1 Chronicles 5

Tswana (BAEBELE e e Boitshepo) 1992

← Chapter 4 Jump to: Chapter 6 →

1Bomorwa Rubene motsalwapele wa ga Iseraele, (gonne e ne e le ene motsalwapele; e re ka a ne a leswefaditse bolao jwa ga rraagwe, tshiamelo ya botsalwapele ya newa bomorwa Josefe morwa Iseraele; mme losika ga lo na go balwa ka fa botsalong pele.

2Gonne Juta o ne a fenya gare ga bomorwa rraagwe, kgosana ya tswa mo go ene; mme botsalwapele e ne e le jwa ga Josefe.)

3Bomorwa Rubene motsalwapele wa ga Iseraele ke Hanoke le Palu le Heserone le Karemi.

4Bomorwa Joele ke Shemaia morwawe, Goge morwawe, Shimei morwawe,

5Mika morwawe, Reaia morwawe, Baale morwawe,

6Beera morwawe, yo Tilegathe-pilenesere kgosi ya Asiria o ne a mo tlosa e le motshwarwa; ene e le kgosana ya Barubene.

7Bomonnawe ka ditshika tsa bone, jale ka ditshika tsa dikokomana tsa bone di rulaganngwa; tlhogo, Jeiele le Sekaria,

8le Bele morwa Asase morwa Sheme morwa Joele, yo o ne a agile mo Aroere go ya go fitlha kwa Nebo le Baale-meone.

9Ntlheng ya botlhabatsatsi a aga go ya go fitlha fela kwa botsenong jwa naga e e tswang nokeng ya Euferatese, ka gobo matlhape a bone a ntsifetse mo lefatsheng la Gileate.

10E rile mo metlheng ya ga Saule ba epela Bahagere dira, ba ba oleng ka seatla sa bone: ba aga mo megopeng ya bone ba farafere lefatshe lotlhe le le potileng Gileate ka fa botlhabatsatsi.

11Bomorwa Gate ba aga bolebagana nabo mo lefatsheng la Bašane go fitlha kwa Saleka:

12Joele tlhogo, le Shafame wa bobedi, Janai le Shafate mo Bašane;

13le bana ba ga rraabo ba makgotla a borraabo; Mikaele, le Mešulame, le Sheba, le Jorai le Jakane, le Sie le Ebere, basupa.

14Ba e ne e le bomorwa Abihaile morwa Huri morwa Jaroa morwa Gileate morwa Mikaele morwa Jehišai morwa Jahito morwa Buse;

15Ahi morwa Abediele morwa Guni, tlhogo ya makgotla a borraabo.

16Ba aga moo Gileate moo Bašane, le mo metseng ya gone, le mo dintlheng tsotlhe tsa Sharona, go ya go fitlha kwa melelwaneng ya tsone.

17Botlhe ba, ba ne ba balwa ka ditshika tsa bone mo metlheng ya ga Jothame kgosi ya Juta, le mo metlheng ya ga Jeroboame kgosi ya Iseraele.

18Bomorwa Rubene le Bagate, le bontlhanngwe jwa lotso lwa ga Manase, ba ba diganka, banna ba ba nonofileng go tshola thejane le tšhaka le go hula ka bora, ba le ditswerere mo ntweng, e le 44 760, ba ba nonofileng go bolola go ya go tlhabana.

19Ba tlhabana le Bahagere, le Jeture, le Nafiše, le Notabe.

20Ba thusiwa mo go tlhabaneng nabo, mme Bahagere ba tsenngwa mo seatleng sa bone, le botlhe ba ba neng ba na nabo; gonne mo ntweng ba ne ba goela kwa Modimong, mme wa ba rapelesegela; ka gobo ba ne ba ikantse mo go one.

21Ba ba gapela dikgomo; ba tsaya dikamela di le 50 000, manku a le 250 000, diesela di le 2 000 le batho ba le 100 000.

22Gonne ga wa batho ba le bantsi ba bolailwe ke ntwa e ne e le ya Modimo. Ba aga mo boemong jwa bone go ya go fitlha kwa botshwarong.

23Bana ba bontlhanngwe jwa lotso lwa ga Manase ba aga mo lefatsheng; ba ata ba le mo Bašane ba atela kwa Baale-heremone.

24Ba, e ne e le ditlhogo tsa makgotla a borraabo; e bong Efere, Iši, Eliele, Aseriele, Jeremia, Hotafia le Jahediele, diganka tse di pelokgale, banna ba ba tumileng, ditlhogo tsa makgotla a borraabo.

25Ba tlolela Modimo wa borraabo, ba akafalela medimo ya ditšhaba tsa lefatshe tse Modimo o di sentseng fa pele ga bone.

26Modimo wa Iseraele wa tsosa mowa wa ga Pule kgosi ya Asiria, le mowa wa ga Tilegathe-pilenesere kgosi ya Asiria, a ba tlosetsa koo, e bong Barubene le Bagata le bontlhanngwe jwa lotso lwa ga Manase, wa ba isa kwa Hala, le Habore, le Hara le kwa nokeng ya Gosane, go tla mo nakong eno.

← Chapter 4 Jump to: Chapter 6 →