bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Leviticus 27
Leviticus 27
Sukuma 2019
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
1
Ū SEEBA ūng'wīla ū Musa,
2
Lūngalūngaga nabo a Baisilseli ūbawīle gīkī, “Ūlū munhū ūfunya sabo ha ng'wanya gwa banhū balebe, abo walahīla kūbatūūla kūlī SEEBA,
3
tūūlaga mpango, ū ngosha wa myaka ya kwandīja makūmi a bīlī kūshisha myaka makūmi atandatū, abize na mpango gwa shekeeli makūmi atanò ja feza, kūlenganīla nī shekeeli ya ng'wipandī lyeela.
4
Ūlū nkīma ntūūlīlage mpango gwa shekeeli mkūmi adatū.
5
Ū munhū wa myaka ya kwandīja ha ītanò kūshisha makūmi abīlī, ū ngosha ntūūlīlage mpango gwa shekeeli makūmi abīlī; ūlū nkīma shekeeli ikūmi.
6
Ūlū wa kwandīja ng'weji gūmò kūshisha myaka ītanò, ū ngosha ntūūlīlage mpango gwa shekeeli itanò ja feza, ūlū nkīma shekeeli idatū ja feza.
7
Ūlū munhū alī na myaka ya kwandīja makūmi atandatū na kūja kwigūlya, ū mpango gwa ngosha gūtūūlage ha shekeeli ikūmi na itanò, ū mpango gwa nkīma gūbize shekeeli ikūmi.
8
Ū munhū ūlū ng'habī no no no, ūbiza atī na būdūla wa kūpandīka sabo ya kūlenganīla nū mpango ūyo gūtūūlilwe, ūkūng'wenha ū munhū ng'wenūyo kūlī ngabīji. Ū ngabīji akūntūūlīla we ū mpango kūlenganīla nū būdūla wa munhū ūyo alīfunya ī shilahīlo.”
9
“Ū munhū ng'wenūyo ūlū ūfunya shilahīlo kūlwa ntugo ū mu mitugo ījo jizunīlījiwe gīkī jiigeleelilwe kūfunyiwa shitambò kū būtongi bo ng'wa SEEBA, ū ntugo gwa mbika yenīyo ūlū gūfunyiwa kūlwa ng'wa SEEBA, yenīyo yabizaga sabo ya ng'wa SEEBA.
10
Atizūgema kūgūkaabanya nūūlū kūtūūla gūngī a ha ng'wanya gwago; gīkī hīmba ntugo gwawiza ha ng'wanya gwa ntugo gwabūbi, nūūlū ntugo gwabūbi ha ng'wanya gwa ntugo gwawiza. Ūlū wīta būkaabanya wa kūtūūla ntugo ha ng'wanya gwa ntugo gūngī, ī jose būbīlī wajo jikūbiza ja ng'wa SEEBA, ūyo gwalī gwafunyiagwa, nū yūyo gūlatūūlwe a ha ng'wanya gwago.
11
Ūlū ūbiza walahīlaga kūgūfunya ntugo ūyo gūtazunīlījiwe kūfunyiwa shitambò kū būtongi bo ng'wa SEEBA, shiigelile gwenhwe kūlī ngabīji.
12
Ū ngabīji hū g'wene akūfunya ū būlamuji wa ntugo gwenūyo kūlenganīla nū wiza wago nūūlū ū būbi wago. Na lūūlū ū mpango ūyo alagūhele ū ngabīji, hū gwene gūkūbiza gwa ntugo gwenūyo.
13
Ū ng'wenekīlī ntugo ūlū ūkooba kūgūkomoola, akongeja īmò ya itanò ya mpango gwago.”
14
“Ūlū munhū ūfunya numba yakwe gīkī yabizaga ya ng'wa SEEBA, ū ngabīji akwīlola alamule kūlenganīla nū wiza nū būbi wayo. Ū mpango ūyo alagūtūūle ū ngabīji hū gwene ūyo gūkūbiza gwayo.
15
Ū munhū ūyo wayīfunyaga ī numba yenīyo ūlū ūhaya kwīkomoola, īkūng'wigeleela afunyī īmò y'itanò ya mpango gwayo, hūna ī numba yenīyo īkūbiza yakwe hangī.
16
“Ūlū munhū ūtīna ilaale lya lūganda lwa ng'wawe, ūlīfunya kūlwa ng'wa SEEBA, ū mpango gwalyo shiigelile gūtūūlwe kūlenganīla nū wingī wa mbīyū ījo jiigelile kūhamva mo. Shekeeli makūmi atano ja feza kū būlī homeeli ya mbīyū ja shayiri.
17
Ūlū ūlīfunya ī lilaale lyakwe mu ng'waka gwa kūshosha shikolo, ū mpango ūyo gwatūūlagwa gūkwikala gīko.
18
Alīyo ūlū ūlīfunya ī lilaale lyakwe hanuma ya ng'waka gwa kūshosha shikolo, ū ngabīji akūgūhela ū mpango gwalyo kūlenganīla nī myaka īyo yasaagile ū kūshika ū kū ng'waka gwa kūshosha shikolo ūyo gūlī kū būtongi, hūna ūgūtūūla ū mpango gwalyo.
19
Alīyo ū munhū ūyo walīfunije ī lilaale lyenīlo ūlū ūhaya kūlīkomoola, īkūng'wigeleelwa afunyī īmò ya itanò ya mpango gwalyo, hūna līkūbiza lyakwe hangī.
20
Gwike ūlū ūbiza atatogilwe ū kūlīkomoola ī lilaale lyakwe, nūūlū ūbiza walījingije kūlī munhū ūngī hangī, lītīīko kūkomoolwa ī lyenīlo.
21
Ū mu ng'waka gwa kūshosha shikolo ūlū lyūbiza mu wiyaabī, līkūbiza sabo ya ng'wa SEEBA, līkūbiza sawa na gīkī lyafunyiagwa kūlwa nguno yakwe; līkūbiza lya bagabīji.
22
“Ūlū ūfunya kūlwa ng'wa SEEBA ilaale īlo walīgūlile, īlo lītī sabo ya lūganda lwa ng'wawe,
23
Ū ngabīji akūlīhelela ū mpango gwalyo kūlenganīla nī myaka ya kūshika ha ng'waka gwa kūshosha shikolo, hūna ū lūshikū lwenūlo, ū munhū ng'wenūyo akūlīfunīja ī sabo kūlenganīla nū mpango gwalyo, gītī shikolo īsho shibalilwe kūbiza sabo ya ng'wa SEEBA.
24
Ū mu ng'waka gwa kūshosha shikolo ī lilaale lyenīlo līkūnshokela ū munhū ūyo walī ng'wenekīlī a ha kwandya.
25
Būlī mpango gwa shikolo gūkūtūūlwa kūlenganīla na shekeeli ya ng'wipandī lyeela; gulaamu ikūmi būlī shekeeli īmò.”
26
“Gwike ī mbyalwa ja kwandya ū mu mitugo, jibize ng'ombe nūūlū ng'holo, ī jene ja ng'wa SEEBA ng'hana ng'hana, munhū ose ose atazunīlījiwe kūjifunya mu nzīla yose yose.
27
Ūlū gūlī ntugo gūmò gwaho gwa yīyo ītazunīlījiwe kūfunyiwa kūlwa ng'wa SEEBA, ū munhū adūgije kūgūgūla kūlenganīla nū mpango ūyo gūhelilwe, oongeja īmò y'itanò ya mpango gwenūyo. Ūlū atatogilwe kūgūkomoola ū ntugo gwenūyo, gūkūjinjiwa kūlenganīla na mpango ūyo gūhelilwe.
28
“Sabo ya munhū ose ose ūlū yūlinda yūfunyiwa kūlwa ng'wa SEEBA, ītīīko kūjinjiwa nūūlū kūkomoolwa; shose shose īsho shūfunyiwa kūlwa ng'wa SEEBA gīko, abize munhū nūūlū ntugo, nūūlū ilaale lya mu kaya, ī shenīsho shilī sha ng'wa SEEBA gete.
29
Ūlū munhū ūfunyiwa gīkī abūlagwe atīīko kūkomoolwa, shiigelile abūlagwe ū ng'wenūyo.”
30
“Būlī zaka ya shikolo shose shose sha kūfuma mu migūnda, īlī sabo ya ng'wa Seeba; jibize mbīyū ja kūfuma ng'wilaale nūūlū matwajo ga mitī; ī shose shilī sabo ya ng'wa SEEBA.
31
Ūlū munhū ūkomoola zaka yakwe yose yose, shiigelile ongeje īmò y'itanò ya mpango gwa shikolo shenīsho.
32
Pyī ī zaka ya mu madaale ga mitugo, jibize ng'ombe nūūlū ng'holo, īlī sabo ya ng'wa SEEBA; a h'ikanza lya kūsoloojiwa mitugo, būlī ntugo gw'ikūmi ū mu mitugo jose gūkūbalwa kūbiza sabo ya ng'wa SEEBA.
33
Ū nsolooja ītang'wigeleelilwe kūyūsolanhya ī jawiza kūfuma ū mu jabūbi, yaya nūūlū kūyūkaabanya. Ūlū ūkaabanya, ī jose būbīlī wajo, īyo yalī yabalagwa nī yīyo wayenheelaga ho, jikūbiza ja ng'wa SEEBA; jitī ja kūkomoolwa.”
34
Ī shenīshi hū shilagīlo īsho SEEBA akang'winha Musa mu lūgūlū lwa Sinai kūlwa nguno ya Baisilaeli.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27