1 Chronicles 4

Tswana (BAEBELE e e Boitshepo) 1992

← Chapter 3 Jump to: Chapter 5 →

1Bomorwa Juta: Perese, Heserone, Karemi, Hure le Shobale.

2Reaia morwa Shobale a tshola Jahathe; Jahathe a tshola Ahumai le Lahate. Tseo ke ditshika tsa Basora.

3Ba e ne e le bomorwa rra Etame: Jesereele, Išeme le Itebaše; leina la kgaitsadia bone e ne e le Haseleleponi;

4Peneule e ne e le rra Getore, le Esere rra Huša. Ba e ne e le bomorwa Hure, motsalwapele wa ga Eferatha rra Bethelehema.

5Ašure rra Tekoa o ne a na le basadi ba le babedi, Hela le Naara.

6Naara a bona nae Ahusame, Hefere, Temeni le Hahašetari. Bao e ne e le bomorwa Naara.

7Bomorwa Hela e ne e le Serethe, Isehare le Ethanane.

8Hakose a tsala Anube, Sobeba le ditshika tsa ga Aharehele morwa Harume.

9Jabese o ne a le tlotlego bogolo go bomorwa rraagwe; mmaagwe a mo raya leina la Jabese a re: “Ka gobo ke mmelege ka bohutsana.”

10Jabese a rapela Modimo wa Iseraele a re: “A bo Modimo o ka ka wa ntshegofatsa wa ba wa nkatlhamosetsa molelwane, le gore seatla sa gago se ka ka sa nna le nna, le gone o ka ka wa nthibela mo bosuleng, gore bo se ntlele le bohutsana!” Modimo wa mo naya se o se lopileng.

11Kelube monnaa Shuha a tshola Mehire, yo e ne e le rra Ešetone.

12Ešetone a tshola Betherafa, Pasea le Tehina rra Irenahaše. Bao e ne e le banna ba ga Reka.

13Bomorwa Kenase ke Otheneile le Seraia; le morwa Otheneile e bong Hathathe.

14Meonothai a bona Ofera; Seraia a bona Joabe rra Mogeharaša; gonne e le badiri ba ditiro tsa botswerere.

15Bomorwa Kalebe morwa Jefune ke Iru, Ela le Naame; le morwa Ela e bong Kenase.

16Bomorwa Jehalelele ke Sife le Sifa le Tirie le Asarele.

17Bomorwa Esera ke Jethere le Merete le Efere le Jalone, mme ene a tshola Miriame le Shamai le Išeba rra Ešetemoa.

18Mosadi wa gagwe wa Mojuta a belega Jarete rra Getore, le Hebere rra Soko, le Jekuthiele rra Sanoa. Bao ke bomorwa Bithia morwadia Faro, yo Merete o mo tsereng.

19Bomorwa mosadi wa ga Hodia, kgaitsadia Nahame, e ne e le rra Keila wa Mogareme le Ešetemoe wa Momaaka.

20Bomorwa Shimone ke Amenone le Rina le Benehanane le Tilone. Bomorwa Iši ke Sohethe le Benesohethe.

21Bomorwa Shela morwa Juta: Ere rra Leka, le Laata rra Mareša, le ditshika tsa lekgotla la ba ba logang leloba le le boleta ba lekgotla la ga Ašebee;

22le Jokime, le banna ba Kosebe, le Joaše, le Sarafe, e le ba ba neng ba na le puso mo Moabe, le Ješubi-leheme. Dikwalo tsa dilo tse ke tsa bogologolo.

23Bao e ne e le babopi ba dipitsa le banni ba Netaima le Getera; ba ne ba agile le kgosi gone ba agetse tiro ya yone.

24Bomorwa Simeone ke Nemuele le Jamine le Jaribe le Sera le Shaule;

25Shalume morwawe, Mibesame morwawe, Mišeme morwawe.

26Bomorwa Mišeme ke Hamuele morwawe, Sakure morwawe Shemei morwawe.

27Shemei o ne a na le bana ba basimane ba le 16, le ba basetsana ba le barataro; bomonnawe ba ne ba se na bana ba le bantsi, le gone losika lotlhe lwa bone ga lo a ka lwa ntsifala jaaka bana ba Juta.

28Ba aga kwa Beerešeba, le Molata, le Hasare-šuale;

29le kwa Bileha, le kwa Eseme, le kwa Tolata;

30le kwa Bethuele, le kwa Horema, le kwa Sikelage;

31le kwa Bethe-marekabothe, le Hasare-susime, le kwa Bethebiri, le kwa Sharaaime. Eo e ne e le metse ya bone go tla go fitlha mo pusong ya ga Dafite.

32Metsana ya bone e ne e le Etame, Aine, Rimone, Tokene le Ašane, metse e le metlhano,

33le metsana yotlhe ya bone e e mo tikologong ya metse eo go fitlha kwa Baale. Ao e ne e le maago a bone, ba bile ba na le polelo ya losika lwa bone, e e rulaganyeng.

34Le Mešobabe, le Jameleke, le Joša morwa Amasia;

35le Joele, le Jehu morwa Jošibia, morwa Seraia morwa Asiele;

36le Elioenai, le Jaakoba, le Ješohaia, le Asaia, le Adiele, le Jesimiele le Benaia;

37le Sisa morwa Shifi, morwa Alone, morwa Jetai, morwa Shimiri, morwa Shemaia.

38Ba ba umakwang ka maina e ne e le dikgosana mo ditshikeng tsa bone; mme makgotla a borraabo a totafala thata.

39Mme ba ya kwa botsenong jwa Getore, ba ya fela kwa moseja ga molapo ka fa botlhabatsatsi go batlisa matsomane a bone bohulo.

40Ba fitlhela bohulo jo bo monono jo bo molemo, le lefatshe le atlhame le ituletse fela le le kagisong; gonne ba ba kileng ba aga gone pele e ne e le ba ga Hame.

41Ba, ba ba kwadilweng ka maina, ba tsile mo metlheng ya ga Hesekia kgosi ya Juta, ba kgemetha megope ya bone le Bameuni ba ba fitlhelwang gone ba ba senyetsa ruri, nako ke eno, mme ba aga boemong jwa bone, gonne go le bohulo jwa matsomane a bone gone.

42Bangwe ba bone, e bong ba bomorwa Simeone, banna ba ba 500, ba ya thabeng ya Seire, balaodi ba bone e le Pelatia, Nearia, Refaia le Usiele, bomorwa Iši.

43Ba kgemetha masalela a Baamaleke a a falotseng, mme ba sa le ba aga gone, nako ke eno.

← Chapter 3 Jump to: Chapter 5 →