Ezekiel 48

Shan

← Chapter 47 Jump to:

1ၸိုဝ်ႈသဵင်ဢိူင်ႇမဵဝ်း ဢီႉသရေႇလႃႉ တင်းလၢႆၸမ်ႉ၊ ၵႃႈတီႈၽၢႆႇတၢင်းႁွင်ႇ၊ ၸွမ်းႁိမ်းသဵၼ်ႈတၢင်း ႁေႇသလုၼ်ႇ တေႃႇထိုင်ႁွတ်ႈတီႈဢၼ် ၶဝ်ႈၸူးဝဵင်း ႁႃႇမတ်ႉ လႄႈ ပႃးဝဵင်း ႁႃႇၸႃႇရေးၼၼ်ႇ သေလႄႈ ဢဝ်ၵႃႈတီႈၽၢႆႇတၢင်းႁွင်ႇလိၼ်ဝဵင်း ထမ်ႇမသႅတ်ႉ တေႃႇထိုင်ႁွတ်ႈလိၼ် ဝဵင်း ႁႃႇမတ်ႉ ဢိၵ်ႇတင်း ဢဝ်ၵႃႈတီႈၽၢႆႇဝၼ်းဢွၵ်ႇ တေႃႇထိုင်ႁွတ်ႈပၢင်ႇလၢႆႇၼၼ်ႉ တၵ်းလႆႈမီးဢိူင်ႇ တၢၼ်ႇ ဢေႃႈ။

2ၵႃႈတီႈႁိမ်းဢိူင်ႇ တၢၼ်ႇ ၼၼ်ႉ ဢဝ်ၵႃႈတီႈၽၢႆႇဝၼ်းဢွၵ်ႇ တေႃႇထိုင်ႁွတ်ႈၽၢႆႇဝၼ်းတူၵ်း တၵ်းလႆႈမီးဢိူင်ႇ ဢႃႇသႃႇ ဢေႃႈ။-

3ၵႃႈတီႈႁိမ်းဢိူင်ႇ ဢႃႇသႃႇ ဢဝ်ၵႃႈတီႈၽၢႆႇဝၼ်းဢွၵ်ႇ တေႃႇထိုင်ႁွတ်ႈၽၢႆႇဝၼ်းတူၵ်း တၵ်းလႆႈမီးဢိူင်ႇ ၼပ်ႉထလီႉ ဢေႃႈ။-

4ၵႃႈတီႈႁိမ်းဢိူင်ႇ ၼပ်ႉထလီႉ ၼၼ်ႉ၊ ဢဝ်ၵႃႈတီႈၽၢႆႇဝၼ်းဢွၵ်ႇ တေႃႇထိုင်ႁွတ်ႈၽၢႆႇဝၼ်းတူၵ်း တၵ်းလႆႈမီးဢိူင်ႇ မၼႃႇသေႇ ဢေႃႈ။-

5ၵႃႈတီႈႁိမ်းဢိူင်ႇ မၼႃႇသေႇ ၼၼ်ႉ၊ ဢဝ်ၵႃႈတီႈၽၢႆႇဝၼ်းဢွၵ်ႇ တေႃႇထိုင်ႁွတ်ႈၽၢႆႇဝၼ်းတူၵ်း တၵ်းလႆႈမီးဢိူင်ႇ ဢေႇၽရိမ်ႇ ဢေႃႈ။-

6ၵႃႈတီႈႁိမ်းဢိူင်ႇ ဢေႇၽရိမ်ႇ ၼၼ်ႉ၊ ဢဝ်ၵႃႈတီႈၽၢႆႇဝၼ်းဢွၵ်ႇ တေႃႇထိုင်ႁွတ်ႈၽၢႆႇဝၼ်းတူၵ်း တၵ်းလႆႈမီးဢိူင်ႇ ရူႉပိၼ်ႇ ဢေႃႈ။-

7ၵႃႈတီႈႁိမ်းဢိူင်ႇ ရူႉပိၼ်ႇ ၼၼ်ႉ၊ ဢဝ်ၵႃႈတီႈၽၢႆႇဝၼ်းဢွၵ်ႇ တေႃႇထိုင်ႁွတ်ႈၽၢႆႇဝၼ်းတူၵ်း တၵ်းလႆႈမီးဢိူင်ႇ ယူႉတႃႉ ဢေႃႈ။-

8ၵႃႈတီႈႁိမ်းဢိူင်ႇ ယူႉတႃႉ ၼၼ်ႉ၊ ဢဝ်ၵႃႈတီႈၽၢႆႇဝၼ်းဢွၵ်ႇ တေႃႇထိုင်ႁွတ်ႈၽၢႆႇဝၼ်းတူၵ်း တၵ်းလႆႈမီးၵႂၢၵ်ႈလိၼ် ဢၼ်သူတၵ်းလႆႈ ပုၵ်ႈၸေႃႇဢေႃႈ။ ၼႃႈပွတ်းလိၼ်ၼၼ်ႉၸမ်ႉ၊ တၵ်းလႆႈမီးသွင်မိုၼ်ႇႁႃႈႁဵင်တႅၵ်ႈလႄႈ ၼႃႈယၢဝ်းမၼ်းၸမ်ႉ၊ ဢဝ်ၵႃႈတီႈၽၢႆႇဝၼ်းဢွၵ်ႇတေႃႇထိုင်ႁွတ်ႈၽၢႆႇဝၼ်းတူၵ်း တၵ်းလႆႈတၢၼ်ႇပဵင်းၵၼ်တင်း ၼႃႈယၢဝ်းဢိူင်ႇၼိုင်ႈဢေႃႈ။ ထႃႇၼႃႉတီႈမူတ်းၸၢင်ႇ တၵ်းလႆႈမီးၵႃႈၼႂ်းၶိုင်ႈၵၢင် လိၼ်ၼၼ်ႉဢေႃႈ။-

9ၵႂၢၵ်ႈလိၼ်တၢင်းပုၵ်ႈၸေႃႇ ဢၼ်သူတၵ်းလႆႈပုၵ်ႈၸေႃႇ တီႈထႃႇဝရႃႉၽြႃးၸမ်ႉ၊ ၼႃႈယၢဝ်းမၼ်းတၵ်းလႆႈမီး သွင်မိုၼ်ႇႁႃႈႁဵင်တႅၵ်ႈ၊ ၼႃႈပွတ်းမၼ်း မိုၼ်ႇတႅၵ်ႈဢေႃႈ။-

10ၶိူင်ႈပုၵ်ႈၸေႃႇဢၼ်မူတ်းၸၢင်ႇၼၼ်ႉ တၵ်းလႆႈပဵၼ်ပုၼ်ႈ ယိတ်ႈပရေႃးႁဵၵ်ႈတင်းလၢႆလႄႈ ၵႃႈတီႈၽၢႆႇတၢင်းႁွင်ႇ ၼႃႈယၢဝ်းမၼ်း တၵ်းလႆႈမီးသွင်မိုၼ်ႇႁႃႈႁဵင်၊ ၵႃႈတီႈၽၢႆႇဝၼ်းတူၵ်းၼႃႈပွတ်းမၼ်း မိုၼ်ႇၼိုင်ႈ၊ ၵႃႈတီႈၽၢႆႇဝၼ်းဢွၵ်ႇ ၼႃႈပွတ်းမၼ်း မိုၼ်ႇၼိုင်ႈ၊ ၵႃႈတီႈၽၢႆႇ တၢင်းၸၢၼ်း ၼႃႈယၢဝ်းမၼ်း သွင်မိုၼ်ႇႁႃႈႁဵင်လႄႈ ထႃႇၼႃႉတီႈမူတ်းၸၢင်ႇထႃႇဝရႃႉၽြႃးၼၼ်ႉ တၵ်းလႆႈမီးၵႃႈၼႂ်း ၶိုင်ႈၵၢင်မၼ်းဢေႃႈ။-

11တၵ်းလႆႈပဵၼ်ပုၼ်ႈ ယိတ်ႈပရေႃးႁဵၵ်ႈ လုၵ်ႈလၢၼ် ၸႃႇတုၵ်ႉ ဢၼ်မူတ်းၸၢင်ႇလႄႈ ပွင်ႁဵတ်းဢမူႉၵဝ်ယူႇသေလႄႈ ဢမ်ႇၽိတ်းတၢင်းပိူင်ႈတၢင်း မိူၼ်ၸိူဝ်ႉၼင်ႇၵူၼ်း လေႇဝီႉ ၼႂ်းမိူဝ်ႈဢၼ် ၵူၼ်းမဵဝ်း ဢီႉသရေႇလႃႉ ၽိတ်းတၢင်းပိူင်ႈတၢင်းၵႂႃႇၼၼ်ႉဢေႃႈ။-

12လိၼ်ဢၼ်ပုၵ်ႈၸေႃႇၸိူဝ်ႉၼင်ႇၼၼ်ၼၼ်ႉ တၵ်းလႆႈပဵၼ်လိၼ်ဢၼ်မူတ်းၸၢင်ႇၼႃႇလူင်လၢင် ပုၼ်ႈၶဝ်ၼၼ်ႉ ၵႃႈတီႈႁိမ်း လိၼ်တီႈယူႇၵူၼ်း လေႇဝီႉ ဢေႃႈ။-

13လႅၼ်လိၼ်တီႈယူႇၵူၼ်း လေႇဝီႉ ၵႃႈတီႈႁိမ်းလိၼ်ယိတ်ႈပရေႃးႁဵၵ်ႈၼၼ်ႉ၊ ၼႃႈယၢဝ်းမၼ်းတၵ်းလႆႈမီးသွင်မိုၼ်ႇႁႃႈႁဵင်လႄႈၼႃႈပွတ်းမၼ်း မိုၼ်ႇၼိုင်ႈဢေႃႈ။-

14လိၼ်ၼၼ်ႉၸိုင်၊ ၵွပ်ႈပိူဝ်ႈဢၼ်ပဵၼ်ဢၼ်မူတ်းၸၢင်ႇပုၼ်ႈ ထႃႇဝရႃႉၽြႃးလႄႈ ၶဝ်ဢမ်ႇလႆႈၶၢႆပႅတ်ႈ၊ ဢမ်ႇလႆႈဢဝ်လႅၵ်ႈဢဝ်လၢႆႈ။ ဢမ်ႇလႆႈဢဝ်မၢၵ်ႇဢၼ်မၢၵ်ႇဢွၼ်တၢင်းပိူၼ်ႈ ၶၢႆဢဝ်ၵႃႈမၼ်းၶၼ်မၼ်း။

15လိၼ်ႁႃႈႁဵင် ဢၼ်ယင်းၵိုတ်းယင်းၵျၢၼ်ႇ ၵႃႈတီႈႁိမ်းသွင်မိုၼ်ႇႁႃႈႁဵင်ၼၼ်ႉ တၵ်းလႆႈပဵၼ်ပုၼ်ႈတီႈဢၼ်ဢမ်ႇမူတ်းၸၢင်ႇ ဢၼ်ဝႃႈ ပုၼ်ႈဝဵင်း ဢိၵ်ႇတင်း တီႈဢၼ်ၵူၼ်းယူႇၵူၼ်းသဝ်း၊ တီႈဢၼ်လဵပ်ႈႁွပ်ႈ ၸွမ်းႁိမ်းဝဵင်းတၵ်းလႆႈမီးၵႃႈၼႂ်းၶိုင်ႈၵၢင်မၼ်းဢေႃႈ။-

16တၢင်းဢၼ်ၶပ်ႉဢၼ်တႅၵ်ႈဝဵင်းၸမ်ႉ၊ ၵႃႈတီႈၽၢႆႇၼႃႈတၢင်းႁွင်ႇ တၵ်းလႆႈမီးသီႇႁဵင်ႁႃႈပၢၵ်ႇ၊ ၵႃႈတီႈၽၢႆႇၼႃႈ တၢင်းၸၢၼ်း သီႇႁဵင်ႁႃႈပၢၵ်ႇ၊ ၵႃႈတီႈၽၢႆႇၼႃႈဝၼ်းတူၵ်း သီႇႁဵင်ႁႃႈပၢၵ်ႇဢေႃႈ။-

17လိၼ်ဢၼ်လဵပ်ႈႁွပ်ႈ ၸွမ်းႁိမ်းဝဵင်းၸမ်ႉ၊ ၵႃႈတီႈၽၢႆႇၼႃႈတၢင်းႁွင်ႇတၵ်းလႆႈမီးသွင်ပၢၵ်ႇႁႃႈသိပ်း၊ ၽၢႆႇတၢင်းၸၢၼ်းသွင်ပၢၵ်ႇႁႃႈသိပ်း၊ ၽၢႆႇဝၼ်းဢွၵ်ႇသွင်ပၢၵ်ႇႁႃႈသိပ်း၊ ၽၢႆႇဝၼ်းတူၵ်း သွင်ပၢၵ်ႇႁႃႈသိပ်း ဢေႃႈ။-

18ဢၼ်ယင်းၵိုတ်းယင်းၵျၢၼ်ႇ ၵႃႈတီႈၼႃႈယၢဝ်း ၵႃႈတီႈႁိမ်းၵႂၢၵ်ႈလိၼ်တၢင်းပုၵ်ႈၸေႃႇ ဢၼ်ပုၵ်ႈၸေႃႇဢၼ်မူတ်းၸၢင်ႇၼၼ်ႉ၊ ၵႃႈတီႈၽၢႆႇဝၼ်းဢွၵ်ႇတၵ်းလႆႈၵႂၢင်ႈမိုၼ်ႇၼိုင်ႈ၊ ၵႃႈတီႈၽၢႆႇဝၼ်းတူၵ်းမိုၼ်ႇၼိုင်ႈဢေႃႈ တၵ်းလႆႈမီး ၵႃႈတီႈႁိမ်းလိၼ်ဢၼ်မူတ်းၸၢင်ႇၼၼ်ႉဢေႃႈ။ မၢၵ်ႇႁူင်းဢၼ်ပဵၼ်မႃး ၵႃႈၼႂ်းမၼ်းၼၼ်ႉ တၵ်းလႆႈပဵၼ်ပုၼ်ႈဢၼ် ၶဝ်ၸိူဝ်းဢၼ်ပႂ်ႉဢမူႉဝဵင်းၼၼ်ႉ တၵ်းၵိၼ်ဢေႃႈ။-

19ၶဝ်ၸိူဝ်းဢၼ်ပႂ်ႉဢမူႉဝဵင်းၼၼ်ႉၸမ်ႉ၊ တၵ်းလႆႈလိူၵ်ႈၵဵပ်းဢဝ် ၵႃႈၼႂ်းမဵဝ်း ဢီႉသရေႇလႃႉ ၵူႈမဵဝ်းဢေႃႈ။-

20ၵႂၢၵ်ႈလိၼ် ဢၼ်ပုၵ်ႈၸေႃႇ တင်းသဵင်ႈတင်းမူတ်းၸမ်ႉ၊ ၼႃႈယၢဝ်းတၵ်းလႆႈမီးသွင်မိုၼ်ႇႁႃႈႁဵင်၊ ၼႃႈပွတ်းသွင်မိုၼ်ႇႁႃႈႁဵင်လႄႈ ပႃးလိၼ်ဝဵင်းသေလႄႈ တၵ်းလႆႈပုၵ်ႈၸေႃႇလိၼ်ဢၼ်မူတ်းၸၢင်ႇလႄႈ ပဵၼ်ၸတူႉရၢၼ်းသီႇၸဵင်ႇၶိုင်ႈ ၼၼ်ႉဢေႃႈ။

21ၵႂၢၵ်ႈလိၼ် ဢၼ်ၵိုတ်းၵျၢၼ်ႇ ၵႃႈတီႈသွင်ၽၢၵ်ႇၶၢင်ႈ လိၼ်တၢင်းပုၵ်ႈၸေႃႇ ဢၼ်မူတ်းၸၢင်ႇ ဢိၵ်ႇတင်းလိၼ်ဝဵင်းၸဝ်ႈပိူင်ႇ ၼၼ်ႉလႄႈ မီးၵႃႈတီႈၽၢႆႇၼႃႈဝၼ်းဢွၵ်ႇ ၵႃႈတီႈၽၢႆႇၼႃႈၵႂၢၵ်ႈလိၼ် တၢင်းပုၵ်ႈၸေႃႇ သွင်မိုၼ်ႇႁႃႈႁဵင် ဢိၵ်ႇတင်း ၵႃႈတီႈၽၢႆႇဝၼ်းတူၵ်းၵႃႈတီႈၽၢႆႇၼႃႈသွင်မိုၼ်ႇ ႁႃႈႁဵင်ၼၼ်ႉ တၵ်းလႆႈပဵၼ်ပုၼ်ႈၶုၼ်ဢေႃႈ။ လိၼ်တၢင်းပုၵ်ႈၸေႃႇဢၼ်မူတ်းၸၢင်ႇ ဢိၵ်ႇတင်းထႃႇၼႃႉ တီႈမူတ်းၸၢင်ႇႁိူၼ်းၸဝ်ႈၼၼ်ႉ တၵ်းလႆႈတူၵ်းတီႈယူႇၵႃႈၼႂ်း ၵႄႈဝူင်ႈၵၢင် သွင်ၵႂၢၵ်ႈၼၼ်ႉဢေႃႈ။-

22ၼင်ႇၼၼ်လႄႈ လိၼ်ၵႃႈဢၼ်မီး ၵႃႈတီႈတၢင်းၼွၵ်ႈ သွင်ၽၢၵ်ႇၶၢင်ႈ တၢင်းဢၼ်ၶၼ်ႈဢၼ်ၶႅၼ်ႈ လိၼ်တီႈယူႇ ၵူၼ်း လေႇဝီႉ ဢိၵ်ႇတင်း တၢင်းဢၼ်ၶၼ်ႈဢၼ်ၶႅၼ်ႈ လိၼ်ဢၼ်ဝဵင်းပိူင်ႇၼၼ်ႉလႄႈ တူၵ်းၵႃႈတီႈၵႄႈဝူင်ႈၵၢင် ဢိူင်ႇ ယူႉတႃႉ ဢိၵ်ႇတင်းဢိူင်ႇ ပိၼ်ႇယႃႇမိၼ်ႇ ၼၼ်ႉ တၵ်းလႆႈပဵၼ်ပုၼ်ႈၶုၼ်ဢေႃႈ။

23ဢိူင်ႇ ဢီႉသရေႇလႃႉ ဢၼ်ယင်းၵိုတ်းယင်းၵျၢၼ်ႇၸိူဝ်းၼၼ်ႉၸမ်ႉ၊ ဢဝ်ၵႃႈတီႈၽၢႆႇဝၼ်းဢွၵ်ႇ တေႃႇထိုင်ႁွတ်ႈၽၢႆႇဝၼ်းတူၵ်းတၵ်းလႆႈမီးဢိူင်ႇ ပိၼ်ႇယႃႇမိၼ်ႇ ဢေႃႈ။-

24ၵႃႈတီႈႁိမ်းဢိူင်ႇ ပိၼ်ႇယႃႇမိၼ်ႇ ၼၼ်ႉ ဢဝ်ၵႃႈတီႈၽၢႆႇဝၼ်းဢွၵ်ႇတေႃႇထိုင်ႁွတ်ႈၽၢႆႇဝၼ်းတူၵ်း တၵ်းလႆႈမီးဢိူင်ႇ သီႉမုၼ်ႇ ဢေႃႈ။-

25ၵႃႈတီႈႁိမ်းဢိူင်ႇ သီႉမုၼ်ႇ ၼၼ်ႉ ဢဝ်ၵႃႈတီႈၽၢႆႇဝၼ်းဢွၵ်ႇ တေႃႇထိုင်ႁွတ်ႈၽၢႆႇဝၼ်းတူၵ်း တၵ်းလႆႈမီးဢိူင်ႇ ဢီႉသၶႃႇ ဢေႃႈ။-

26ၵႃႈတီႈႁိမ်းဢိူင်ႇ ဢီႉသၶႃႇ ၼၼ်ႉ ဢဝ်ၵႃႈတီႈၽၢႆႇဝၼ်းဢွၵ်ႇတေႃႇထိုင်ႁွတ်ႈၽၢႆႇဝၼ်းတူၵ်း တၵ်းလႆႈမီးဢိူင်ႇ ၸေႇပူႉလုၼ်ႇ ဢေႃႈ။-

27ၵႃႈတီႈႁိမ်းဢိူင်ႇ ၸေႇပူႉလုၼ်ႇ ၼၼ်ႉ ဢဝ်ၵႃႈတီႈၽၢႆႇဝၼ်းဢွၵ်ႇ တေႃႇထိုင်ႁွတ်ႈၽၢႆႇဝၼ်းတူၵ်း တၵ်းလႆႈမီးဢိူင်ႇ ၵၢတ်ႉ ဢေႃႈ။-

28ဢၼ်ၶၼ်ႈဢၼ်ၶႅၼ်ႈ ၽၢႆႇတၢင်းၸၢၼ်းဢိူင်ႇ ၵၢတ်ႉ ၼၼ်ႉ တၵ်းလႆႈတႆႇၸွမ်းဢဝ်ၵႃႈတီႈၸႃႉၸဵမ်ဝဵင်း တႃႇမႃႇ တေႃႇထိုင်ႁွတ်ႈ ၼမ်ႉ မေႇရီႇၽႃႉ ၵႃႈတီႈဝဵင်း ၵႃႇတေႇသႃႉ ဢိၵ်ႇတင်းၼမ်ႉႁွင်ႈ ဢၼ်ၶဝ်ႈၵႃႈၼႂ်း မႁႃႇပၢင်ႇလၢႆႇၼၼ်ႉဢေႃႈ။-

29ဢၼ်ၼႆႉၸမ်ႉ၊ ပဵၼ်လိၼ်ဢၼ်သူတၵ်းလႆႈတူၵ်းၸႃႇၵွၵ်ႈသေလႄႈ ၽႄမႅင်ႇပၼ်ပုၼ်ႈဢၼ်မဵဝ်း ဢီႉသရေႇလႃႉ ၵူႈမဵဝ်း တၵ်းၶၢမ်ႇဢဝ်ဢမူၺ်ႇဢေႃႈ။ ဢၼ်ၼႆႉၸမ်ႉ၊ ပဵၼ်ဢိူင်ႇဢၼ် ၶဝ်တၵ်းလႆႈၶၼ်ႈၶႅၼ်ႈသေလႄႈ ယူႇႁင်းၽႂ်ႁင်းမၼ်းဢေႃႈ၊ ဝႃႈၼင်ႇၼႆလႄႈ ၸဝ်ႈထႃႇဝရႃႉၽြႃး မီးဢမိင်ႉဢေႃႈ။

30ၽၵ်းတူ တီႈဢၼ်ဢွၵ်ႇသေၵႃႈၼႂ်းဝဵင်းၼၼ်ႉ တင်းလၢႆၸမ်ႉ၊ ၽၢႆႇၼႃႈတၢင်းႁွင်ႇဝဵင်း မီးသီႇႁဵင်ႁႃႈပၢၵ်ႇတႅၵ်ႈလႄႈ၊-

31ၽၵ်းတူဝဵင်းၸိူဝ်းၼၼ်ႉပႃးၸိုဝ်ႈပႃးသဵင် ၸွမ်းလူၺ်ႈမဵဝ်း ဢီႉသရေႇလႃႉ ၵူႈမဵဝ်းယူႇသေလႄႈ၊ ၵႃႈတီႈၽၢႆႇၼႃႈတၢင်းႁွင်ႇ တၵ်းလႆႈမီးၽၵ်းတူသၢမ်ႁူးဢၼ်ဝႃႈ ၽၵ်းတူ ရူႉပိၼ်ႇ၊ ၽၵ်းတူ ယူႉတႃႉ ၊ ၽၵ်းတူ လေႇဝီႉ ဢေႃႈ။-

32ၵႃႈတီႈၽၢႆႇၼႃႈတၢင်းဢွၵ်ႇဝဵင်း မီးသီႇႁဵင်ႁႃႈပၢၵ်ႇတႅၵ်ႈလႄႈ တၵ်းလႆႈမီးၽၵ်းတူသၢမ်ႁူးဢၼ်ဝႃႈ ၽၵ်းတူ ယူဝ်းသႅပ်ႈ ၊ ၽၵ်းတူ ပိၼ်ႇယႃႇမိၼ်ႇ ၊ ၽၵ်းတူ တၢၼ်ႇ ဢေႃႈ။-

33ၵႃႈတီႈၽၢႆႇၼႃႈတၢင်းၸၢၼ်းဝဵင်း မီးသီႇႁဵင်ႁႃႈပၢၵ်ႇတႅၵ်ႈလႄႈ တၵ်းလႆႈမီးၽၵ်းတူသၢမ်ႁူးဢၼ်ဝႃႈ ၽၵ်းတူ သီႉမုၼ်ႇ ၊ ၽၵ်းတူ ဢီႉသၶႃႇ၊ ၽၵ်းတူ ၸေႇပူႉလုၼ်ႇ ဢေႃႈ။-

34ၵႃႈတီႈၽၢႆႇၼႃႈဝၼ်းတူၵ်းဝဵင်း မီးသီႇႁဵင်ႁႃႈပၢၵ်ႇတႅၵ်ႈလႄႈ တၵ်းလႆႈမီးၽၵ်းတူသၢမ်ႁူးဢၼ်ဝႃႈ ၽၵ်းတူ ၵၢတ်ႉ ၊ ၽၵ်းတူ ဢႃႇသႃႇ ၊ ၽၵ်းတူ ၼပ်ႉထလီႉ ဢေႃႈ။-

35ၼင်ႇၼၼ်လႄႈ တၢင်းဢၼ်ၶပ်ႉဢၼ်တႅၵ်ႈ လဵပ်ႈႁွပ်ႈဝဵင်းၸမ်ႉ၊ တၵ်းလႆႈမီးမိုၼ်ႇပၢႆပႅတ်ႇႁဵင်တႅၵ်ႈဢေႃႈ။ ဢဝ်ၸႃႉၸဵမ်မိုဝ်ႉဝၼ်းၵႂႃႇလႄႈ၊ ဝဵင်းၼၼ်ႉတၵ်းလႆႈမီးၸိုဝ်ႈမီးသဵင် ယေႇႁေႃးဝႃႇ သမ်ႇမႃႉ ဢေႃႈ။ ၵျၢမ်းဢၼႃႇၵၢတ်ႈတီႉယေႇၸၵျေႇလႃႉယဝ်ႉယဝ်ႉဢေႃႈ။

← Chapter 47 Jump to: