bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Jeremiah 51
Jeremiah 51
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 50
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 52 →
1
Ḳhudáwand yúṉ farmátá hai, ki Dekh, maiṉ Bábul par aur us muḳhálif dáru’s saltanat ke rahnewáloṉ par ek muhlik hawá chaláúṉgá.
2
Aur maiṉ usánewáloṉ ko Bábul meṉ bhejúṉgá, ki use usáeṉ, aur us kí sarzamín ko ḳhálí kareṉ: yaqínan us kí musíbat ke din wuh us ke dushman bankar use chároṉ taraf se gher leṉge.
3
Us ke kamándároṉ aur zarraposhoṉ par tírandází karo: tum us ke jawánoṉ par rahm na karo; us ke tamám lashkar ko bi’lkull halák karo.
4
Maqtúl Kasdíoṉ kí sarzamín meṉ gireṉge, aur chhide húe us ke bázároṉ meṉ paṛe raheṉge.
5
Kyúṉki Isráíl aur Yahúdáh ko un ke Ḳhudá Rabb u’l afwáj ne tark nahíṉ kiyá; agarchi un ká mulk Isráíl ke Quddús kí náfarmánbardárí se pur hai.
6
Bábul se nikal bhágo, aur har ek apní ján bacháe; us kí badkirdárí kí sazá meṉ sharík hokar halák na ho: kyúṉki yih Ḳhudáwand ke intiqám ká waqt hai; wuh use badla detá hai.
7
Bábul Ḳhudáwand ke háth meṉ sone ká piyála thá, jis ne sárí dunyá ko matwálá kiyá: qaumoṉ ne us kí mai pí; is liye wuh díwána haiṉ.
8
Bábul yakáyak gir gayá, aur g̣árat húá: us par wáwailá karo; us ke zaḳhm ke liye balsán lo, sháyad wuh shifá páe.
9
Ham to Bábul kí shifáyábí cháhte the, par wuh shifáyáb na húá: tum us ko chhoṛo; áo, ham sab apne apne watan ko chale jáeṉ: kyúṉki us kí sazá ásmán tak pahuṉchí, aur aflák tak baland húí.
10
Ḳhudáwand ne hamárí rástbází ko áshkárá kiyá: áo, ham Siyyún meṉ Ḳhudáwand apne Ḳhudá ke kám ká bayán kareṉ.
11
Tíroṉ ko saiqal karo; siparoṉ ko taiyár rakkho: Ḳhudáwand ne Mádíoṉ ke bádsháhoṉ kí rúh ko ubhárá hai; kyúṉki us ká iráda Bábul ko nest karne ká hai: kyúṉki yih Ḳhudáwand ká, ya‘ní us kí haikal ká intiqám hai.
12
Bábul kí díwároṉ ke muqábil jhanḍá khaṛá karo, pahre kí chaukiyáṉ mazbút karo, pahredároṉ ko biṭháo, kamíngáheṉ taiyár karo: kyúṉkí Ḳhudáwand ne ahl i Bábul ke haqq meṉ jo kuchh ṭhahráyá aur farmáyá thá, so púrá kiyá.
13
Ai nahroṉ par sukúnat karnewálí, jis ke ḳhazáne firáwán haiṉ, terí tamámí ká waqt á pahuṉchá, aur terí g̣áratgarí ká paimána pur ho gayá.
14
Rabb u’l afwáj ne apní zát kí qasam kháí hai, ki Yaqínan maiṉ tujh meṉ logoṉ ko ṭiḍḍiyoṉ kí tarah bhar dúṉgá; aur wuh tujh par jang ká na‘ra máreṉge.
15
Usí ne apní qudrat se zamín ko banáyá, usí ne apní hikmat se jahán ko qáim kiyá, aur apní ‘aql se ásmán ko tán diyá hai:
16
us kí áwáz se ásmán meṉ pání kí firáwání hotí hai, aur wuh zamín kí intihá se buḳhárát uṭhátá hai: wuh bárish ke liye bijlí chamkátá hai, aur apne ḳhazánoṉ se hawá chalátá hai.
17
Har ádmí haiwánḳhaslat aur be‘ilm ho gayá hai; sunár apní khodí húí múrat se ruswá hai: kyúṉki us kí ḍhálí húí múrat bátil hai, un meṉ dam nahíṉ.
18
Wuh bátil fi‘l i fareb haiṉ; sazá ke waqt wuh barbád ho jáeṉgí.
19
Ya‘qúb ká baḳhra un kí mánind nahíṉ; kyúṉki wuh sab chízoṉ ká ḳháliq hai; aur Isráíl us kí mírás ká ‘asá hai: Rabb u’l afwáj us ká nám hai.
20
Tú merá gurz aur jangí hathyár hai: aur tujhí se maiṉ qaumoṉ ko toṛtá aur tujhí se saltanatoṉ ko nest kartá húṉ;
21
tujhí se maiṉ ghoṛe aur sawár ko kuchaltá; aur tujhí se rath aur us ke sawár ko chúr kartá húṉ;
22
tujhí se mard o zan aur pír o jawán ko kuchaltá; aur tujhí se nauḳhez laṛkoṉ aur laṛkiyoṉ ko pís ḍáltá húṉ;
23
aur tujhí se charwáhe aur us ke galle ko kuchaltá, aur tujhí se kisán aur us ke joṛí bail ko; aur tujhí se sardároṉ aur hákimoṉ ko chúr chúr kar detá húṉ.
24
Aur maiṉ Bábul ko aur Kasdistán ke sab báshindoṉ ko us tamám nuqsán ká, jo unhoṉ ne Siyyún ko tumhárí áṉkhoṉ ke sámne pahuṉcháyá hai, ‘iwaz detá húṉ, Ḳhudáwand farmátá hai.
25
Dekh, Ḳhudáwand farmátá hai, ai halák karnewále paháṛ, jo tamám rú e zamín ko halák kartá hai, maiṉ terá muḳhálif húṉ: aur maiṉ apná háth tujh par baṛháúṉgá, aur chaṭánoṉ par se tujhe luṛhkáúṉgá, aur tujhe jalá húá paháṛ baná dúṉgá.
26
Na tujh se kone ká patthar, aur na bunyád ke liye patthar leṉge; balki tú hamesha tak wírán rahegá, Ḳhudáwand farmátá hai.
27
Mulk meṉ jhanḍá khaṛá karo; qaumoṉ meṉ narsingá phúṉko, un ko us ke ḳhiláf maḳhsús karo; Arárát aur Minní aur Ashkanáz kí mamlukatoṉ ko us par chaṛhá láo: us ke ḳhiláf sipahsálár muqarrar karo; aur sawároṉ ko muhlik ṭiḍḍiyoṉ kí tarah chaṛhá láo.
28
Qaumoṉ ko Mádíoṉ ke bádsháhoṉ ko aur sardároṉ aur hákimoṉ aur un kí saltanat ke tamám mamálik ko maḳhsús karo, ki us par chaṛháí kareṉ.
29
Aur zamín káṉptí aur dard meṉ mubtalá hai: kyúṉki Ḳhudáwand ke iráde Bábul kí muḳhálafat meṉ qáim raheṉge, ki Bábul kí sarzamín ko wírán aur g̣airábád kar de.
30
Bábul ke bahádur laṛáí se dastbardár aur qil‘oṉ meṉ baiṭhe haiṉ; un ká zor ghaṭ gayá, wuh ‘auratoṉ kí mánind ho gaye: us ke maskan jaláe gaye; us ke aṛbange toṛe gaye.
31
Harkára harkáre se milne ko, aur qásid qásid se milne ko dauṛegá, ki Bábul ke bádsháh ko ittilá‘ de, ki us ká shahr har taraf se le liyá gayá:
32
aur guzargáheṉ le lí gayíṉ, aur naistán ág se jaláe gaye, aur fauj haṛbaṛá gayí.
33
Kyúṉki Rabb u’l afwáj, Isráíl ká Ḳhudá, yúṉ farmátá hai, ki Duḳhtar i Bábul khalíhán kí mánind hai, jab use rauṉdne ká waqt áe; thoṛí der hai, ki us kí kaṭáí ká waqt á pahuṉchegá.
34
Sháh i Bábul Nabúkadrazar ne mujhe khá liyá, us ne mujhe shikast dí hai, us ne mujhe ḳhálí bartan kí mánind kar diyá, azhdahá kí mánind wuh mujhe nigal gayá, us ne apne peṭ ko merí ni‘matoṉ se bhar liyá; us ne mujhe nikál diyá.
35
Siyyún ke rahnewále kaheṉge, Jo sitam ham par aur hamáre logoṉ par húá, Bábul par ho; aur Yarúshalem kahegá, Merá ḳhún ahl i Kasdistán par ho:
36
is liye Ḳhudáwand yúṉ farmátá hai, ki Dekh, maiṉ terí himáyat karúṉgá, aur terá intiqám lúṉgá; aur us ke bahr ko sukháúṉgá, aur us ke sote ko ḳhushk kar dúṉgá.
37
Aur Bábul khanḍar ho jáegá, aur gídaṛoṉ ká maqám, aur hairat aur suskár ká bá‘is hogá; aur us meṉ koí na basegá.
38
Wuh jawán babaroṉ kí tarah ikaṭṭhe garjeṉge; wuh sher bachchoṉ kí tarah g̣urráeṉge.
39
Un kí hálat i taish meṉ maiṉ un kí ziyáfat karke un ko mast karúṉgá, ki wuh jadd meṉ áeṉ, aur dáimí ḳhwáb meṉ paṛe raheṉ, aur bedár na hoṉ, Ḳhudáwand farmátá hai.
40
Maiṉ un ko barroṉ aur meṉḍhoṉ kí tarah bakroṉ samet maslaḳh par utár láúṉgá.
41
Sheshak kyúṉkar le liyá gayá! háṉ, tamám rú e zamín ká sitúda yakbáragí le liyá gayá! Babúl qaumoṉ ke darmiyán kaisá wírán húá!
42
Samundar Bábul par chaṛh gayá hai: wuh us kí lahroṉ kí kasrat se chhip gayá.
43
Us kí bastiyáṉ ujaṛ gayíṉ, wuh ḳhushk zamín aur sahrá ho gayá, aisí sarzamín jis meṉ na koí bastá ho, aur na waháṉ ádamzád ká guzar ho.
44
Kyúṉki maiṉ Bábul meṉ Bel ko sazá dúṉgá, aur jo kuchh wuh nigal gayá hai, us ke muṉh se nikálúṉgá; aur phir qaumeṉ us kí taraf rawán na hoṉgí: háṉ, Bábul kí fasíl gir jáegí.
45
Ai mere logo, us meṉ se nikal áo, aur tum meṉ se har ek Ḳhudáwand ke qahr i shadíd se apní ján bacháe.
46
Na ho ki tumhárá dil sust ho, aur tum us afwáh se ḍaro, jo zamín meṉ suní jáegí; ek afwáh ek sál áegí, aur phir dúsrí afwáh dúsre sál meṉ; aur mulk meṉ zulm hogá, aur hákim hákim se laṛegá.
47
Is liye dekh, wuh din áte haiṉ, ki maiṉ Bábul kí taráshí húí múratoṉ se intiqám lúṉgá, aur us kí tamám sarzamín ruswá hogí; aur us ke sab maqtúl usí meṉ paṛe raheṉge.
48
Tab ásmán aur zamín aur sab kuchh jo un meṉ hai Bábul par shádiyána bajáeṉge; kyúṉki g̣áratgar shimál se us par chaṛh áeṉge, Ḳhudáwand farmátá hai.
49
Jis tarah Bábul meṉ baní Isráíl qatl húe, usí tarah Bábul meṉ tamám mulk ke log qatl hoṉge.
50
Tum jo talwár se bach gaye ho, khaṛe na ho, chale jáo; dúr hí se Ḳhudáwand ko yád karo, aur Yarúshalem ká ḳhayál tumháre dil meṉ áe.
51
Ham pareshán haiṉ, kyúṉki ham ne malámat suní; ham sharmálúda húe, kyúṉki Ḳhudáwand ke ghar ke maqdisoṉ meṉ ajnabí ghus áe.
52
Is liye, dekh, wuh din áte haiṉ, Ḳhudáwand farmátá hai, ki maiṉ us kí taráshí húí múratoṉ ko sazá dúṉgá; aur us kí tamám saltanat meṉ gháyal karáheṉge.
53
Harchand Bábul ásmán par chaṛh jáe, aur apne zor kí intihá tak mustahkam ho baiṭhe, taubhí g̣áratgar merí taraf se us par chaṛh áeṉge, Ḳhudáwand farmátá hai.
54
Bábul se rone kí aur Kasdíoṉ kí sarzamín se baṛí halákat kí áwáz átí hai,
55
kyúṉki Ḳhudáwand Bábul ho g̣árat kartá hai, aur us ke baṛe shor o g̣ul ko nest karegá; un kí lahreṉ samundar kí tarah shor machátí haiṉ, un ke shor kí áwáz baland hai:
56
is liye ki g̣áratgar us par, háṉ, Bábul par, chaṛh áyá hai, aur us ke zoráwar log pakṛe jáeṉge, un kí kamáneṉ toṛí jáeṉgí: kyúṉki Ḳhudáwand intiqám lenewálá Ḳhudá hai; wuh zarúr badla legá.
57
Aur maiṉ umará o hukamá ko aur us ke sardároṉ aur hákimoṉ ko mast karúṉgá; aur wuh dáimí ḳhwáb meṉ paṛe raheṉge, aur bedár na hoṉge, wuh bádsháh farmátá hai, jis ká nám Rabb u’l afwáj hai.
58
Rabb u’l afwáj yúṉ farmátá hai, ki Bábul kí chauṛí fasíl bi’lkull girá dí jáegí, aur us ke baland pháṭak ág se jalá diye jáeṉge; yúṉ logoṉ kí mihnat befáida ṭhahregí, aur qaumoṉ ká kám ág ke liye hogá; aur wuh mánda hoṉge.
59
Yih wuh bát hai, jo Yarmiyáh nabí ne Siráyáh bin Naiyiriyáh bin Mahasiyáh se kahí, jab wuh sháh i Yahúdáh Sidqiyáh ke sáth us kí saltanat ke chauthe baras Bábul meṉ gayá. Aur yih Siráyáh ḳhwájasaráoṉ ká sardár thá.
60
Aur Yarmiyáh ne un sab áfatoṉ ko, jo Bábul par ánewálí thíṉ, ek kitáb meṉ qalamband kiyá, ya‘ní in sab bátoṉ ko jo Bábul kí bábat likhí gayí haiṉ.
61
Aur Yarmiyáh ne Siráyáh se kahá, ki Jab tú Bábul meṉ pahuṉche, to in sab bátoṉ ko paṛhná,
62
aur kahná, Ai Ḳhudáwand, tú ne is jagah kí barbádí kí bábat farmáyá hai, ki Maiṉ us ko nest karúṉgá, aisá ki koí us meṉ na base, na insán na haiwán; par hamesha wírán rahe.
63
Aur jab tú is kitáb ko paṛh chuke, to ek patthar is se báṉdhná, aur Furát meṉ pheṉk dená:
64
aur kahná, Bábul isí tarah ḍúb jáegá, aur us musíbat ke sabab se jo maiṉ us par ḍál dúṉgá phir na uṭhegá: aur wuh mánda hoṉge. Yarmiyáh kí báteṉ yaháṉ tak haiṉ.
← Chapter 50
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 52 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52