bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Kings 25
2 Kings 25
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
1
Aur us kí saltanat ke nauweṉ baras ke dasweṉ mahíne ke dasweṉ din yúṉ húá, ki sháh i Bábul Nabúkadnazar ne apní sárí fauj samet Yarúshalem par chaṛháí kí, aur us ke muqábil ḳhaimazan húá, aur unhoṉ ne us ke muqábil girdágird hisár banáe.
2
Aur Sidqiyáh bádsháh kí saltanat ke gyárahweṉ baras tak shahr ká muhásara rahá.
3
Aur chauthe mahíne ke nauweṉ din se shahr meṉ kál aisá saḳht ho gayá, ki mulk ke logoṉ ke liye ḳhurish na rahí.
4
Tab shahrpanáh meṉ raḳhna ho gayá, aur donoṉ díwároṉ ke darmiyán jo pháṭak sháhí bág̣ ke barábar thá, us se sab jangí mard rát hí rát bhág gaye: (us waqt Kasdí shahr ko ghere húe the:) aur bádsháh ne biyábán ká rásta liyá.
5
Lekin Kasdíoṉ kí fauj ne bádsháh ká píchhá kiyá, aur use Yaríhú ke maidán meṉ já liyá, aur us ká sárá lashkar us ke pás se paráganda ho gayá thá.
6
So wuh bádsháh ko pakaṛkar Riblah meṉ sháh i Bábul ke pás le gaye; aur unhoṉ ne us par fatwá diyá.
7
Aur unhoṉ ne Sidqiyáh ke beṭoṉ ko us kí áṉkhoṉ ke sámne zabh kiyá, aur Sidqiyáh kí áṉkheṉ nikál ḍálíṉ, aur use zanjíroṉ se jakaṛkar Bábul ko le gaye.
8
Aur sháh i Bábul Nabúkadnazar ke ‘ahd ke unnísweṉ baras ke páṉchweṉ mahíne ke sátweṉ din sháh i Bábul ká ek ḳhádim Nabúzarádán, jo jilaudároṉ ká sardár thá, Yarúshalem meṉ áyá.
9
Aur us ne Ḳhudáwand ká ghar, aur bádsháh ká qasr, aur Yarúshalem ke sab ghar, ya‘ní har ek baṛá ghar, ág se jalá diyá.
10
Aur Kasdíoṉ ke sáre lashkar ne jo jilaudároṉ ke sardár ke hamráh thá fasíl ko chároṉ taraf se girá diyá.
11
Aur báqí logoṉ ko jo shahr meṉ rah gaye the, aur un ko jinhoṉ ne apnoṉ ko chhoṛkar sháh i Bábul kí panáh lí thí, aur ‘awámm meṉ se jitne báqí rah gaye the, un sab ko Nabúzarádán, jilaudároṉ ká sardár, asír karke le gayá.
12
Par jilaudároṉ ke sardár ne mulk ke kaṉgáloṉ ko rahne diyá, táki khetí aur tákistánoṉ kí bág̣bání kareṉ.
13
Aur pítal ke un sutúnoṉ ko jo Ḳhudáwand ke ghar meṉ the, aur kursíoṉ ko, aur pítal ke baṛe hauz ko jo Ḳhudáwand ke ghar meṉ thá, Kasdíoṉ ne toṛkar ṭukṛe ṭukṛe kiyá, aur un ká pítal Bábul ko le gaye.
14
Aur tamám degeṉ, aur belche, aur gulgír, aur chamche, aur pítal ke tamám bartan jo waháṉ kám áte the le gaye.
15
Aur angíṭhiyáṉ, aur kaṭore, g̣araz jo kuchh sone ká thá, us ke sone ko, aur jo kuchh chándí ká thá, us kí chándí ko, jilaudároṉ ká sardár le gayá.
16
Wuh donoṉ sutún, aur wuh baṛá hauz, aur wuh kursíáṉ jin ko Sulaimán ne Ḳhudáwand ke ghar ke liye banáyá thá, in sab chízoṉ ke pítal ká wazn behisáb thá.
17
Ek sutún aṭhárah háth úṉchá thá, aur us ke úpar pítal ká ek táj thá; aur wuh táj tín háth baland thá; us táj par girdágird jáliyáṉ, aur anár kí kaliyáṉ, sab pítal kí baní húí thíṉ; aur dúsre sutún ke lawázim bhí jálí samet in hí kí tarah the.
18
Aur jilaudároṉ ke sardár ne Siráyáh sardár káhin ko, aur káhin i sání Safaniyáh ko, aur tínoṉ darbánoṉ ko pakaṛ liyá;
19
aur us ne shahr meṉ se ek sardár ko pakaṛ liyá jo jangí mardoṉ par muqarrar thá; aur jo log bádsháh ke huzúr házir rahte the un meṉ se páṉch ádmíoṉ ko jo shahr meṉ mile, aur lashkar ke baṛe muharrir ko jo ahl i mulk kí maujúdát letá thá, aur mulk ke logoṉ meṉ se sáṭh ádmíoṉ ko jo shahr meṉ mile,
20
in ko jilaudároṉ ká sardár Nabúzarádán pakaṛkar sháh i Bábul ke huzúr Riblah meṉ le gayá.
21
Aur sháh i Bábul ne Hamát ke ‘iláqe ke Riblah meṉ in ko qatl kiyá. So Yahúdáh bhí apne mulk se asír hokar chalá gayá.
22
Aur jo log Yahúdáh kí sarzamín meṉ rah gaye jin ko Nabúkadnazar sháh i Bábul ne chhoṛ diyá, un par us ne Jidaliyáh bin Aḳhíqám bin Sáfan ko hákim muqarrar kiyá.
23
Jab jathoṉ ke sab sardároṉ aur un kí sipáh ne, ya‘ní Ismá‘íl bin Nataniyáh, aur Yúhanan bin Qaríh, aur Siráyáh bin Tanhúmat Natúfátí, aur Yázaniyáh bin Ma‘kátí ne suná, ki sháh i Bábul ne Jidaliyáh ko hákim banáyá hai, to wuh apne logoṉ samet Misfáh meṉ Jidaliyáh ke pás áe.
24
Aur Jidaliyáh ne un se aur un kí sipáh se qasam khákar kahá, Kasdíoṉ ke mulázimoṉ se mat ḍaro: mulk meṉ base raho, aur sháh i Bábul kí ḳhidmat karo; aur tumhárí bhaláí hogí.
25
Magar sátweṉ mahíne aisá húá, ki Ismá‘íl bin Nataniyáh bin Ilísama‘ jo bádsháh kí nasl se thá apne sáth das mard lekar áyá, aur Jidaliyáh ko aisá márá, ki wuh mar gayá; aur un Yahúdíoṉ aur Kasdíoṉ ko bhí jo us ke sáth Misfáh meṉ the qatl kiyá.
26
Tab sab log, kyá chhoṭe kyá baṛe, aur jathoṉ ke sardar uṭhkar Misr ko chale gaye, kyúṉki wuh Kasdíoṉ se ḍarte the.
27
Aur Yahúyákín sháh i Yahúdáh kí asírí ke saiṉtísweṉ baras ke bárahweṉ mahíne ke satáísweṉ din aisá húá, ki sháh i Bábul Awíl Marúdak ne apní saltanat ke pahle hí sál Yahúyákín sháh i Yahúdáh ko qaidḳháne se nikálkar sarfaráz kiyá;
28
aur us ke sáth mihr se báteṉ kíṉ, aur us kí kursí un sab bádsháhoṉ kí kursíoṉ se jo us ke sáth Bábul meṉ the baland kí;
29
so wuh apne qaidḳháne ke kapṛe badalkar ‘umr bhar barábar us ke huzúr kháná khátá rahá.
30
Aur us ko ‘umr bhar bádsháh kí taraf se wazífa ke taur par har roz rasad miltí rahí.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25