bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Leviticus 7
Leviticus 7
Sukuma 2019
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 8 →
1
Aka kalī kahelele ka mihayo ya kafunīje ka shitambò kūlwa kwihīga, īsho shilī sheela no no no.
2
Ū ntugo gwa shitambò sha kwihīga, gūkūsīnzwa h'ipandī īlo bakasīnzīlaga mitugo ja shitambò sha kūpemva; a mininga gago gūseeseebelwa ha ng'walīlo, ha mhande jago jose.
3
Pye a mazezele ga ntugo gwenūyo gakūfunyiwa, a mazezele ga nkīla, na a masazu ayo gakundīkīgije sha mu nda, na a mazezele a gangī ayo galīmo.
4
Nī mhīgo būbīlī wajo na a mazezele ga ha ngongo, na yayo gakundīkīgije h'itīma; ī shose īshi shikwīnjiwa hamò nī mhīgo.
5
Ū ngabīji akūshipemba ha ng'walīlo shibize shakwinha sha kūfunyiwa kūlwa ng'wa SEEBA mu nzīla ya moto; shilī shitambò sha kwihīga.
6
Ngosha ose ose ū wa mu numba ya ngabīji azunīlījiwe ū kūshilya; shilī sheela no no no.
7
Ūmo īlī ī mihayo ya shitambò sha shibi, h'ūmo īlī nī ya shakwinha sha kwihīga. Ū ngabīji ūyo alīgūtūmama ū nīmo gwa kūtūūla isangī h'ūyo akūsola ī nyama jaho.
8
Ū ngabīji wa kūfunya shitambò sha kūpemva kūlwa munhū nebe, akūlīsola ī likūnza lya ntugo gwenūyo lībize lyakwe.
9
Būlī shakwinha sha būsu īsho shizugilwe ng'wizugīlo lya būgubbanīje, nūūlū mu shiseme shigalī galī, nūūlū shikalangilwe h'ikalangīlo, shilī shakwe ū ngabīji ūyo alīshifunya.
10
Na būlī shakwinha sha būsu shilī sha bitūnja ba ng'wa Alooni, nūūlū shibize shisangije maguta, nūūlū būsu dūhū.
11
Aka keene kahelele ka mihayo ya shakwinha sha būsangī, īsho munhū adūgije kūmfunīja SEEBA.
12
Ūlū ūshifunya kūlwa koolecha kūlūmba kwakwe, na lūūlū ūlū alīfunya ī shakwinha sha kūlūmba shenīshi, akwenha na migatī ītī na shibimbya, īsangije maguta, na migatī myūmu ītī na shibimbya, īchaagije maguta; na keki ja būsu būnogu ūbo būsanjasangije maguta, būkondoolwa no no no.
13
Ūlū alenha ī shakwinha shakwe sha būsangī kūlwa kūlūmba, akūfunya na shakwinha sha migatī ībeejiwe na būsu būsangije shibimbya.
14
Ū kūfuma ū mu mbika jenīji, būlī mbika akwīnja mo shimò ūfunya shakwinha kūlwa ng'wa SEEBA; ī shoi shilī sha kūsolwa na ngabīji ūyo alagaseeseebele a mininga ga shakwinha sha būsangī.
15
Ī nyama ya shakwinha sha būsangī īsho alīfunya kūlwa kūlūmba, yigelile īliwe mu lūshikū ūlo yafunījiagwa; ītizūlaala nūūlū hado kūshisha ntondo dilū.
16
Alīyo ī shitambò shakwe ūlū alīshifunya gītī shakwinha kūlwa mhayo ūyo wilahīla kūgūshikīlīja, nūūlū shakwinha sha wiyaabī, ī shitambò shenīsho sha kūlyiwa lūshikū lwenūlo washifunījaga; gwike īsho shilashiige shidūgije ū kūlyiwa a ha ntondo yaho.
17
Ūlū nyama yose yose ya shitambò yūshiiga kūshisha lūshikū lwa kadatū, ī yenīyo yabizaga ya kūpemva yūjiga gete.
18
Nyama yose yose ī ya shakwinha sha būsangī ūlū yūlyiwa ha lūshikū lwa kadatū lwaho, ū mhayo gwenūyo gūtanukūlwa. Ūyo washifunyaga ī shakwinha shenīsho atūūbalīlwa gīkī wītaga mhayo gose gose; nguno ī nyama yenīyo nsoso; ū munhū wa kwīlya akūbalīlwa būkenaagūji.
19
Nyama yose yose ūlū yikuumya na shikolo īsho shilī shisoso kūlī SEEBA, ī yenīyo yaya ū kūlyiwa; īlī ya kūpemva mu moto. Alīyo ī nyama ī jingī, munhū ose ose ūyo alī ng'wela ū kū būtongi bo ng'wa SEEBA adūgije ū kūlya.
20
Gwike ūyo atī ng'wela ūlū ūlya nyama ya shitambò sha būsangī, īyo yafunyiagwa kūlwa ng'wa SEEBA, ū ng'wenūyo akūkomanyiwa gete wīnjiwe ū mu banhū bakwe.
21
Nūūlū munhū ūkuumya shikolo shisoso, hamo būsoso wa kūfuma halī munhū, nūūlū shiinū nsoso, nūūlū shikolo shisoso na sha malofu, hūna ūlya nyama yose yose ya shitambò sha būsangī īyo yafunyiagwa kūlwa ng'wa SEEBA, ū munhū ng'wenūyo akūkomanyiwa gete wīnjiwe ū mu banhū bakwe.
22
Ū SEEBA ūng'wīla ū Musa,
23
Bawīlage a Baisilaeli gīkī, “Yaya ū kūlya a mazezele ga ng'ombe na a ga ng'holo, na a ga mbūli.
24
Ūlū ntugo gūūcha goi dūhū, nūūlū hamo gūūbūlagwa līshiinū, a mazezele ga ntugo gwenūyo mudūgije kūgatūmamīla kū milīmo yīngī; alīyo yaya ū kūgalya a bing'we.
25
Munhū ose ose ūlū ūlya mazezele ga ntugo alīyo giigeleelilwe kūfunyiwa shitambò kūlwa ng'wa SEEBA mu nzīla ya moto, akūkomanyiwa gete wīnjiwe ū mu banhū bakwe.
26
Nīyo hose hose ūko mukwikala, yaya kūlya mininga ga noni nūūlū ga ntugo, nūūlū ndimu.
27
Ose ose ū wa kūlya mininga akūkomanyiwa gete wīnjiwe ū mu banhū bakwe.”
28
Ū SEEBA ūng'wīla ū Musa,
29
Bawīlage a Baisilaeli gīkī, “Būlī munhū ūyo wenha shakwinha sha būsangī kūlī SEEBA, ibbudīka lyasho līkūbiza shitambò sha kūmfunīja SEEBA.
30
Ī shakwinha sha kūmfunīja SEEBA mu nzīla ya moto, ū mfunya washo akūshenha wei ng'wenekīlī na makono gakwe. A maguta akūgenha hamò nī shiguuku; hūna ī shiguuku ashiyengeeje kū būtongi bo ng'wa SEEBA, shibize shakwinha sha kūyengeejiwa.
31
Ū ngabīji akūgapemba a maguta ha ng'walīlo, alīyo ī shiguuku, ī shene shilī nyama ya ng'wa Alooni na bitūnja bakwe.
32
Ū kūlūmbū kwa būlyo kwa shakwinha shing'we sha būsangī, ng'winhagi ngabīji, gūbize inong'ho ling'we kūlī we.
33
Ū ng'witūnja o ng'wa Alooni ūyo alīgafunya a mininga na a mazezele ga shakwinha sha būsangī, akūsola ū kūlūmbū kwa būlyo gūbize ngabo gwakwe.
34
Ū kūfuma mu shakwinha sha būsangī īsho Baisilaeli bakūfunya, ī shiguuku īsho shikayengeejiagwa naashisolaga, pyī nū kūlūmbū ūyo gūkafunyiagwa; nang'winhaga Alooni na bitūnja bakwe. Ū gwenūyo hū ngabo gwabo gwa būlī lūshikū ū kūfuma ū kū Baisilaeli.”
35
Ū ngabo gwenūyo gūfumile ha shakwinha īsho akafunījiagwa SEEBA mu nzīla ya moto; h'ūyo Alooni na bitūnja bakwe bakahelelwa mu lūshikū lwa kūtūūlwa ha nīmo gwa būgabīji kū būtongi bo ng'wa SEEBA. Nūūlū gīkī, (Ī lyenīlī līl'ibbudīka lya kwīngīīla ha shakwinha īsho akafunījiagwa SEEBA mu nzīla ya moto; h'īlo Alooni akahelelwa hamò na bitūnja bakwe mu lūshikū lwa kūtūūlwa ha nīmo gwa būgabīji kū būtongi bo ng'wa SEEBA?)
36
Ū mu lūshikū lwa kwitīīlwa kwabo maguta, ū SEEBA akalagīla gīkī a Baisilaeli bayūbinha ī shenīshi, gūbize ngabo gwabo gwa būlī lūshikū, ū mu shibyalīlwe shose īsho shiliza.
37
Na lūūlū a kenaka h'a kahelele ka mihayo ya shitambò sha kūpemva, shakwinha sha būsu, shitambò sha shibi, shitambò sha kwihīga, shakwinha sha kūtūūlwa ha nīmo, shakwinha sha būsangī.
38
H'īsho SEEBA akang'winha Musa kū lūgūlū lwa Sinai mu lūshikū lwene wabalagīlaga a Baisilaeli kwenha shakwinha shabo kūlwa ng'wa SEEBA aho balī ng'witogolo lya kū lūgūlū lwa Sinai.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27