bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Kings 4
2 Kings 4
Sukuma 2019
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 5 →
1
Nkīma nebe walī nke o ng'wa ūmò wa bahangi ūja kūnīlīīla ū Elisha alīhaya, “Ū ngoshi wane ū ntūmami wako wazumalīkile, alīyo nū bebe ng'weneklīllī ūmanile ūmo walī ang'ogohelile ū SEEBA. Gwike ī haha alīho munhū ūyo wantondaga būgasa ū ngoshi wane, alīhaya kwiza kūbasola a bitūnja bane abajane bakabize basese bakwe!”
2
Ū Elisha ūmūja, “Na lūūlū ī gīsī nadūgije kūkūgunanha mu kinehe? Niwīlage īsho ūlīnasho ū mu kaya yako.” Ū nkīma ng'wenūyo ūhaya, “Ū nsese wako atī na kīnhū shose shose, ūlū ītī ka jūbba kamò dūhū ka tūguta!”
3
Hūna ū Elisha ūng'wīla, “Bīta bītaga ū mu bazenganwa biyo, ūje ūkūlandaga shiseme shilī dalali; landaga shingī, yaya ū kūgelela kūlanda shigehu dūhū.
4
Hanuma wingīle mu kaya wilugalīle na a bitūnja bako; hūna wandye kūgasaamya a maguta kūfuma ū mu jūbba kūgatūūla ū mu shiseme shenīsho, būlī shene īsho shokala washitūūla ha mhūjo.”
5
Wīnga hoi ūūkīīta ūmo akalagīīlīlwa; wilugalīla mu kaya na a bitūnja bakwe, bandya kūyūng'wenhela ī shiseme wagasaamīja a maguta ū mu shiseme shenīsho.
6
Kūshisha shokala pyī ī shiseme shabo, aho wahaya, “Enhaga shingī ī shiseme,” ū nyanda ūhaya, “Shashila ī shiseme;” a maguta gooya ū kūsūlūlūka.
7
Hūna ūja kūng'wīla ū munhū o ng'wa Mulungu, nang'hwe ūng'wīla, “Jaga ūkajinje a maguta ūlīpe ū būgasa wako; ayo galasaage ūtūmamīle.”
8
Lwise lūmò ū Elisha ūja Shunemu, walīho nkīma nsabi ūng'wegeleja kūlya shilīwa ha ng'wakwe. Kwandīja henaho būlī makanza ūlū wajaga ī mhandī ja kwenūko ūyūshikīla henaho wapandīka shilīwa.
9
Ikanza ilebe ū nkīma ng'wenūyo ūng'wīla ū ngoshi, “Bebe ū munhū ūyo akwizaga aha būlī makanza nalībona ū munhū ng'wenūyo alī ng'wela, o ng'wa Mulungu.
10
Tūmeegejage ka chumba ka malīngīīla ū kwigūlya ya numba, tūntūūlīle mo na būlīīlī, meeza, isumbī, na tala; apandīke ha kwikala ūlū wizaga kūtūgeniha.”
11
Lūshikū lūngī wahayiza ho hangī ū Elisha, ūlinha ū kū chumba shakwe wigoloola kwifuula.
12
Hūna ūng'wīla ū Gehazi ū ntūmami wakwe, “Bebe aling'witanage ū nkīma ū Nshunemu iize aha.” Ūng'witana wiza wīmīīla ū kū būtongi wakwe.
13
Hūna ū Elisha ūng'wīla ū ntūmami wakwe, “Ng'wīlage gīkī, ‘Ūkūtwītīlaga mihayo mitaale shido, hīmba a bise ūlū kūkwītīla mhayo kī ū gwa kūkūgunanha ū bebe? Tūkūlombele mhayo gose gose ū kūlī ntemi nūūlū hamo kūlī ntaale wa bashilikale?’” Nang'hwe ūshosha, “Baba ū nene natī na makoye, nguno nalī ha gatī ya banhū bane!”
14
Ū Elisha ūmūja ū Gehazi, “Ūlībona kinehe ū bebe, ūlū kwītīlwa mhayo kī?” Na ng'hwe ūhaya; “Ū nene nalībona atī na ng'wana, alīyo ū ngoshi wakūlaga.”
15
Hūna ū Elsha ūhaya, “Ng'witanage ho hangī.” Ūng'witana, wiza wīmīīla ha nyango.
16
Ū Elisha ūng'wīla, “Ha ng'waka makanza gītī genaya ūkūlela na makono gako ng'wana nyanda.” Ū nkīma ūshosha alīhaya, “Ii baba, yaya ī gīko. Munhū o ng'wa Mulungu, lekaga ū kūmpūgūla gīko ū ntūmami wako!”
17
Na ng'hana ū nkīma ng'wenūyo ū kū ng'waka ūbūūcha nda, ū ng'wikanza gītī lyenīlo ūbyala ng'wana ngosha, gīt'ūmo Elisha akang'wīlīla.
18
Ū nyanda ūkūla; alīyo lūshikū lūmò walī waja na ise kū ngūnda kū bagesi;
19
kwimanīla wang'wīla ū ise, “Baba ntwe! Baba, ntwe!” Ū ise ūng'wīla ntūmami ūmò waho, “Mūchage ūntwale kūlī nina!”
20
Ū ntūmami ng'wenūyo ūmūūcha ūntwala ū kūlī nina; ū nina ūnela ha magūlū gakwe, ī līīmi aho lyashika ntwe gatī; ū nīgīni ng'wenūyo ūzumalīka!
21
Ū nina ūmūūcha ūlinha nang'hwe ū kū chumba sha ng'wa munhū o ng'wa Mulungu, ūshika ūnalīkīja a ha būlīīlī wakwe. Hūna ūfuma mo, ūgūlugala ū nyango.
22
Hanuma ūng'witana ū ngoshi ūng'wīla, “Nalīlomba ūnitūmīle ūmò wa batūmami aha, anenhele na nzobe, naje ū kūlī munhū o ng'wa Mulungu natūdīīla ū kūshoka.”
23
Ūmūja, “Nibūlī ūje koi lelo? Īkī shitī shigukulu sha ng'weji mpya, nūūlū ītī Sabato!” Nang'hwe ūshosha ūhaya, “Mm ndūhū makoye!”
24
Aho wamala ū kwīgolanya ī nzobe, hūna ūng'wīla ū ntūmami, “Ihuutage nīyo yaya ū kwīdoonhisha ūlū natakūwīlile.”
25
Na lūūlū ūja ū kū lūgūlū lwa Kalimeli ūko wikalaga ū munhū o ng'wa Mulungu. Ū munhū o ng'wa Mulungu ūnoleela ataalī kūle ūng'wīla ū ntūmami wakwe ū Gehazi, “Ūūyo wiza ū nkīma wa Shunemu!
26
Peelaga koi ūnsūng'wanhe ūkamūje, ‘Ūlī mhola? Nū ngoshi wako alī mhola? Al'ū ng'wana wing'we alī mhola nang'hwe?’” Ū nkīma ūshosha, “Mm mhola dūhū!”
27
Aho washikīīla a halī munhū o ng'wa Mulungu ū kū lūgūlū lwa Kalimeli, ūshikīla kūgwa mu magūlū gakwe ūndimīīla; ū Gehazi wangūha gīkī ang'wīnje hoi, alīyo ū munhū o ng'wa Mulungu ūnemeja alīhaya, “Nekage wapīnīhalaga alī na makoye, alīyo ū SEEBA wanibisaga ataalī ū kunoolekeja, nūūlū kūniwīla ni nguno kī.”
28
Ū nkīma ng'wenūyo wandya kūhaya, “Baba nakalomba ng'wana ū nene ūyū? Natakūwīlile gīkī, ‘Lekaga ū kūnipūgūla?’”
29
Ū Elisha ūng'wīla ū Gehazi, “Gwitungage ū ng'wenda gwako ūgwibbaate gūdaame, hūna ūgūsole ū nanhga gwane ūpeele koi; nūūlū ūmanhya na munhū ū mu nzīla yaya ū kūngīsha; hama nūūlū ose ose ūkūgīsha yaya ū kūng'widīka. Ūlū ūshika gūlaajage ū nang'ha gwane a ha būshū wa nyanda.”
30
Alīyo ū nina wa nyanda ūhaya, “Ūmo SEEBA alī mpanga, na gīt'ūmo bebe ūlī mpanga, natūkūlekaga.” Na lūūlū ūbūka ūja hamò nang'hwe.
31
Ū Gehazi ūtongela, ūūkashika ūgūlaaja ū nang'ha a ha būshū wa nyanda, alīyo atafunije ilaka lyose lyose. Ū Gehazi aho wabona gīko ūnyamuka kūnsūng'wanha ū Elisha, ūng'wīla, “Ū nyanda atamishije.”
32
Wahayūshika ū Elisha, ūmona ū nīgīnī alaalile a ha būlīīlī wakwe wachaaga.
33
Aho wingīla ūlugala ū nyango, wilugalīla mumo hamò nang'hwe, ūnomba ū SEEBA.
34
Hūna ūlinha a ha būlīīlī ūlaala a higūlya ya nyanda, nomo kū nomo, miso kū miso, makono kū makono. Aho wigoloola a higūlya ya nyanda, ū mīlī gwakwe gwandya kūlūngūja.
35
Ū Elisha ūbūūka hoi ūyeela yeela ū mu chumba, ūshoka hangī a ha būlīīlī, wigoloola hangī a higūlya yakwe. Kwimanīla ū nyanda wityamucha ng'hangala pungatī, hūna ūloleecha a miso gakwe.
36
Ū Elisha ūng'witana ū Gehazi ūng'wīla, “Ng'witanage ū nkīma ū Nshunemu.” Ūng'witana; aho wiza ūng'wīla, “Ūyū ū ng'witūnja wako!”
37
Ū mayū ng'wenūyo aho wingīla ū mu kaya, winama ū kū būtongi wakwe kūshisha hasī. Hūna ūnsola ū ng'witūnja wakwe ūfuma hanze.
38
Ū Elisha ūshoka Giligaali; ū mu nzengo gwenūyo yūsangwa yagwiile mo nzala. Ū ng'wikanza lyenīlo a bahangi bikuminga kūhooya nang'hwe; hūna ūng'wīla ū ntūmami wakwe, “Ītūūlage ha moto ī nengelo ī nhaale ūbasībūkīje nūūlū makūbī balye a banhū benaba.”
39
Ūmò wabo ūja kūlola makūbī mu malaale; ūūkapandīka itina ly'isīndī līlī na matwajo. Ūtonagūla masīndī ūgabunga mu ng'wenda wenha wiza ūgapandagūla ūgaponeja ū mu nengelo yenīyo gūpogoma, nūūlū īkī walī atīho ūyo walī agamanile gīkī gadūgije ū kūliiwa.
40
A banhū būsabūlīlwa ī shilīwa shenīsho, aho bagema ū kagalya, būlīla balīhaya, “Baba munhū o ng'wa Mulungu, lūlīmo lūfu ū mu nengelo!” Būlemeelwa ū kūlya.
41
Ū Elisha ūhaya, “Nenhelagi būsu būgeehu.” Ūbūponeja ū mu nengelo ya shilīwa, hūna ūhaya, “Basabūlīlagi lūūlū a banhū balye.” Gūbiza gashila a makoye ū mu nengelo yenīyo.
42
Munhū wiza kūfuma Bali-shalisha, ūng'wenhela ū munhū o ng'wa Mulungu migatī makūmi abīlī ya būsu wa būsīga; ya kūfuma mu matwajo ga kwandya ga būsīga bokwe, na mangala ga masha ga būsīga mu fuko. Ū Elisha ūhaya, “Batengelage a banhū balye.”
43
Ū ntūmami wakwe ūhaya, “Ī shilīwa shilī gīkī nadūgije kūbatengela banhū igana!” Alīyo ū Elisha ūhaya hangī, “Batengelage a banhū balye. Nguno ū SEEBA alīhaya gīkī, ‘Bakūlya bigeje balekeele na kūlekeela’”
44
Hūna ūbatengela ng'hana, būlya kūshisha būlekeela shingī, gīt'ūmo gūkahayīla mhayo go ng'wa SEEBA.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25