑ̈nhe buti jɑlɑni, ɑkööbe kinni, “Bɑ yïn ɑ ɑ́kööb ki cyëgɑ?” Kɑ oyïëyø kinni, “Yɑn.”
12
Codhe, ɑpëjji Mɑnowɑ̀ kinni, “Keny-ɑ ópɑ̈dhi kwøbbí, nyelthinh ócïg-ɑ ngø, o ógwøg-ɑ ngø kì yij bëëde?”
13
Alöggi wëywöni Jwøng-ɑ Ácwɑ̈ɑ̈j kinni, “Cyëgí gwøge møg-ɑ ɑ́cïgɑ en bënn ceth;
14
ngɑnɑni ko cyɑ̈ɑ̈m ki gïn kɑ̈ɑ̈l ri oløg, kɑ ko mɑ̈ɑ̈dh ki møgi oløg, wɑlɑ̀ møgi byel, wɑlɑ̀ ko cyɑ̈ɑ̈m ki gïg-ɑ ywëdhø. Gwøge møg-ɑ ɑ́köbbɑ en bënn.”
15
Ábëëd e kwïj yi Mɑnowɑ̀ kinni menɑni bɑ wëywöni Jwøng-ɑ Ácwɑ̈ɑ̈j. Aköbbe gøn kinni, “Døj, kɑl bëëdø kì keny, kɑ wiy yï tɑ̈ddi ki nyɑ ónywøg.” De Mɑnowɑ̀ ɑ́köbbi yi wëywöni Jwøng-ɑ Ácwɑ̈ɑ̈j kinni, “Keløg yɑ obëëdø kì keny, yɑ pɑ cuggi cɑm ki gïncɑɑm wun. De ke dwɑddií, cɑɑg ki rɑ̈bbi Jwøng-ɑ Ácwɑ̈ɑ̈j ɑ́ gënh-ɑ nyi rɑ̈b bëne.”
17
Apyëëj wëywöni Jwøng-ɑ Ácwɑ̈ɑ̈j yi Mɑnowɑ̀, kinni, “Nyingí ɑ́ men, o yï ótheg yi wøn keny-ɑ ópɑ̈dhi kwøbbí kɑ̈jji gen?”
18
Alögge kinni, “Á kipe ngø ɑ pyënyí nyingɑ? Ge bɑ nying mø bɑ gïïngɑ̈ngø.”
19
Codhe, ɑkwɑɑny nyɑ ónywøg yi Mɑnowɑ̀ geki byëlø, kɑ gï mëgge Jwøng-ɑ Ácwɑ̈ɑ̈j gɑ gënh-ɑ nyi rɑ̈b bëne kì kömi nyɑ kït me thiinh. Acwöb gïïngɑ̈ngø men-ɑ ɑ́gwøg yi Jwøng-ɑ Ácwɑ̈ɑ̈j, e onennø yi Mɑnowɑ̀ geki cyëge.
20
Keny-ɑ ɑ́kedhi leeb mɑc mɑl kì wïj këli lɑm, kɑ wëywöni Jwøng-ɑ Ácwɑ̈ɑ̈j lidh yi Mɑnowɑ̀ geki cyëge e kedh-ɑ mɑl kì yij leeb mɑc. Angijii yi Mɑnowɑ̀ cyee kinni jɑlɑni ce ying-ɑ wëywöni Jwøng-ɑ Ácwɑ̈ɑ̈j, kɑ ri gen bøødh gen piny, wɑ̈thi gen kuul gen piny. Wëywöni Jwøng-ɑ Ácwɑ̈ɑ̈j nuti lidhø yi gen këti.
22
Kɑ Mɑnowɑ̀ cyëge köbbe kinni, “Wɑ bɑ møg thøw ceth, kipe kɑ ɑ́liidh Jwøk yi wɑ.”
23
Alöggi cyëge kinni, “Keløg Jwøng-ɑ Ácwɑ̈ɑ̈j di dwɑddi nɑ̈gi wɑ, ti gënh-ɑ nyi rɑ̈b bëne geki byëlø pɑ di yïëy yi en kì cinggee, wɑlɑ̀ wɑ pɑ di nyudhe gïg-ɑk bënn, wɑlɑ̀ bong gïn di köbbe wɑ.”
24
Kɑ ngɑnɑni pɑ̈dh-ɑ piny ki wɑ̈d, kɑ nyinge cɑge ɑ́ Cimcön. Kɑ nyelthinh ódøngø, kɑ gyëdh yi Jwøng-ɑ Ácwɑ̈ɑ̈j.
25
Kɑ wëyi Jwøng-ɑ Ácwɑ̈ɑ̈j ócɑ̈gø’ gwøg kì ree keny-ɑ ɑ́bëëde e ying-ɑ Dɑn, kì kɑɑm Dhorɑ̀ geki Ectɑol.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
Recommended Reading
Commentary
Judges Commentaries
→
Devotional
Judges Devotional Guide
→
Get This Bible
Shilluk DC Bible © Bible Society in South Sudan, Study Bible
→