1 Chronicles 27

Tswana (BAEBELE e e Boitshepo) 1992

← Chapter 26 Jump to: Chapter 28 →

1Jaana bana ba Iseraele ka fa palong ya bone, e bong ditlhogo tsa makgotla a borara le balaodi ba makgolo a masome, le ba makgolo, le maotlana a bone, a a direlang kgosi, mo tirong nngwe le nngwe ya makoko a diphapaano tse di ne di tsena di tswa ka kgwedi le kgwedi, ka dikgwedi tsotlhe tsa ngwaga, ba phapaano nngwe le nngwe ba bo ba le 24 000.

2Molaodi wa phapaano ya ntlha ya kgwedi ya ntlha e ne e le Jašobeame morwa Sabediele; mo lekokong la phapaano ya gagwe go ne go le batho ba le 24 000.

3Ene e ne e le wa bana ba ga Perese, mogolo wa balaodi botlhe ba ntwa, ka kgwedi ya ntlha.

4Tlhogo ya lekoko la phapaano ya kgwedi ya bobedi e ne e le Dotai wa Moahohe, a na le lekoko la phapaano ya gagwe; le Mikelothe e ne e le molaodi; mo lekokong la phapaano ya gagwe go le batho ba le 24 000.

5Molaodi wa boraro wa lesomosomo wa kgwedi ya boraro, e ne e le Benaia morwa Jehoiate moperesiti, e le yo mogolo; mme mo lekokong la phapaano ya gagwe go no go le batho ba le 24 000.

6Yo ke ene Benaia yo e ne e le seganka sa ba ba 30, le molaodi wa ba ba 30, mme Amisabate morwawe o ne a le wa lekoko la phapaano ya gagwe.

7Molaodi wa bone wa kgwedi ya bone e ne e le Asahele monnaa Joabe, le Sebadia morwawe morago ga gagwe; mo lekokong la phapaano ya gagwe go ne go le batho ba le 24 000.

8Molaodi wa botlhano wa kgwedi ya botlhano e ne e le Shamahuthe wa Moiserahe, mo lekokong la phapaanong ya gagwe go ne go le batho ba le 24 000.

9Molaodi wa borataro wa kgwedi ya borataro e ne e le Ira morwa Ikeše wa Motekoa; mo lekokong la phapaano ya gagwe go le batho ba le 24 000.

10Molaodi wa bosupa wa kgwedi ya bosupa e ne e le Helese wa Mopelone, wa bana ba Eferaime; mo lekokong la phapaano ya gagwe go le batho ba le 24 000.

11Molaodi wa bo 8 wa kgwedi ya bo 8 e ne e le Sibekai wa Mohušatha wa Basera; mo lekokong la phapaano ya gagwe go le batho ba le 24 000.

12Molaodi wa bo 9 wa kgwedi ya bo 9 e ne e le Abiesere wa Moanathothe wa Babenjamine; mo lekokong la phapaano ya gagwe go le batho ba le 24 000.

13Molaodi wa lesome wa kgwedi ya lesome e ne e le Maharai wa Monetofathe wa Basere; mme mo lekokong la phapaano ya gagwe go le batho ba le 24 000.

14Molaodi wa 11 wa kgwedi ya 11 e ne e le Benaia wa Mopirathone wa bana ba Eferaime; mo lekokong la phapaano ya gagwe go no go le batho ba le 24 000.

15Molaodi wa 12 wa kgwedi ya 12 e ne e le Heletai wa Monetofa oo rra Otheniele; mme mo lekokong la phapaano ya gagwe go ne go le batho ba le 24 000.

16Gape mo go laoleng ditso tsa Iseraele, mo go Barubene, Eliesere morwa Sikeri e ne e le molaodi; mo go Basimeone e ne e le Shefatia morwa Maaka;

17mo go Balefi e ne e le Hašabia morwa Kemuele; mo go Baarone, e le Satoke;

18mo go Bajuta e le Elihu mogoloa Dafite; mo go Baisakare, e le Omeri morwa Mikaele;

19mo go Basebulone e le Išemaia morwa Obadia; mo go Banafetali e le Jeremothe morwa Aseriele;

20mo baneng ba Eferaime e le Hošea morwa Asasia; mo ntlheng nngwe ya lotso lwa Manase e le Joele morwa Petaia;

21mo ntlheng e nngwe ya lotso lwa Manase mo Gileate, e ne e le Ito morwa Sekaria; mo go Babenjamine e le Jaasiele morwa Abenere;

22mo go Badane e ne e le Asarele morwa Jerohame. Bao e ne e le balaodi ba ditso tsa Iseraele.

23Dafite ga a a ka a bala ba ba dinyaga di 20 fela, le fa e le bomonnaa bone; gone Jehofa a rile o tlaa ntsifatsa Baiseraele ba nna jaaka dinaledi tsa legodimo.

24Joabe morwa Seruia a simolola go bala, mme a se ka a fetsa; gonne bogale jwa wela Baiseraele ka ntlha ya gone moo; le gone palo ga e a ka ya tsenngwa mo dikwalong tsa ditirafalo tsa kgosi Dafite.

25Molaodi wa mabolokelo a dikhumo tsa kgosi e ne e le Asemafethe morwa Adiele, mme molaodi wa mabolokelo a a mo dinageng le mo metseng le mo metsaneng, le mo dikagong tse di thata, e le Jonathane morwa Usia.

26Molaodi wa bone ba ba dirang tiro ya naga ya go lema lefatshe, e ne e le Eseri morwa Kelube.

27Molaodi wa masimo a mafine e ne e le Shimei wa Moramathe, molaodi wa totafalo ya masimo a mafine e e tsenang mo mabolokelong a bojalwa jwa mofine e ne e le Sabedi wa Mošifime.

28Molaodi wa ditlhare tsa matlhware, le ditlhare tsa masekamore, tse di mo lefatsheng la melapo, e ne e le Baale-hanane wa Mogetere; molaodi wa mabolokelo a lookwane a a kwa tlase ga matlo e ne e le Joaše.

29Molaodi wa matlhape a a hulang mo Sharone e ne e le Shiterai wa Mošarone; molaodi wa matlhape a a mo melapong, e ne e le Shafate morwa Atelai;

30molaodi wa dikamela e le Obile wa Moišemaile; molaodi wa diesela e le Jeheteia wa Moheronothe.

31Molaodi wa matsomane e le Jasise wa Mohagare. Bao botlhe e ne e le balaodi ba thoto e e leng ya kgosi Dafite.

32Gape Jonathane ngwana wa ga mogoloa Dafite e ne e le mogakolodi, motho wa tlhaloganyo le mokwadi; Jehiele morwa Hakemoni o na a nna le bomorwa kgosi.

33Le Ahitofele e ne e le mogakolodi wa kgosi; Hušai wa Momareka e ne e le kala ya kgosi.

34Jehoiata morwa Benaia le Abiathare ba rulagana le Ahitofele; molaodi wa ntwa ya kgosi e le Joabe.

← Chapter 26 Jump to: Chapter 28 →