bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Jeremiah 7
Jeremiah 7
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 8 →
1
Yih wuh kalám hai, jo Ḳhudáwand kí taraf se Yarmiyáh par názil húá, aur us ne farmáyá,
2
Tú Ḳhudáwand ke ghar ke pháṭak par khaṛá ho, aur waháṉ is kalám ká ishtihár de, aur kah, Ai Yahúdáh ke sab logo, jo Ḳhudáwand kí ‘ibádat ke liye in pháṭakoṉ se dáḳhil hote ho, Ḳhudáwand ká kalám suno.
3
Rabb u’l afwáj, Isráíl ká Ḳhudá, yúṉ farmátá hai, ki Apní rawisheṉ aur apne a‘mál durust karo, to maiṉ tum ko is makán meṉ basáúṉgá.
4
Jhúṭhí bátoṉ par bharosá na karo, aur yúṉ na kahte jáo, ki Yih hai Ḳhudáwand kí haikal, Ḳhudáwand kí haikal, Ḳhudáwand kí haikal.
5
Kyúṉki agar tum apní rawisheṉ aur apne a‘mál sarásar durust karo; agar har ádmí aur us ke hamsáye meṉ púrá insáf karo;
6
agar pardesí aur yatím aur bewa par zulm na karo, aur is makán meṉ begunáh ká ḳhún na baháo, aur g̣airma‘búdoṉ kí pairawí jis meṉ tumhárá nuqsán hai na karo:
7
to maiṉ tum ko is makán meṉ aur is mulk meṉ basáúṉgá, jo maiṉ ne tumháre bápdádá ko qadím se hamesha ke liye diyá.
8
Dekho, tum jhúṭhí bátoṉ par, jo befáida haiṉ, bharosá karte ho.
9
Kyá tum chorí karoge, ḳhún karoge, zinákárí karoge, jhúṭhí qasam kháoge, aur Ba‘l ke liye baḳhúr jaláoge, aur g̣airma‘búdoṉ kí, jin ko tum nahíṉ jánte the, pairawí karoge,
10
aur mere huzúr is ghar meṉ, jo mere nám se kahlátá hai, ákar khaṛe hoge, aur kahoge, ki Ham ne ḳhalásí páí; táki yih sab nafratí kám karo?
11
Kyá yih ghar jo mere nám se kahlátá hai, tumhárí nazar meṉ ḍákúoṉ ká g̣ár ban gayá? Dekh, Ḳhudáwand farmátá hai, maiṉ ne ḳhud yih dekhá hai.
12
Pas, ab mere us makán ko jáo, jo Sailá meṉ thá, jis par pahle maiṉ ne apne nám ko qáim kiyá thá, aur dekho ki maiṉ ne apne logoṉ ya‘ní baní Isráíl kí sharárat ke sabab se us se kyá kiyá.
13
Aur Ḳhudáwand farmátá hai, Ab chúṉki tum ne yih sab kám kiye, maiṉ ne bar waqt tum ko kahá, aur tákíd kí, par tum ne na suná; aur maiṉ ne tum ko buláyá, par tum ne jawáb na diyá:
14
is liye maiṉ is ghar se, jo mere nám se kahlátá hai, jis par tumhárá i‘timád hai, aur is makán se jise maiṉ ne tum ko aur tumháre bápdádá ko diyá, wuhí karúṉgá jo maiṉ ne Sailá se kiyá hai.
15
Aur maiṉ tum ko apne huzúr se nikál dúṉgá, jis tarah tumhárí sárí birádarí Ifráím kí kull nasl ko nikál diyá hai.
16
Pas tú in logoṉ ke liye du‘á na kar, aur in ke wáste áwáz baland na kar, aur mujh se minnat aur shafá‘at na kar: kyúṉki maiṉ terí na sunúṉgá.
17
Kyá tú nahíṉ dekhtá, ki wuh Yahúdáh ke shahroṉ meṉ aur Yarúshalem ke kúchoṉ meṉ kyá karte haiṉ?
18
Bachche lakṛí jama‘ karte haiṉ, aur báp ág sulgáte haiṉ, aur ‘aurateṉ áṭá gúṉdhtí haiṉ, táki ásmán kí malika ke liye roṭiyáṉ pakáeṉ, aur g̣airma‘búdoṉ ke liye tapáwan tapákar mujhe g̣azabnák kareṉ.
19
Ḳhudáwand farmátá hai, Kyá wuh mujh hí ko g̣azabnák karte haiṉ? kyá wuh apní hí rúsiyáhí ke liye nahíṉ karte?
20
Isí wáste Ḳhudáwand Ḳhudá yúṉ farmátá hai, ki Dekh, merá qahr o g̣azab is makán par, aur insán aur haiwán, aur maidán ke daraḳhtoṉ par, aur zamín kí paidáwár par unḍel diyá jáegá: aur wuh bhaṛkegá, aur bujhegá nahíṉ.
21
Rabb u’l afwáj, Isráíl ká Ḳhudá, yúṉ farmátá hai: ki Apne zabíhoṉ par apní soḳhtaní qurbáníáṉ bhí baṛháo, aur gosht kháo.
22
Kyúṉki jis waqt maiṉ tumháre bápdádá ko mulk i Misr se nikál láyá, un ko soḳhtaní qurbání aur zabíhe kí bábat kuchh nahíṉ kahá, aur hukm nahíṉ diyá:
23
balki maiṉ ne un ko yih hukm diyá, aur farmáyá, ki Merí áwáz ke shanawá ho, aur maiṉ tumhárá Ḳhudá húṉgá, aur tum mere log hoge: aur jis ráh ki maiṉ tum ko hidáyat karúṉ, us par chalo, táki tumhárá bhalá ho.
24
Lekin unhoṉ ne na suná, na kán lagáyá, balki apní maslahatoṉ aur apne bure dil kí saḳhtí par chale, aur bargashta húe, aur áge na baṛhe.
25
Jab se tumháre bápdádá mulk i Misr se nikal áe, ab tak maiṉ ne tumháre pás apne sab ḳhádimoṉ ya‘ní nabíoṉ ko bhejá, maiṉ ne un ko hamesha bar waqt bhejá:
26
lekin unhoṉ ne merí na suní, aur kán na lagáyá, balki apní gardan saḳht kí: unhoṉ ne apne bápdádá se baṛhkar buráí kí.
27
Tú yih sab báteṉ un se kahegá; lekin wuh terí na suneṉge: tú un ko buláegá, lekin wuh tujhe jawáb na deṉge.
28
Pas tú un se kah de, ki Yih wuh qaum hai, jo Ḳhudáwand apne Ḳhudá kí áwáz kí shanawá aur tarbiyatpazír na húí: sachcháí nest ho gayí, aur un ke muṉh se játí rahí.
29
Apne bál káṭkar pheṉk de, aur paháṛoṉ par jákar nauha kar; kyúṉki Ḳhudáwand ne un logoṉ ko, jin par us ká qahr hai, radd aur tark kar diyá hai.
30
Is liye ki baní Yahúdáh ne merí nazar meṉ buráí kí, Ḳhudáwand farmátá hai: unhoṉ ne us ghar meṉ jo mere nám se kahlátá hai apní makrúhát rakkhíṉ, táki use nápák kareṉ.
31
Aur unhoṉ ne Túfat ke úṉche maqám Bin Hinnúm kí wádí meṉ banáe, táki apne beṭoṉ aur beṭiyoṉ ko ág meṉ jaláeṉ; jis ká maiṉ ne hukm nahíṉ diyá, aur mere dil meṉ is ká ḳhayál bhí na áyá thá.
32
Is liye, Ḳhudáwand farmátá hai dekh, wuh din áte haiṉ, ki yih na Túfat kahláegí, na Bin Hinnúm kí wádí, balki Wádí e qatl: aur jagah na hone ke sabab se Túfat meṉ dafn kareṉge.
33
Aur is qaum kí lásheṉ hawáí parandoṉ aur zamín ke darandoṉ kí ḳhurák hoṉgí: aur un ko koí na haṉkáegá.
34
Tab maiṉ Yahúdáh ke shahroṉ meṉ aur Yarúshalem ke bázároṉ meṉ ḳhushí aur shádmání kí áwáz, dulhe aur dulhan kí áwáz, mauqúf karúṉgá: kyúṉki yih mulk wírán ho jáegá.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52