bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Kings 6
2 Kings 6
Sukuma 2019
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 7 →
1
A bahangi a bado bado būng'wīla ū Elisha, “Baba ī lipandī īlo tūkamanhīja nang'ho līl'ido no.”
2
Hambū hambū tūje kū mongo gwa Yolodani tūkabbute mazengo tūbeeje koi ipandī lya kwikala. Nang'hwe ūbashokeja ūhaya, “Jagi ng'hana.”
3
Ūmò wabo ūhaya, “Ni wiza nang'ho hamò na a batūmami bako.” Ū Elisha ūhaya, “Tūjagi.”
4
Na ng'hana ūja nabo; būshika ū kū mongo gwa Yolodani bandya ū kūbbuta ī mitī.
5
Ūmò wabo aho akūbbutaga līntī, kwitulwa ū ntwe go mbasa gwahubbūka gūgwīla mu minzī. Ūlīla alīhaya, “Aa! Baba būgonzo, yalī yakūlanda nīyo!”
6
Ū munhū o ng'wa Mulungu ūbūūja, “Yagwīla halī?” Aho wang'olekeja, ū Elisha ūbbuta itambī lya ntī ūlīponeja hoi yeleela ī mbasa.
7
Ū ng'wīla, “Īsolage.” Ū munhū ng'wenūyo ūgoloola nkono wīsola.
8
Ū mu shikū jenījo ū ntemi wa Alamu walī mu būlūgū nī Isilaeli; ūlomana na a bataale bakwe ba mabità, ūhaya, “Nakūja nakītūūle halebe ī ng'hambī yane.”
9
Ū munhū o ng'wa Mulungu ūtūma nhūng'wa ū kūlī ntemi wa Isilaeli kūng'hūgūla, “Ilang'hanage ūtizūbītīla ī lipandī lyenīlo, nguno a Baalamu balīja kwenūko.”
10
Na lūūlū ū ntemi wa Isilaeli watūmaga banhū kūjūlīlola ī lipandī īlo lyahayiagwa nū munhū o ng'wa Mulungu. Ū ntemi wikalaga alī miso ū kū mapandī gītī genayo nguno makanza mingī wahūgūlagwa nū munhū o ng'wa Mulungu ū mu mihayo ya mbika jenījo.
11
Ū mhayo gwenūyū nose gūnsaayīcha ū ntemi wa Alamu, ūbitana pye a bataale ba mabità gakwe, ūbabūūja, “A bing'we mutadūgije gete ū kūniwīla nani ū mu bise ng'wenūmu ūyo alī kū lwandī lwa ntemi wa Isilaeli?”
12
Ūmò wa batūmami bakwe ūhaya, “Baba ntemi, atīho nūūlū ūmò, alīyo ī Isilaeli alīko ng'hangi Elisha, hū ng'wene ūyo akang'wīlaga ū ntemi wa Isilaeli būlī mihayo, nī yīyo ūkīhooyelaga ūlī mu chumba shako sha kūlaala.”
13
Ū ntemi ūlagīja ūhaya, “Jagi mukamane ūko alī, natwale banhū bakandime.” Jiza ī mhola jilīhaya, “Alī Dosani.”
14
Na lūūlū ūtwala ibità itaale lya bashilikale ba falasa na magogoteni. Biza būjikū būgūpīndya ū nzengo gwenūyo.
15
Ī ntondo yaho ī dilū aho wamisha ū ntūmami o munhū o ng'wa Mulungu wahayūja ī hanze, ūlībona ī libità na lyagūpīndyaga ū nzengo gwenūyo, nī falasa na a magogteeni; ūhaya, “Baba būgonzo tūkwīta kinehe?”
16
Ū ng'hangi ūnshokeja, “Ūtogohage nguno abo balī kū lwandī lwise balī bingī kūtinda abo balī kū lwandī lwabo.”
17
Hūna ū Elisha, ūlomba alīhaya, “Ee SEEBA galoleechage a miso gakwe abone.” Ng'hana ū SEEBA ūgaloleecha a miso ga ntūmami ng'wenūyo. Aho walola ūbona gīkī ū Elisha apīndīlījiwe hose hose; pyī ī ngūlū jokalile falasa na magogoteni ga moto.
18
A banishi aho bandya kūtulumenha kūng'wegeela, ū Elisha ūnomba ū SEEBA, “Batūlage na būbboku a banhū benaba.” Ng'hana ūbatūla na būbboku, gīt'ūmo akalombela ū Elisha.
19
Hūna ū Elisha ūbawīla, “Ng'wajimīīlaga ī nzīla, nū nzengo gwenūyū gūtī gwene; tūjagi namutonge ū kūlī munhū ūyo mulīnkooba.” Ūbatonga kūja Samalia.
20
Aho bashika ū mu nzengo gwa Samalia, ū Elisha ūhaya, “Ee SEEBA, galoleechage a miso ga banhū benaba babone.” Ū SEEBA ūgaloleecha a miso gabo būbona, būūdeeba gīkī balī ha gatī gatī ya nzengo gwa Samalia.
21
Ū ntemi wa Isilaeli aho wababona ūmūja ū Elisha, “Baba nababūlage? Nababūlage?”
22
Ū Elisha ūshosha alīhaya, “Yaya ū kūbabūlaga, ū bebe ūkūbabūlaga banhū abo wabadimaga bebe ng'wenekīlī bo līlūshū na būta wako? Babeegejage shilīwa balye ūbinhe na minzī bang'we, hūna ūbalage baje kūlī sabo būgonzo.”
23
Ūbabeegeja shigukulu shitaale, aho bamala ū kūlya nū kūng'wa ūbalaga, būshoka kūlī saabo būgonzo. Na lūūlū a Baalamu booya ū kwiza kwīdumīla ī sī ya Isilaeli.
24
Kū makanza ga kū būtongi koi hangī, ū Beni-hadadi ū ntemi wa Alamu ūlībilinga ī libità lyakwe pyī ī lyose, ūja kūgūpīndya ū nzengo gwa Samalia.
25
Ū nzengo gwenūyo gūpīndiwa na mabità genayo ikanza ilīhu no; yūbiza mo nzala ng'halī, kūshisha ū ntwe gwa nzobe gūyūjinjiwa kilo ngima ya feza, nī ī ligobbo lya maashi ga mhunda lyūyūjinjiwa gulamu makūmi atanò n'itanò ja feza.
26
Lwise lūmò ū ntemi washimīzaga higūlya ya ndugu ya nzengo, kwimanīla nkīma ūmò wanīlīīla alīhaya, “Baba ntemi nigunanhage!”
27
Ū ntemi ūshosha, “Ūlū atakūgunanhile ū SEEBA, ū nene nakūfunya halī ī sha kūkūgunanha? Kūfuma ha lūbūūga lwa kūtūlīla, nūūlū kūfuma ng'wikamīlo lya mizabibu?”
28
Hūna ūmūja, “Ūlī na makoye kī?” Ū nkīma ūhaya, “Ū mayū ng'wenūyū walī waniwīlile gīkī, ‘Nfunyage ū ng'wana wako ī lelo tūnzuge tūlye, ī ntondo tūlaalye ū wane.’”
29
Ng'hana tūnzuga ū wane tūlya; aho wela a ha ntondo yaho nūng'wīla, “Ng'wenhage nang'ho lūūlū ū ng'wana wako tūnzuge tūlye! Alīyo ūbiza wamalaga kūmisa ū ng'wana wakwe!”
30
Ū ntemi aho wigwa ū būsombooji wa nkīma ng'wenūyo, ūtandūla ī shizwalo shakwe. Aho alīshimīza higūlya ya ndugu ya nzengo, a banhū būbona gīkī azwalile magūnīla, agatongije ū mu gatī ya shizwalo shakwe.
31
Ūhaya, “Ū Mulungu ni anitūlage hataale na kūtinda ho, ū Elisha ng'witūnja o ng'wa Shafati ūlū alikale nago ū ntwe gwakwe ī lelo yenīyī!”
32
Ī likanza lyenīlo ū Elisha walī wigasha mu numba yakwe, na banamhala baalī bigasha nang'hwe. Ū ntemi ūtūma munhū atonge koi, alīyo aho ataalī ū kūshika, ū Elisha ūhaya, “Mulībona ī mihayo ya mūlagi ng'wenūyū? Ī haha watūma munhū kwiza kūnibbuta ntwe! Kalaganagi hoi, ūlū alashike ū ntūmījiwa wakwe mugūlugale ū nyango muhandatīle ho atizingīla. Mutigwaga ū kūshaadūka kwa mhambala ja ng'wa ise būgonzo a ha numa yakwe?”
33
Aho ataalī ūbawīla gīko, ūshika ūyo walī watūng'wa kūlī we, nū ntemi ūshika; ūyomba, “A makoye genaya pye gaafumile kūlī SEEBA, numho nalī na nguno kī lūūlū ū kwikala nanindīīlaga SEEBA?”
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25