bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Jeremiah 52
Jeremiah 52
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 51
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
1
Jab Sidqiyáh saltanat karne lagá, to ikkís baras ká thá; aur us ne gyárah baras Yarúshalem meṉ saltanat kí: aur us kí máṉ ká nám Hamútal thá, jo Libnáhí Yarmiyáh kí beṭí thí.
2
Aur jo kuchh Yahúyaqím ne kiyá thá, usí ke mutábiq us ne bhí Ḳhudáwand kí nazar meṉ badí kí.
3
Kyúṉki Ḳhudáwand ke g̣azab ke sabab se Yarúshalem aur Yahúdáh kí yih naubat áí, ki áḳhir us ne un ko apne huzúr se dúr hí kar diyá: aur Sidqiyáh sháh i Bábul se munharif ho gayá.
4
Aur us kí saltanat ke nauweṉ baras ke dasweṉ mahíne ke dasweṉ din yúṉ húá, ki sháh i Bábul Nabúkadrazar ne apní sárí fauj samet Yarúshalem par chaṛháí kí, aur us ke muqábil ḳhaimazan húá; aur unhoṉ ne us ke muqábil hasár banáe.
5
Aur Sidqiyáh bádsháh kí saltanat ke gyárahweṉ baras tak shahr ká muhásara rahá.
6
Aur chauthe mahíne ke nauweṉ din se shahr meṉ kál aisá saḳht ho gayá, ki mulk ke logoṉ ke liye ḳhurish na rahí.
7
Tab shahrpanáh meṉ raḳhna ho gayá, aur donoṉ díwároṉ ke darmiyán, jo pháṭak sháhí bág̣ ke barábar thá, us se sab jangí mard rát hí rát bhág gaye (is waqt Kasdí shahr ko ghere húe the) aur biyábán kí ráh lí.
8
Lekin Kasdíoṉ kí fauj ne bádsháh ká píchhá kiyá, aur use Yaríhú ke maidán meṉ já liyá; aur us ká sárá lashkar us ke pás se paráganda ho gayá thá.
9
So wuh bádsháh ko pakaṛkar Riblah meṉ sháh i Bábul ke pás Hamát ke ‘iláqe meṉ le gaye; aur us ne Sidqiyáh par fatwá diyá.
10
Aur sháh i Bábul ne Sidqiyáh ke beṭoṉ ko us kí áṉkhoṉ ke sámne zabh kiyá: aur Yahúdáh ke sab umará ko bhí Riblah meṉ qatl kiyá.
11
Aur us ne Sidqiyáh kí áṉkheṉ nikál ḍálíṉ; aur sháh i Bábul us ko zanjíroṉ se jakaṛkar Bábul ko le gayá, aur us ke marne ke din tak use qaidḳháne meṉ rakkhá.
12
Aur sháh i Bábul Nabúkadrazar ke ‘ahd ke unnísweṉ baras ke páṉchweṉ mahíne ke dasweṉ din jilaudároṉ ká sardár Nabúzarádán, jo sháh i Bábul ke huzúr meṉ khaṛá rahtá thá, Yarúshalem meṉ áyá:
13
us ne Ḳhudáwand ká ghar aur bádsháh ká qasr aur Yarúshalem ke sab ghar, ya‘ní har ek baṛá ghar, ág se jalá diyá.
14
Aur Kasdíoṉ ke sáre lashkar ne, jo jilaudároṉ ke sardár ke hamráh thá, Yarúshalem kí fasíl ko chároṉ taraf se girá diyá.
15
Aur báqí logoṉ aur muhtájoṉ ko, jo shahr meṉ rah gaye the, aur un ko jinhoṉ ne apnoṉ ko chhoṛkar sháh i Bábul kí panáh lí thí, aur awámm meṉ se jitne báqí rah gaye the, un sab ko Nabúzarádán jilaudároṉ ká sardár asír karke le gayá.
16
Par jilaudároṉ ká sardár Nabúzarádán ne mulk ke kaṉgáloṉ ko rahne diyá, táki khetí aur tákistánoṉ kí bág̣bání kareṉ.
17
Aur pítal ke un sutúnoṉ ko, jo Ḳhudáwand ke ghar meṉ the, aur kursíoṉ ko, aur pítal ke baṛe hauz ko, jo Ḳhudáwand ke ghar meṉ thá, Kasdíoṉ ne toṛkar ṭukṛe ṭukṛe kiyá, aur un ká sab pítal Bábul ko le gaye.
18
Aur degeṉ, aur belche, aur gulgír, aur lagan, aur chamche, aur pítal ke tamám bartan, jo waháṉ kám áte the, le gaye.
19
Aur básan aur angíṭhiyáṉ aur lagan, aur degeṉ, aur sham‘adán, aur chamche aur piyále; g̣araz jo sone ke the, un ke sone ko, aur jo chándí ke the, un kí chándí ko, jilaudároṉ ká sardár le gayá.
20
Wuh do sutún, aur wuh baṛá hauz, aur wuh pítal ke bárah bail jo kursíoṉ ke níche the, jin ko Sulaimán bádsháh ne Ḳhudáwand ke ghar ke liye banáyá thá: in sab chízoṉ ke pítal ká wazn behisáb thá.
21
Har sutún aṭhárah háth úṉchá thá; aur bárah háth ká sút us ke girdágird átá thá; aur wuh chár ungal moṭá thá: yih khokhlá thá.
22
Aur us ke úpar pítal ká ek táj thá; aur wuh táj páṉch háth baland thá, us táj par girdágird jáliyáṉ, aur anár kí kaliyáṉ, sab pítal kí baní húí thíṉ: aur dúsre sutún ke lawázim bhí jálí samet in hí kí tarah the.
23
Aur chároṉ hawáoṉ ke ruḳh anár kí kaliyáṉ chhiyánauwe thíṉ; aur girdágird jáliyoṉ par ek sau thíṉ.
24
Aur jilaudároṉ ke sardár ne Siráyáh sardár káhin ko aur káhin i sání Safaniyáh ko, aur tínoṉ darbánoṉ ko pakaṛ liyá:
25
aur us ne shahr meṉ se ek sardár ko pakaṛ liyá, jo jangí mardoṉ par muqarrar thá, aur jo log bádsháh ke huzúr házir rahte the, un meṉ se sát ádmíoṉ ko jo shahr meṉ mile; aur lashkar ke sardár ke muharrir ko jo ahl i mulk kí maujúdát letá thá; aur mulk ke ádmíoṉ meṉ se sáṭh ádmíoṉ ko jo shahr meṉ mile.
26
In ko jilaudároṉ ká sardár Nabúzarádán pakaṛkar sháh i Bábul ke huzúr Riblah meṉ le gayá.
27
Aur sháh i Bábul ne Hamát ke ‘iláqe ke Riblah meṉ in ko qatl kiyá. So Yahúdáh apne mulk se asír hokar chalá gayá.
28
Yih wuh log haiṉ jin ko Nabúkadrazar asír karke le gayá: sátweṉ baras meṉ tín hazár teís Yahúdí:
29
Nabúkadrazar ke aṭhárahweṉ baras meṉ wuh Yarúshalem ke báshindoṉ meṉ se áṭh sau battís ádmí asír karke le gayá:
30
Nabúkadrazar ke teísweṉ baras meṉ jilaudároṉ ká sardár Nabúzarádán sát sau paiṉtálís ádmí Yahúdíoṉ meṉ se pakaṛkar le gayá: yih sab ádmí chár hazár chha sau the.
31
Aur Yahúyákín sháh i Yahúdáh kí asírí ke saiṉtísweṉ baras ke bárahweṉ mahíne ke pachchísweṉ din yúṉ húá, ki sháh i Bábul Awíl Marúdak ne apní saltanat ke pahle sál Yahúyákín sháh i Yahúdáh ko qaidḳháne se nikálkar sarfaráz kiyá;
32
aur us ke sáth mihrbání se báteṉ kíṉ, aur us kí kursí un sab bádsháhoṉ kí kursíoṉ se, jo us ke sáth Bábul meṉ the, baland kí.
33
Wuh apne qaidḳháne ke kapṛe badalkar ‘umr bhar barábar us ke huzúr kháná khátá rahá.
34
Aur us ko ‘umr bhar, ya‘ní marne tak, sháh i Bábul kí taraf se wazífa ke taur par har roz rasad miltí rahí.
← Chapter 51
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52