bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Leviticus 10
Leviticus 10
Sukuma 2019
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 11 →
1
A bitūnja ba ng'wa Alooni a ba Nadabu nū Abihu, bakabūūcha būlī ng'wene lyahulīlo lyakwe, bahula moto ūyo gwalī gūtazunīlīgije; hūna būtūūla na būbbani wa kūzuukīja; benha kū būtongi bo ng'wa SEEBA kīnhū īsho walī atabalagīlile.
2
Kwimanīla moto gwafuma kūlī SEEBA gūūbabbiisha, būchīla henaho kū būtongi bo ng'wa SEEBA.
3
Ū Musa ūng'wīla ū Alooni, “Ū mhayo gwenūyo h'ūyo SEEBA akagūhaya aho akayomba gīkī, ‘Ū kū banhū abo bakūneegeelaga nakwiyoolecha gīkī nalī ng'wela. Pyī hose na hose ūko banhū balī, nakwinhwa ikūjo.’” Ū Alooni akagayiwa ū gwa kūhaya!
4
Ū Musa ūbitana ba Mishaeli na Elizafati, bitūnja ba ng'wa Uzieli ise ndo o ng'wa Alooni; ūbawīla, “Nzūgi mubabūūche a baana ba ng'wing'we, mubīnje ū kwipandī lyeela, mubatwale hanze ya ng'hambī.”
5
Biza būbabūūcha; abo bakazumalīka baalī bataalī mu ng'hanjo jabo ja milīmo; būbatwala hanze ya ng'hambī, gīt'ūmo Musa akabawīīlīla.
6
Hūna ū Musa ūng'wīla ū Alooni na a bitūnja bakwe a ba Eliezeli nū Itamaali, “Mutizūjilekanīja ī nzwīlī jing'we jisakaalīle sagala, yaya nūūlū kūtandūla shizwalo shing'we, nguno numho mukūcha; nīyo ū SEEBA akūlīpelanīla nī libità lya banhū pyī ī lyose. A badūgū bing'we a ba numba ya Isilaeli a bose hū bene bakūbalīla abo SEEBA wabakenaagūlaga na moto.
7
A bing'we yaya ū kwīnga a ha nyango gwiheema lya kwibilingīla; ūlū mulīīte gīko mukūcha, nguno mulī basolwa ba ng'wa SEEBA kūlwa kwitīīlwa maguta.” Ng'hana bīīta gīt'ūmo Musa akabawīlīla.
8
Hūna ū SEEBA ūng'wīla ū Alooni,
9
“Ū bebe na a bitūnja bako ūlū mulī na lūdīīma lwa kwingīla ng'wiheema lya kwibilingīla, yaya ū kūng'wa divai nūūlū shing'wiwa shingī shose shose, īsho shidūgije kūnkola munhū; ūlū ng'wīta chene mukūcha. Ī shilagīlo shenīshi shilī sha būja na būja ū mu shibyalīlwe shing'we īsho shiliza.
10
A bing'we shing'wigeleelilwe ng'wīdeebe ī mihayo, ī myeela ī ya kogohwa ng'wīlekanya nī ya shikū jose ū mu kaīle ka banhū; hama nī yawiza ng'wīlekanya nī misoso.
11
A bing'we īng'wigeleelilwe kūbalanga a Baisilaeli pyī ī shilagīlo īsho SEEBA wabinhile mu nzīla ya ng'wa Musa.”
12
Ū Musa ūng'wīla ū Alooni na a bitūnja bakwe a ba Eliezeli nū Itamaali, abo bakashiiga; ūhaya, “Shisolagi ī shakwinha sha būsu īsho shasaagaga ha shakwinha sha kūfunyiwa kūlwa ng'wa SEEBA mu nzīla ya moto, mushizuge shitī na shibimbya, mushilīīle ha ng'walīlo; nguno shilī sheela no no no.
13
Mukūyūshilya mulī ng'wipandī lyeela, nguno ū gwenūyo ngabo gwako ū bebe, hamò na a bitūnja bako, gwa kūfuma ū mu shakwinha īsho shikafunyiagwa kūlwa ng'wa SEEBA mu nzīla ya moto; h'ūmo naalagīīlilwe.
14
Alīyo ī shiguuku sha kūyengeejiwa, nū gūlūmbū gwa kūfunyiwa, ī shene ūkūshilya ū bebe na a bitūnja bako, hamò na a bashīke bako. Mukūshilya mulī ng'wipandī lyeela; ū gwenūyo ngabo gwako ūhelelilwe bebe hamò na baana bako, ūyo gūkūfunyiwa kūbiza shakwinha sha būsangī īsho Baisilaeli bakūyūfunya.
15
Ū gūlūmbū gwa kūfunyiwa, nī shidali sha kūyengeejiwa shiigelile shenhwe, hamò na a masazu ayo gakīītagwa kūbiza shakwinha sha kūfunyiwa mu nzīla ya moto; shenhwe shiyengeejiwe kū būtongi bo ng'wa SEEBA, shibize shakwinha sha kūyengeejiwa. Ū gwenūyū gūkūbiza ngabo gwing'we gwa shikū jose, gīt'ūmo SEEBA walagīīlile.”
16
Ū Musa aho wabūūja ūko yalī yatūūlwa ī mbūli ya shitambò sha shibi, ūwīlwa gīkī yalī yamala kūpemva moto. Ū mhayo gwenūyo gūnsayīsha, ūbasayīla a bitūnja ba ng'wa Alooni, a ba Eliezeli nū Itamaali, abo baalī basaagīīla; ūbabūūja gīkī,
17
“Nibūlī aho mulī ng'wipandī lyeela mutashiliile ī shitambò sha shibi? Ī shoi ī shenīshi shilī shakwinha sheela no no no; ng'winhiwe bing'we kūlwa kwīnja kwihīga kwa banhū, ībize nzīla ya kūbeeja isangī kūlwa nguno yabo kū būtongi bo ng'wa SEEBA.
18
Yalī īng'wigeleelilwe kwīlya ī mbūli yenīyo aho mulī ng'wipandī lyeela, nguno a mininga gayo gaalī gatatwalilwe ū mu gatī y'iheema; h'ūmo nakamuwīlīla.”
19
Ū Alooni ūng'wīla, “Ī lelo īyī bamfunījaga ū SEEBA shakwinha shabo sha shibi, nī sha kūpemva; yanigwīīlaga mitaale ū nene! Ū SEEBA ni wayega gete ūlū ni nashilya ū nene ī shitambò sha shibi?”
20
Ū Musa aho wigwa ū būsombooji wenūbo ūyega.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27