Deuteronomy 34

Chinese TTVR (現代台語譯本羅馬字版)

← Chapter 33 Jump to:

1Mô͘-se tùi Mô͘-ap pêng-goân chiūⁿ Nî-pho-soaⁿ, kàu Iâ-lī-ko tùi-bīn ê Pí-su-ka soaⁿ-téng. Siōng Chú chiong choân-tōe hō͘ i khòaⁿ: Tùi Ki-lia̍t kàu Tān,

2Ná-hut-tha-lī tōe-khu, Í-hoat-liân kap Má-ná-se tōe-khu, Iû-tāi tōe-khu kàu Tōe-tiong-hái,

3lâm-pêng ê Nî-kek-hu, kap Chang-chhiū-siâⁿ Iâ-lī-ko ê pêng-goân, kàu Só-ní.

4Siōng Chú kā i kóng, “Chit-ê tōe sī góa tùi A-pek-la-hán, Í-sat, Ngá-kok li̍p-sè, èng-ún beh siúⁿ-sù in ê hō͘-tāi ê tōe. Taⁿ, góa hō͘ lí chhin-ba̍k khòaⁿ-tio̍h chit-ê tōe, m̄-kú lí bōe-tàng ji̍p-khì hia.”

5Chiàu Siōng Chú só͘ kóng, Siōng Chú ê po̍k-jîn Mô͘-se sí tī Mô͘-ap tōe-khu.

6Siōng Chú chiong i bâi-chòng tī Mô͘-ap tōe-khu, Pek Pí-ní tùi-bīn ê soaⁿ-kok; kàu kin-á-ji̍t bô lâng chai i bâi-chòng ê só͘-chāi.

7Mô͘-se sí ê sî chi̍t-pah jī-cha̍p hè, ba̍k-chiu bô hoe, cheng-le̍k bô soe-thè.

8Í-sek-lia̍t -lâng tī Mô͘-ap pêng-goân ūi-tio̍h Mô͘-se pi-siong ai-khàu móa saⁿ-cha̍p ji̍t.

9Lūn ê kiáⁿ Iok-su-a tit-tio̍h tì-hūi ê sîn chhiong-móa, in-ūi Mô͘-se bat kā i hōaⁿ-chhiú. Í-sek-lia̍t -lâng sūn-thàn Iok-su-a, chiàu Siōng Chú bēng-lēng Mô͘-se ê ōe chòe.

10Āu-lâi, Siōng Chú bô koh tī Í-sek-lia̍t -lâng ê tiong-kan heng-khí chhin-chhiūⁿ Mô͘-se ê sian-ti; Mô͘-se sī Siōng Chú bīn-tùi-bīn jīn-bat--ê.

11Siōng Chú chhe i tī Ai-ki̍p -tōe, tùi Hoat-ló kap lóng-chóng ê jîn-sîn, í-ki̍p Ai-ki̍p choân-tōe kiâⁿ chin chōe sîn-jiah kî-sū;

12koh tī Í-sek-lia̍t chèng-lâng ê ba̍k-chiu chêng, hō͘ i ū tōa khùi-la̍t chòe tōa koh thang-kiaⁿ ê sū.

← Chapter 33 Jump to: