bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Deuteronomy 2
Deuteronomy 2
Zande
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 3 →
1
“Si du ani ki sa tirani, ki ndu nunguro ku ngbakungba yo ngba gu gene ndu ku Zamba Baime yo, a wa Yekova agumba ha fere; ani ki nike pati Bagangara Seira tipa dungu arame.
2
Yekova ki gumba pai fere, ki ya,
3
‘Oni ke pati gi ringara abaagangara re tipa gbanga rago rengbe; oni ária tironi ku nodiyo.
4
Mo ki rugu aboro, niya, Oni nikasusa rogo bangbandarago nga ga awirinaroni nga awiri Esau, agu yo naraka Seira yo; ono i agúnde be roni. Si du oni bánda tironi;
5
ka oni só nga vura na yo ya; bambiko mi afú nga gayo ringara fu roni te; oó; ni wiri toni he wa gu nga gu ndu nduroni auru he te, bambiko mi fu Bagangara Seira fu Esau ni gako ũkumbo.
6
Oni angbé riahe be yo na kina marã, nga gu oni ka ri; oni angbé ime angbe a be vo ni marã a, nga gu oni ka mbira.
7
Bambiko Yekova gaoni Mbori fu maku fu roni rogo gaoni mangaapai dunduko nga ga beroni, ko mi pa gaoni ta rogo gi bakere ngbakungba re; agi agarã 40 re Yekova gaoni Mbori adu na oni; zingohe amanga nga roni wa sa te.’
8
Si du ani ki susi pati awirinaroni nangia awiri Esau nga agu yo naraka Seira yo, ti gene kpasakpasa rago Erata yo na Ezionagebere yo. “Ani ki aria tirani ki susi ngba gu gene ngbakungba du Moaba yo.
9
Yekova ki ya fere. ‘Ka mo fúdi nga aMoabo ya, ka mo sáki nga pa vura na yo a ya, bambiko mi afu nga gayo ringara foro mo di he te, bambiko mi fu Are fu awiri Roto ni gayo ũkumbo.’
10
AEmi naaraka yo mbata, nangia bakere aboro ni dungu yo, ni gbangagbanga yo wa kina aAnaka;
11
i niya ti yo aRefa a wa kina aAnaka, ono aMoabo naya ti yo aEmi.
12
AOri anaaraka Seira yo mbata a, ono awiri Esau ki di ba yo; ki gbarasi yo ku sa yo, ki niraki ku ba yo; a wa aYisaraere amangi fu gu ringara nga gayo, nga gu Yekova afu fu yo. Yekova ki ya,
13
‘Oni gúari awere, ki si ku mbiti gu wiridi yo nga Zerede.’ Si du ani ki si Zerede.
14
Were agu arame fuo guari ani Kadesa-baranea yo, daho ani asi wiridi Zerede ni, si adu wa garã 38, daho rikaaboro dunduko nga aborosovura anyasi ni dagba aboro bataya, a wa Yekova azunua he fu yo.
15
Ku ri agi apai re be Yekova adu na zinga kuti yo, ka gbarasa yo dagba aboro bataya, ki da ho i anyasi ni dunduko.
16
“Si du, ho aborosovura anyasi ni dunduko ki kpiki dagba aboro.
17
Yekova ki gumba pai fere, niya.
18
‘Oni sí Are ni gi uru re, nga bangbandarago nga ga aMoabo ringara.
19
Ono ho oni ka mbeda ni na bangbandarago ringara aAmono ka oni fúdi nga yo ya, ka oni só nga vura na yo a ya, bambiko mi afu nga gu ringara fu roni nga ga aAmono ni gaoni ũkumbo te; bambiko mi fu he fu awiri Roto ni gayo ũkumbo.’
20
I naya ti gu ringara re, ringara aRefa; aRefa naaraka yo mbata, ono aAmono naya ti yo aZamezuma,
21
ni bakere aboro ni dungu yo, ni gbangagbanga yo wa kina a Anaka; ono Yekova agbarasi yo barangba yo dũ. I ki di ba yo, ki niraki ku ba yo;
22
a wa Yekova amangi he tipa awiri Esau, naaraka Seira yo, ho ko agbarasi aOri ni barangba yo, i ki di ba yo, ki niraki ku ba yo daku areme.
23
AAvo naaraka rogo akporo ki da ku Gaza yo, aKafatora naaye Kafatora yo agbarasi yo, ki niraki ku ba yo Yekova ki ya,
24
‘Oni gúari ka ndu gaoni nunguro, ki susi rogo gu ngboongboorago nga Arenona. Oni ngére, mi fu Siona fu roni nga boro Amora nangia bakindo Esebona, na gako ringara a; oni tóna ka dia ha ni gaoni, ki so vura na ko.
25
Ni gu uru re mi abá kiki roni na gunde roni ti aboro nga agu yo du tii ngbangbaturũ no nikagia pande roni, ki nikio, ki du na fudifudipai be roni.’
26
“Mi akedi asunge ngbakungba Kedemota yo koyo du Siona ni nga bakindo Esebona na pa zereda, niya,
27
‘Mo ídi he fere mi susi rogo ga ringara; mi andú kina ngba bagene, mi asá nga tire ku kumbabe na ku garebe yo a te.
28
Mo abága riahe fere tipa kina marã a, mi ri he. Mo afú ime fere tipa kina marã a, mi mbiri he; ono mo ídi he fere mi susi ni kina ndure,
29
wa agu awiri Esau naaraka Seira yo, na agu aMoabo naaraka Are yo amangi fere; daho mi ka si Yaradene ni ku rogo gu ringara Yekova gaani Mbori nafu he fu rani.’
30
Ono Siona nga bakindo Esebona akpi nga nyemu ka ida ha fu rani ani susi pati ko te; bambiko Yekova gaani Mbori anyakasi toroko, ki nyakasi kpotoko yo a, ya ko afu ko ku be roni wa du he ti gi rago re.
31
Yekova ki ya fere, ‘Mo ngére, mi tona ka kusa Siona na gako ringara fu roni; oni tóna ka dia ha, oni ki di kumbo gako ringara.’
32
Si du Siona aye sa rani ti ni, ko na gako aboro dunduko, sa sovura ku Yasa yo.
33
Ono Yekova gaani Mbori atu ko ku be rani; ani ki ai be ko na be awiriko na gako aboro dũ.
34
Ani arogo gako abaakporo dunduko ni gu rago re, ki gbarasi agu abaakporo i araka rogo kpakaya, na akumba na ade na rukutu agude; ani ambu nga boro sa te;
35
kina zogozogo anya ani arogo ra ni zizi ane tipa rani, na gu gbugbu ahe ani arogo rogo abaakporo yo.
36
Yekova gaani Mbori akusi aboro fu rani dunduko ku barangba rani Aroere yo, nga gu du ti digida ngboo ngboorago Arenona, na ti gu bakporo du ngboongboorago yo, da kina ku Birada yo, a nga bakporo ho nadu ni bakere he susi fu rani te.
37
Ono oni ambeda nga na ringara awiri Amona sa te, si nga pavuru gu di dunduko nga Yaboka, na agu abaakporo du ringara abaagangara yo, yo Yekova gaani Mbori aza rani tipa ndu ku ho ni.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
Recommended Reading
Commentary
Deuteronomy Commentaries
→
Devotional
Deuteronomy Devotional Guide
→
Get This Bible
Zande Study Bible
→