bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Jeremiah 31
Jeremiah 31
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 32 →
1
Ḳhudáwand farmátá hai, Maiṉ us waqt Isráíl ke sab gharánoṉ ká Ḳhudá húṉgá, aur wuh mere log hoṉge.
2
Ḳhudáwand yúṉ farmátá hai, ki Isráíl meṉ se jo log talwár se bache jab wuh ráhat kí talásh meṉ gaye, to biyábán meṉ maqbúl ṭhahre.
3
Ḳhudáwand qadím se mujh par záhir húá, aur kahá, ki Maiṉ ne tujh se abadí mahabbat rakkhí: isí liye maiṉ ne apní shafaqat tujh par baṛháí.
4
Ai Isráíl kí kuṉwárí, maiṉ tujhe phir ábád karúṉgá, aur tú ábád ho jáegí: tú phir daf uṭhákar árásta hogí, aur ḳhushí karnewáloṉ ke nách meṉ shámil hone ko niklegí.
5
Tú phir Sámariya ke paháṛoṉ par tákistán lagáegí: bág̣ lagánewále lagáeṉge, aur us ká phal kháeṉge.
6
Kyúṉki ek din áegá, ki Ifráím kí paháṛiyoṉ par nigahbán pukáreṉge, ki Uṭho, ham Siyyún par Ḳhudáwand apne Ḳhudá ke huzúr chaleṉ.
7
Kyúṉki Ḳhudáwand yúṉ farmátá hai, ki Ya‘qúb ke liye ḳhushí se gáo, aur qaumoṉ kí sartáj ke liye lalkáro: manádí karo, hamd karo, aur kaho, Ai Ḳhudáwand, apne logoṉ ko ya‘ní Isráíl ke baqiye ko bachá.
8
Dekho, maiṉ shimálí mulk se un ko láúṉgá, aur zamín kí sarhaddoṉ se un ko jama‘ karúṉgá, aur un meṉ andhe aur laṉgṛe aur hámila aur zachcha sab hoṉge: un kí baṛí jamá‘at yaháṉ wápas áegí.
9
Wuh rote aur munáját karte húe áeṉge, maiṉ un kí rahbarí karúṉgá: maiṉ un ko pání kí nadiyoṉ kí taraf ráh i rást par chaláúṉgá, jis meṉ wuh ṭhokar na kháeṉge; kyúṉki maiṉ Isráíl ká báp húṉ, aur Ifráím merá pahlauṭhá hai.
10
Ai qaumo, Ḳhudáwand ká kalám suno, aur dúr ke jazíroṉ meṉ manádí karo; aur kaho, ki Jis ne Isráíl ko tittar bittar kiyá, wuhí use jama‘ karegá, aur us kí aisí nigahbání karegá, jaisí gaḍariyá apne galle kí.
11
Kyúṉki Ḳhudáwand ne Ya‘qúb ká fidya diyá hai, aur use us ke háth se jo us se zoráwar thá riháí baḳhshí hai.
12
Pas wuh áeṉge aur Siyyún kí choṭí par gáeṉge, aur Ḳhudáwand kí ni‘matoṉ ya‘ní ánáj, aur mai, aur tel, aur gáe bail ke, aur bheṛ bakrí ke bachchoṉ kí taraf ikaṭṭhe rawáṉ hoṉge: aur un kí ján seráb bág̣ kí mánind hogí; aur wuh phir kabhí g̣amzada na hoṉge.
13
Us waqt kuṉwáriyáṉ aur pír o jawán ḳhushí se raqs kareṉge: kyúṉki maiṉ un ke g̣am ko ḳhushí se badal dúṉgá, aur un ko tasallí dekar g̣am ke ba‘d shádmán karúṉgá.
14
Aur maiṉ káhinoṉ kí ján ko chiknáí se ser karúṉgá, aur mere log merí ni‘matoṉ se ásúda hoṉge, Ḳhudáwand farmátá hai.
15
Ḳhudáwand yúṉ farmátá hai, ki Rámah meṉ ek áwáz sunáí dí, nauha aur zár zár roná, Ráḳhil apne bachchoṉ ko ro rahí hai; wuh apne bachchoṉ kí bábat tasallípazír nahíṉ hotí, kyúṉki wuh nahíṉ haiṉ.
16
Ḳhudáwand yúṉ farmátá hai, ki Apní zárí kí áwáz ko rok, aur apní áṉkhoṉ ko áṉsúoṉ se báz rakh: kyúṉki terí mihnat ke liye ajr hai, Ḳhudáwand farmátá hai; aur wuh dushman ke mulk se wápas áeṉge.
17
Aur Ḳhudáwand farmátá hai, Terí ‘áqibat kí bábat ummed hai, kyúṉki tere bachche phir apní hudúd meṉ dáḳhil hoṉge.
18
Fi’lhaqíqat maiṉ ne Ifráím ko apne áp par yúṉ mátam karte suná, ki Tú ne mujhe tambíh kí, aur maiṉ ne us bachhṛe kí mánind jo sadháyá nahíṉ gayá, tambíh páí: tú mujhe pher, to maiṉ phirúṉgá; kyúṉki tú hí merá Ḳhudáwand Ḳhudá hai.
19
Kyúṉki phirne ke ba‘d maiṉ ne tauba kí; aur tarbiyat páne ke ba‘d maiṉ ne apní rán par háth márá: maiṉ sharminda, balki pareshán i ḳhátir húá, is liye ki maiṉ ne apní jawání kí malámat uṭháí thí.
20
Kyá Ifráím merá piyárá beṭá hai? kyá wuh pasandída farzand hai? kyúṉki jab jab maiṉ us ke ḳhiláf kuchh kahtá húṉ, to use jí ján se yád kartá húṉ: is liye merá dil us ke liye betáb hai; maiṉ yaqínan us par rahmat karúṉgá, Ḳhudáwand farmátá hai.
21
Apne liye sutún khaṛe kar, apne liye ḳhambhe baná: us sháhráh par dil lagá, háṉ, usí ráh se jis se tú gayí thí wápas á: ai Isráíl kí kuṉwárí, apne in shahroṉ meṉ wápas á.
22
Ai bargashta beṭí, tú kab tak áwára phiregí? kyúṉki Ḳhudáwand ne zamín par ek nayí chíz paidá kí hai, ki ‘aurat mard kí himáyat karegí.
23
Rabb u’l afwáj, Isráíl ká Ḳhudá, yúṉ farmátá hai, ki Jab maiṉ un ke asíroṉ ko wápas láúṉgá, to wuh Yahúdáh ke mulk aur us ke shahroṉ meṉ phir yúṉ kaheṉge, Ai sadáqat ke maskan, ai koh i muqaddas, Ḳhudáwand tujhe barakat baḳhshe.
24
Aur Yahúdáh aur us ke sab shahr us meṉ ikaṭṭhe sukúnat kareṉge; kisán aur wuh jo galle liye phirte haiṉ.
25
Kyúṉki maiṉ ne thakí ján ko ásúda, aur har g̣amgín rúh ko ser kiyá hai.
26
Ab maiṉ ne bedár hokar nigáh kí; aur merí níṉd mere liye míṭhí thí.
27
Dekho, wuh din áte haiṉ, Ḳhudáwand farmátá hai, jab maiṉ Isráíl ke ghar meṉ aur Yahúdáh ke ghar meṉ insán ká bíj aur haiwán ká bíj boúṉgá.
28
Aur Ḳhudáwand farmátá hai, Jis tarah maiṉ ne un kí ghát meṉ baiṭhkar un ko ukháṛá, aur ḍháyá, aur giráyá, aur barbád kiyá, aur dukh diyá: usí tarah maiṉ nigahbání karke un ko banáúṉgá aur lagáúṉgá.
29
Un aiyám meṉ phir yúṉ na kaheṉge, ki Bápdádá ne kachche angúr kháe, aur aulád ke dáṉt khaṭṭe ho gaye.
30
Kyúṉki har ek apní hí badkirdárí ke sabab se maregá: har ek jo kachche angúr khátá hai, usí ke dáṉt khaṭṭe hoṉge.
31
Dekh, wuh din áte haiṉ, Ḳhudáwand farmátá hai, jab maiṉ Isráíl ke gharáne aur Yahúdáh ke gharáne ke sáth nayá ‘ahd báṉdhúṉgá:
32
us ‘ahd ke mutábiq nahíṉ jo maiṉ ne un ke bápdádá se kiyá, jab maiṉ ne un kí dastgírí kí, táki un ko mulk i Misr se nikál láúṉ; aur unhoṉ ne mere us ‘ahd ko toṛá, agarchi maiṉ un ká málik thá, Ḳhudáwand farmátá hai.
33
Balki yih wuh ‘ahd hai, jo maiṉ un dinoṉ ke ba‘d Isráíl ke gharáne se báṉdhúṉgá, Ḳhudáwand farmátá hai; maiṉ apní sharí‘at un ke bátin meṉ rakkhúṉgá, aur un ke dil par use likhúṉgá: aur maiṉ un ká Ḳhudá húṉgá, aur wuh mere log hoṉge:
34
aur wuh phir apne apne paṛausí aur apne apne bháí ko yih kahkar ta‘lím nahíṉ deṉge, ki Ḳhudáwand ko pahcháno: kyúṉki chhoṭe se baṛe tak wuh sab mujhe jáneṉge, Ḳhudáwand farmátá hai: is liye ki maiṉ un kí badkirdárí ko baḳhsh dúṉgá, aur un ke gunáh ko yád na karúṉgá.
35
Ḳhudáwand jis ne din kí raushní ke liye súraj ko muqarrar kiyá, aur jis ne rát kí raushní ke liye chánd aur sitároṉ ká nizám qáim kiyá, jo samundar ko maujzan kartá hai, jis se us kí lahreṉ shor kartí haiṉ, yúṉ farmátá hai; us ká nám Rabb u’l afwáj hai.
36
Ḳhudáwand farmátá hai, Agar yih nizám mere huzúr se mauqúf ho jáe, to Isráíl kí nasl bhí mere sámne se játí rahegí, ki hamesha tak phir qaum na ho.
37
Ḳhudáwand yúṉ farmátá hai, kí Agar koí úpar ásmán ko náp sake, aur níche zamín kí bunyád ká patá lagá le, to maiṉ bhí baní Isráíl ko un ke sab a‘mál ke sabab se radd kar dúṉgá, Ḳhudáwand farmátá hai.
38
Dekh, wuh din áte haiṉ, Ḳhudáwand farmátá hai, ki yih shahr Hananel ke burj se kone ke pháṭak tak Ḳhudáwand ke liye ta‘mír kiyá jáegá.
39
Aur phir jaríb sídhí koh i Járeb par se hotí húí Jo‘átah ko gher legí.
40
Aur láshoṉ aur rákh kí tamám wádí aur sab khet Qidron ke nále tak, aur ghoṛe pháṭak ke kone tak mashriq kí taraf Ḳhudáwand ke liye muqaddas hoṉge; phir wuh hamesha tak na kabhí ukháṛá, na giráyá jáegá.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52