bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Kings 2
2 Kings 2
Sukuma 2019
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 3 →
1
Ū lūshikū lwene ū SEEBA wantwalaga ū Eliya ng'wigūlū mu nzīla ya nyaga gwa nshūlūūlū, ū Eliya nū Elisha bashimīzaga hamò kūfuma Giligaali.
2
Hūna ū Eliya ūng'wīla ū Elisha, “Ikalaga henaha nguno ū SEEBA wanitūmaga kūja Beeseli.” Ū Elisha ūhaya, “Ūmo SEEBA alī mpanga, na gīt'ūmo bebe ūlī mpanga, natīko ū kūkūleka.” Na lūūlū būja dege būūkashika ī Beeseli.
3
Aho bashika koi, a bahangi ba Beeseli būng'wīla ū Elisha, “Ūmanile gīkī ū SEEBA alīkwīngīja ū so būgonzo ī lelo?” Ū Elisha ūhaya, “Namanile huumūlagi dūhū a bing'we.”
4
Ū Eliya ūng'wīla, “Ikalaga henaha Elisha, nguno ū SEEBA wanitūmaga kūja Yeliko.” Ū Elisha ūhaya, “Ūmo SEEBA alī mpanga, na gīt'ūmo bebe ūlī mpanga, natīko ū kūkūleka.” Na lūūlū būja dege būūkashika ī Yeliko.
5
Aho bashika koi, a bahangi ba Yeliko būng'wīl'ū Elisha, “Ūmanile gīkī ū SEEBA alīkwīngīja ū so būgonzo ī lelo?” Ū Elisha ūhaya, “Namanile huumūlagi dūhū a bing'we.”
6
Ū Eliya ūng'wīla, “Ikalaga henaha nguno ū SEEBA wanitūmaga kūja kū mongo gwa Yolodani.” Ū Elisha ūhaya, “Ūmo SEEBA alī mpanga, na gīt'ūmo bebe ūlī mpanga, natīko ū kūkūleka.” Na lūūlū būshimīza dege bajile kū būtongi.
7
Banhū makūmi atanò ū ng'wibità lya bahangī būbalondeela; gwike bīmīīla ka kūle hoi hado balolelile ū kū mongo gwa Yolodani, ūko walī ū Eliya nū Elisha.
8
Ū Eliya ūgūsola ū ng'wenda ūyo walī igumīīlile, ūgūlingalinga, hūna ūgūtūmammīla kūgatūla a minzī; gūgabanhīka kū būlyo na kū lūmoso, būbīta būbīlī wabo balīshimīza hasī nyūmu.
9
Aho bakīla, ū Eliya ūng'wīla ū Elisha, “Niwīlage ū mhayo ūyo ūlītogwa nakwītīle aho nataalī kūsolwa nakwīngīle.” Ū Elisha ūhaya, “Nalīlomba napandīke ng'hangala ibīlī ngabo gwa moyo ūyo gūlī mulī bebe.”
10
Ū Eliya ūhaya, “Walomba mhayo ndimu, alīyo ūlū ūnibona a h'ikanza īlo nalīsolwa kūkwīngīla, ū mhayo gwenūyo gūkūbiza gwako, gwike ūlū ītī chene numho ndūhū.”
11
Aho bakūshimīzaga kūnū bakūlūngalūngaga, kwimanīla lilonga igogoteni lya moto na falasa ja moto, lyūbalekanya, ū Eliya ūhwehulwa nyaga gwa nshūūlūlū kūja ng'wigūlya.
12
Ū Elisha ūgūbona ū mhayo gwenūyū; ūlīla alīhaya, “Baba! Baba! Magogoteni ga Isilaeli, na badamhīji ba falasa ba Isilaeli!” Ū Elisha atamonile hangī ilalī. Hūna ūshidima ī shizwalo shakwe, ūshitandūla habīlī.
13
Ūgūsola ū ng'wenda ūyo gūkalagala kūfuma kūlī Eliya, ūshoka ūja nago ūkīmīīla a ha lūgegu lwa mongo gwa Yolodani.
14
Hūna ū ng'wenda ūyo akagūlagaja Eliya ūgūdima ūgatūla a minzī nū ng'wenda gwenūyo; kūnū alībūūja, “Alīhalī ū SEEBA, ū Mulungu o ng'wa Eliya?” Aho wagatūla a minzī gūgabanhīka kū būlyo na kū lūmoso, ūgūkīla ū mongo.
15
A bahangi ba Yeliko abo balolaga bīmīīlaga ka kūle būhaya, “Ū būdūla bo ng'wa Moyo ūbo walī mulī Eliya ī haha būlī mulī Elisha!” Hūna būnsūng'wanha, bahayūshika aho walī binama ū kū būtongi wakwe kūshisha hasī.
16
Būng'wīla, “Baba a bise batūmami bako tūlī na bagosha makūmi atanò ba nguzu. Leka baje bakankoobe ū so būgonzo; hamo ū Moyo o ng'wa SEEBA adūgije kūbiza wamūūchaga ūūkaneka mu lūgūlū lūlebe nūūlū kū mahululu malebe.” Ū Elisha ūlema alīhaya, “Yaya ū kūbatūma.”
17
Gwike būng'wiyandīīla no, nose ūcha minala ū kwikala alīlema. Na lūūlū ūhaya, “Batūmagi naheene baje lūūlū.” Būtūma banhū makūmi atanò, būūkamala shikū idatū bakūkoobaga, būlemeelwa ū kūmpandīka.
18
Būshoka ū kūlī Elisha, walī Yeliko; ūbawīla, “Natamulemegije ū kūja?”
19
A banhū ba mu nzengo gwenūyo būng'wīla ū Elisha, “Baba būgonzo ūlīgūbona ū nzengo gwenūyū gīkī gūlī ha soga jigi jigi; alīyo a minzī gaho mabi no, nī sī ītabbiishaga ī shilīwa.”
20
Nang'hwe ūbawīla, “Nenhelagi ibbakuli ipya aha.” Būng'wenhela.
21
Ūja ū kū lūzwīlo lwa minzī ūūkiitīla ko munhu; hūna ūhaya, “Ū SEEBA alīhaya gīkī, ‘Aminzī genaya nagapījaga. Gatenha lūfu hangī, nūūlū gatūyenheleja ī sī īleke kūbbiisha shilīwa.’”
22
Na ng'hana kūfuma lwise lwenūlo a minzī genayo gūbeela kūshisha na lelo īyī; gīt'ūmo gwalī ū mhayo ūyo akagūyomba Elisha.
23
Ū Elisha wīnga a henaho ūja kū nzengo gwa Beeseli, aho alī ū mu nzīla ajile, bayanda balebe bafumaga mu nzengo bandya kūmela balīng'wīla, “Bebe o wanga, inungage ng'wigūlya! O wanga, inungage ng'wigūlya!”
24
Ūgalūka ūbalola, aho wababona ūbazuma mu lina lya ng'wa SEEBA. Jūpuluka ndūba ibīlī kūfuma mu masaka jūbasaasagūla bayanda makūmi anè na babīlī.
25
Ū wei ūgoloola ajile kū lūgūlū lwa Kalimeli, wahayīnga ū kwenūko, ūshoka Samalia.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25