bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Jeremiah 25
Jeremiah 25
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 26 →
1
Wuh kalám jo sháh i Yahúdáh Yahúyaqím bin Yúsiyáh ke chauthe baras meṉ, jo sháh i Bábul Nabúkadrazar ká pahlá baras thá, Yahúdáh ke sab logoṉ kí bábat Yarmiyáh par názil húá;
2
jo Yarmiyah nabí ne Yahúdáh ke sab logoṉ aur Yarúshalem ke sab báshindoṉ ko sunáyá, aur kahá,
3
ki Sháh i Yahúdáh Yúsiyáh bin Amún ke terahweṉ baras se áj tak yih teís baras Ḳhudáwand ká kalám mujh par názil hotá rahá, aur maiṉ tum ko sunátá aur har waqt jatátá rahá; par tum ne na suná.
4
Aur Ḳhudáwand ne apne sab ḳhidmatguzár nabíoṉ ko tumháre pás bhejá, us ne un ko bar waqt bhejá; par tum ne na suná, aur na kán lagáyá;
5
unhoṉ ne kahá, ki Tum sab apní apní burí ráh se, aur apne bure kámoṉ se báz áo, aur us mulk meṉ, jo Ḳhudáwand ne tum ko aur tumháre bápdádá ko qadím se hamesha ke liye diyá hai, baso:
6
aur g̣airma‘búdoṉ kí pairawí na karo, ki un kí ‘ibádat o parastish karo, aur apne háthoṉ ke kámoṉ se mujhe g̣azabnák na karo; aur maiṉ tum ko kuchh zarar na pahuṉcháúṉgá.
7
Par Ḳhudáwand farmátá hai, Tum ne merí na suní; táki apne háthoṉ ke kámoṉ se apne ziyán ke liye mujhe g̣azabnák karo.
8
Is liye Rabb u’l afwáj yúṉ farmátá hai, ki Chúṉki tum ne merí bát na suní,
9
dekho, maiṉ tamám shimálí qabáil ko, aur apne ḳhidmatguzár sháh i Bábul Nabúkadrazar ko bulá bhejúṉgá, Ḳhudáwand farmátá hai, aur maiṉ un ko is mulk aur is ke báshindoṉ par, aur in sab qaumoṉ par jo ás pás haiṉ chaṛhá láúṉgá; aur in ko bi’lkull nest o nábúd kar dúṉgá, aur in ko hairání aur suskár ká bá‘is banáúṉgá, aur hamesha ke liye wírán karúṉgá.
10
Balki maiṉ in meṉ se ḳhushí o shádmání kí áwáz, dulhe aur dulhan kí áwáz, chakkí kí áwáz, aur chirág̣ kí raushní mauqúf kar dúṉgá.
11
Aur yih sárí sarzamín wírána aur hairání ká bá‘is ho jáegí; aur yih qaumeṉ sattar baras tak sháh i Bábul kí g̣ulámí kareṉgí.
12
Ḳhudáwand farmátá hai, Jab sattar baras púre hoṉge, to maiṉ sháh i Bábul ko, aur us qaum ko, aur Kasdíoṉ ke mulk ko un kí badkirdárí ke sabab se sazá dúṉgá; aur maiṉ use aisá ujáṛúṉgá ki hamesha tak wírán rahe.
13
Aur maiṉ us mulk par apní sab báteṉ, jo maiṉ ne us kí bábat kahíṉ, ya‘ní wuh sab jo is kitáb meṉ likhí haiṉ jo Yarmiyáh ne nubuwwat karke sab qaumoṉ ko kah sunáíṉ, púrí karúṉgá;
14
ki un se, háṉ, un hí se bahut sí qaumeṉ aur baṛe baṛe bádsháh g̣ulám kí sí ḳhidmat leṉge: tab maiṉ un ke a‘mál ke mutábiq aur un ke háthoṉ ke kámoṉ ke mutábiq un ko badla dúṉgá.
15
Chúṉki Ḳhudáwand, Isráíl ke Ḳhudá, ne mujhe farmáyá, ki G̣azab kí mai ká yih piyála mere háth se le, aur un sab qaumoṉ ko jin ke pás maiṉ tujhe bhejtá húṉ pilá,
16
ki wuh píeṉ aur laṛkhaṛáeṉ, aur us talwár ke sabab se, jo maiṉ un ke darmiyán chaláúṉgá, behawás hoṉ.
17
Is liye maiṉ ne Ḳhudáwand ke háth se wuh piyála liyá, aur un sab qaumoṉ ko jin ke pás Ḳhudáwand ne mujhe bhejá thá piláyá;
18
ya‘ní Yarúshalem, aur Yahúdáh ke shahroṉ ko, aur us ke bádsháhoṉ, aur umará ko, táki wuh barbád hoṉ, aur hairání aur suskár aur la‘nat ká bá‘is ṭhahreṉ, jaise ab haiṉ;
19
sháh i Misr Fir‘aun ko aur us ke mulázimoṉ aur us ke umará aur us ke sab logoṉ ko;
20
aur sab mile jule logoṉ, aur ‘Úz kí zamín ke sab bádsháhoṉ aur Filistíoṉ kí sarzamín ke sab bádsháhoṉ, aur Asqalon, aur G̣azzah aur ‘Aqrún, aur Ashdúd ke báqí logoṉ ko;
21
Adom aur Moáb aur baní ‘Ammon ko;
22
aur Súr ke sab bádsháhoṉ, aur Saidá ke sab bádsháhoṉ, aur samundar pár ke bahrí mamálik ke bádsháhoṉ ko;
23
Dadán, aur Taimá, aur Búz, aur un sab ko jo gáodum daṛhí rakhte haiṉ;
24
aur ‘Arab ke sab bádsháhoṉ aur un mile jule logoṉ ke sab bádsháhoṉ ko jo biyábán meṉ baste haiṉ;
25
aur Zimrí ke sab bádsháhoṉ, aur ‘Ailám ke sab bádsháhoṉ, aur Mádí ke sab bádsháhoṉ ko;
26
aur shimál ke sab bádsháhoṉ ko, jo nazdík aur jo dúr haiṉ, ek dúsre ke sáth; aur dunyá kí sab saltanatoṉ ko, jo rú e zamín par haiṉ: aur un ke ba‘d Sheshak ká bádsháh píegá.
27
Aur tú un se kahegá, ki Isráíl ká Ḳhudá, Rabb u’l afwáj, yúṉ farmátá hai, ki Tum piyo, aur mast ho, aur qai karo, aur gir paṛo, aur phir na uṭho, us talwár ke sabab se jo maiṉ tumháre darmiyán bhejúṉgá.
28
Aur yúṉ hogá, ki agar wuh píne ko tere háth se piyála lene se inkár kareṉ, to un se kahná, ki Rabb u’l afwáj yúṉ farmátá hai, ki Yaqínan tum ko píná hogá.
29
Kyúṉki dekh, maiṉ is shahr par jo mere nám se kahlátá hai, áfat láná shurú‘ kartá húṉ, aur kyá tum sáf besazá chhúṭ jáoge? tum besazá na chhúṭoge: kyúṉki maiṉ zamín ke sab báshindoṉ par talwár ko talab kartá húṉ, Rabb u’l afwáj farmátá hai.
30
Is liye tú yih sab báteṉ un ke ḳhiláf nubuwwat se bayán kar, aur un se kah de, ki Ḳhudáwand balandí par se garjegá, aur apne muqaddas makán se lalkáregá; wuh baṛe zor o shor se apní charágáh par garjegá; angúr latáṛnewáloṉ kí mánind wuh zamín ke sab báshindoṉ ko lalkáregá.
31
Ek g̣aug̣á zamín kí sarhaddoṉ tak pahuṉchá hai; kyúṉki Ḳhudáwand qaumoṉ se jhagṛegá, wuh tamám bashar ko ‘adálat meṉ láegá: wuh sharíroṉ ko talwár ke hawále karegá, Ḳhudáwand farmátá hai.
32
Rabb u’l afwáj yúṉ farmátá hai, ki Dekh, qaum se qaum tak balá názil hogí, aur zamín kí sarhaddoṉ se ek saḳht túfán barpá hogá.
33
Aur Ḳhudáwand ke maqtúl us roz zamín ke ek sire se dúsre sire tak paṛe hoṉge: un par koí nauha na karegá, na wuh jama‘ kiye jáeṉge na dafn hoṉge; wuh khád kí tarah rú e zamín par paṛe raheṉge.
34
Ai charwáho, wáwailá karo, aur chilláo; aur ai galle ke sardáro, tum ḳhud rákh meṉ leṭ jáo: kyúṉki tumháre qatl ke aiyám á pahuṉche haiṉ, maiṉ tum ko chaknáchúr karúṉgá, tum nafís bartan kí tarah gir jáoge.
35
Aur na charwáhoṉ ko bhágne kí koí ráh milegí, na galle ke sardároṉ ko bach nikalne kí.
36
Charwáhoṉ ke nále kí áwáz aur galle ke sardároṉ ká nauha hai, kyúṉki Ḳhudáwand ne un kí charágáh ko barbád kiyá hai.
37
Aur salámatí ke bheṛḳháne Ḳhudáwand ke qahr i shadíd se barbád ho gaye.
38
Wuh jawán sher kí tarah apní kamíngáh se niklá hai: yaqínan sitamgar ke zulm se aur us ke qahr kí shiddat se un ká mulk wírán ho gayá.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52