bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Jeremiah 4
Jeremiah 4
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 5 →
1
Ai Isráíl, agar tú wápas áe, Ḳhudáwand farmátá hai, agar tú merí taraf wápas áe: aur apní makrúhát ko merí nazar se dúr kare, to tú áwára na hogá;
2
aur agar tú sachcháí aur ‘adálat aur sadáqat se zinda Ḳhudáwand kí qasam kháe, to qaumeṉ us ke sabab se apne áp ko mubárak kaheṉgí, aur us par faḳhr kareṉgí.
3
Kyúṉki Ḳhudáwand Yahúdáh aur Yarúshalem ke logoṉ ko yúṉ farmátá hai, ki Apní uftáda zamín par hal chaláo, aur káṉṭoṉ meṉ tuḳhmrezí na karo.
4
Ai Yahúdáh ke logo, aur Yarúshalem ke báshindo, Ḳhudáwand ke liye apná ḳhatna karáo; háṉ, apne dil ká ḳhatna karo: tá na ho, ki tumhárí bada‘málí ke bá‘is se merá qahr ág kí mánind shu‘lazan ho, aur aisá bhaṛke ki koí bujhá na sake.
5
Yahúdáh meṉ ishtihár do, aur Yarúshalem meṉ is kí manádí karo; aur kaho, ki Tum mulk meṉ narsingá phúṉko: baland áwáz se pukáro, aur kaho, ki Jama‘ ho, ki hasín shahroṉ meṉ chaleṉ.
6
Tum Siyyún hí meṉ jhanḍá khaṛá karo: panáh lene ko bhágo, aur der na karo: kyúṉki maiṉ balá aur halákat i shadíd ko shimál kí taraf se látá húṉ.
7
Sher i babar jháṛiyoṉ se niklá hai, aur qaumoṉ ke halák karnewále ne kúch kiyá hai; wuh apní jagah se niklá hai ki terí zamín ko wírán kare, táki tere shahr wírán hoṉ, aur koí basnewálá na rahe.
8
Is liye ṭáṭ oṛhkar chhátí píṭo, aur wáwailá karo: kyúṉki Ḳhudáwand ká qahr i shadíd ham par se ṭal nahíṉ gayá.
9
Aur Ḳhudáwand farmátá hai, Us waqt yúṉ hogá, ki bádsháh aur sardár bedil ho jáeṉge, aur káhin hairatzada aur nabí sarásíma hoṉge.
10
Tab maiṉ ne kahá, Afsos ai Ḳhudáwand Ḳhudá: yaqínan tú ne in logoṉ aur Yarúshalem ko yih kahkar dagá dí, ki Tum salámat rahoge; háláṉki talwár ján tak pahuṉch gayí hai.
11
Us waqt in logoṉ aur Yarúshalem se yih kahá jáegá, ki Biyábán ke paháṛoṉ par se ek ḳhushk hawá merí duḳhtar i qaum kí taraf chalegí, usáne aur sáf karne ke liye nahíṉ;
12
balki waháṉ se ek niháyat tund hawá mere liye chalegí: ab maiṉ bhí un par fatwá dúṉgá.
13
Dekho, wuh ghaṭá kí tarah chaṛh áegá: us ke rath girdbád kí mánind, aur us ke ghoṛe ‘uqáboṉ se teztar haiṉ. Ham par afsos, ki háe, ham g̣árat ho gaye.
14
Ai Yarúshalem, tú apne dil ko sharárat se pák kar, táki tú riháí páe. Bure ḳhayálát kab tak tere dil meṉ raheṉge?
15
Kyúṉki Dán se ek áwáz átí hai, aur Ifráím ke paháṛ se musíbat kí ḳhabar detí hai:
16
qaumoṉ ko ḳhabar do; dekho, Yarúshalem kí bábat manádí karo, ki muhásara karnewále dúr ke mulk se áte haiṉ, aur Yahúdáh ke shahroṉ ke muqábil lalkáreṉge.
17
Khet ke rakhwáloṉ kí mánind wuh use chároṉ taraf se ghereṉge; kyúṉki us ne mujh se bag̣áwat kí, Ḳhudáwand farmátá hai.
18
Terí chál aur tere kámoṉ se yih musíbat tujh par átí hai; yih terí sharárat hai; yih bahut talḳh hai, kyúṉki yih tere dil tak pahuṉch gayí hai.
19
Háe, merá dil! mere parda e dil meṉ dard hai; merá dil betáb hai; maiṉ chup nahíṉ rah saktá; kyúṉki, ai merí ján, tú ne narsinge kí áwáz aur laṛáí kí lalkár sun lí hai.
20
Shikast par shikast kí ḳhabar átí hai; yaqínan tamám mulk barbád ho gayá: mere ḳhaime nágahán aur mere parde ek dam meṉ g̣árat kiye gaye.
21
Maiṉ kab tak yih jhanḍá dekhúṉ, aur narsinge kí áwáz sunúṉ?
22
Fi’lhaqíqat mere log ahmaq haiṉ, unhoṉ ne mujhe nahíṉ pahcháná; wuh beshu‘úr bachche haiṉ, aur imtiyáz nahíṉ rakhte: bure kám karne meṉ hoshyár haiṉ, par nekokárí kí samajh nahíṉ rakhte.
23
Maiṉ ne zamín par nazar kí, aur kyá dekhtá húṉ, kí wírán aur sunsán hai; aflák ko bhí benúr páyá.
24
Maiṉ ne paháṛoṉ par nigáh kí, aur kyá dekhtá húṉ, ki wuh káṉp gaye, aur sab ṭíle mutazalzal ho gaye.
25
Maiṉ ne nazar kí, aur kyá dekhtá húṉ, ki koí ádmí nahíṉ, aur sab hawáí parande uṛ gaye.
26
Phir maiṉ ne nazar kí, aur kyá dekhtá húṉ, ki zarḳhez zamín biyábán ho gayí, aur us ke sab shahr Ḳhudáwand kí huzúrí aur us ke qahr kí shiddat se barbád ho gaye.
27
Kyúṉki Ḳhudáwand farmátá haí, ki Tamám mulk wírán hogá; taubhí maiṉ use bi’lkull barbád na karúṉgá.
28
Isí liye zamín mátam karegí, aur úpar se ásmán tárík ho jáegá: kyúṉki maiṉ kah chuká, maiṉ ne iráda kiyá hai, maiṉ us se pashemán na húṉgá, aur us se báz na áúṉgá.
29
Sawároṉ aur tírandázoṉ ke shor se tamám shahrí bhág jáeṉge; wuh ghane jangaloṉ meṉ já ghuseṉge, aur chaṭánoṉ par chaṛh jáeṉge: sab shahr tark kiye jáeṉge, aur koí ádmí un meṉ na rahegá.
30
Tab ai g̣áratshuda, tú kyá karegí? agarchi tú lál joṛá pahine, agarchi tú zarrín zewaroṉ se árásta ho, agarchi tú apní áṉkhoṉ meṉ surma lagáe, tú ‘abas apne áp ko ḳhúbsúrat banáegí; tere ‘áshiq tujh ko haqír jáneṉge, wuh terí ján ke tálib hoṉge.
31
Kyúṉki maiṉ ne us ‘aurat kí sí áwáz suní hai, jise dard lage hoṉ: aur us kí sí dardnák áwáz jis ke pahlá bachcha paidá ho, ya‘ní duḳhtar i Siyyún kí áwáz jo háṉptí aur apne háth phailákar kahtí hai, Háe! qatíloṉ ke sámne merí ján betáb hai.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52