1 Chronicles 7

Tswana (BAEBELE e e Boitshepo) 1992

← Chapter 6 Jump to: Chapter 8 →

1Le ba bomorwa Isakare: Tola, Pua, Jašube le Shimerone, ba bane.

2Le bomorwa Tola: Usi, Refaia, Jeriele, Jamai, Ibesame le Shemuele, ditlhogo tsa makgotla a borraabo, e bong Tola; banna ba ba diganka tse di pelokgale mo ditshikeng tsa bone; mo metlheng ya ga Dafite palo ya bone e ne e le 22 600.

3Le bomorwa Usi: Iserahia; le bomorwa Iserahia: Mikaele, Obadia, Joele, Isešia, ba batlhano, e le bagolwane botlhe.

4Ga bo go le mephato ya ntwa ya go tlhabana, le yone e na nabo, ka fa ditshikeng tsa bone, ka fa makgotleng a borraabo, 36 000, ka ba na le basadi ba le bantsi le bana ba basimane.

5Bomorwa rraabo mo ditshikeng tsotlhe tsa Isakare, diganka tse di pelokgale, botlhe fa ba balwa ka fa palong ya ditshika, e ne e le 87 000.

6Bomorwa Benjamine: Bele, Bekere le Jediaele, ba bararo.

7Le bomorwa Bele: Esebone, Usi, Usiele, Jerimothe le Iri, ba batlhano; ditlhogo tsa makgotla a borara, banna ba ba diganka tse di pelokgale; ba balwa ka fa palong ya ditshika 22 034.

8Le bomorwa Bekere: Semira, Joaše, Eliesere, Elioenai, Omeri, Jerimothe, Abija, Anathothe le Alemethe. Botlhe ba e ne e le bomorwa Bekere.

9Ba balwa ka fa palong ya ditshika, ditlhogo tsa makgotla a borraabo, diganka tse di pelokgale, 20 200.

10Le morwa Jediaele: Bilehane; bomorwa Bilehane: Jeuša, Benjamine, Ehute, Kanaana, Sethane, Tarešiše le Ahišahare.

11Botlhe ba e ne e le bomorwa Jediaele ka fa ditlhogong tsa makgotla a borraabo, diganka tse di pelokgale, 17 200, e le ba ba nonofileng go bolola mo ntweng go ya go tlhabana.

12Bašupime, le Bahupime, bomorwa Ire, Bahušime, bomorwa Ahere.

13Bomorwa Nafetali: Jahasiele, Guni, Jeseri le Shalume, bomorwa Bileha.

14Bomorwa Manase: Aseriele wa mosadi wa gagwe, (mogadingwana wa gagwe mosadi wa Moarama a belega Makire rra Gileate.

15Makire a tsaya mosadi wa Hupima le Shupima, leina la kgaitsadie e ne e le Maaka); leina la wa bobedi e le Selofehate, mme Selofehate a na le bana ba basetsana.

16Maaka mosadi wa ga Makere a bona ngwana wa mosimane; a mo raya leina a re, Pereše; leina la ga monnawe e ne e le Shereše; le bomorwawe e le Ulame le Rakeme.

17Le bomorwa Ulame: Betane. Ba e ne e le bomorwa Gileate morwa Makire morwa Manase.

18Kgaitsadie Hamolekethe a bona Išehote, Abiesere le Mahale.

19Bomorwa Shemite e ne e le Ahiane, Shekeme, Liki le Aniame.

20Bomorwa Eferaime ke Shuthela, le Berete morwawe, le Tahathe morwawe Eleata morwawe, le Tahathe morwawe,

21le Sabate morwawe le Shuthela morwawe, le Esere le Eleate, ba banna ba Gathe ba ba tsaletsweng mo lefatsheng ba ba bolaileng, ka gonne ba ne ba tsile go ba gapela dikgomo.

22Eferaime rraabo a hutsafala ka malatsi a le mantsi, mme bomorwa rraagwe ba ya go mo gomotsa.

23Mme a tsena kwa go mogatse, mme a ima, a belega ngwana wa mosimane, a mo raya leina a re, Beria, gonne go ne ga ya bosula le ntlo ya gagwe.

24Morwadie e ne e le Sheera, yo o agileng Bethehorone o o kwa godimo le o o kwa tlase, le Usene-šeera.

25Refa le ene e ne e le morwawe, le Rešefe, le Tela morwawe, le Tahane morwawe,

26Latane morwawe, Amihute morwawe, Elišame morwawe,

27Nune morwawe, Jošua morwawe.

28Dithuo tsa bone le maago e ne e le Bethele le metse ya gone, le Naarane ntlheng ya botlhabatsatsi, le Gesere ntlheng ya bophirimatsatsi le metse ya gone, Shekeme le one le metse ya gone go ya go fitlha kwa Asa le metse ya gone.

29Le ka fa melelwaneng ya bana ba ga Manase Bethešeane le metse ya gone, Taanake le metse ya gone, Megito le metse ya gone, Dora le metse ya gone. Mo metseng eo ga aga bana ba ga Josefe morwa Iseraele.

30Bomorwa Ašere: Imena, Išefa, Išefi, Beria le Sera kgaitsadia bone.

31Bomorwa Beria: Hebere, le Malekiele, yo e ne e le rra Biresaithe.

32Hebere a tsala Jafelete, Shomere, Hothame le Šua kgaitisadia bone.

33Bomorwa Jafelete: Pasake, Bimehale le Ašefathe. Bao ke bana ba ga Jafelete.

34Bomorwa Shemere: Ahi, Rohega, Jehuba le Arame.

35Bomorwa Heleme monnawe: Sofa, Imena, Sheleše le Amale.

36Bomorwa Sofa: Sua, Harenefere, Shuale, Beri le Imera,

37Besere, Hote, Shama, Shileša, Itherane le Beera.

38Bomorwa Jethere ke Jehune le Pisepa le Ara.

39Bomorwa Ula: Ara, Haniele le Risia.

40Botlhe bao e ne e le bana ba ga Ašere, ditlhogo tsa makgotla a borraabo, banna ba ba tlhophegileng, ba ba pelokgale, ditlhogo tsa dikgosana. Palo ya bone, fa ba balelwa tirelo ka fa ditshikeng tsa bone, e ne e le banna ba ba 26 000.

← Chapter 6 Jump to: Chapter 8 →