Deuteronomy 26

Zande

← Chapter 25 Jump to: Chapter 27 →

1“Ho oni ka ye ni ku rogo gu ringara Yekova gaoni Mbori afu fu roni ni gaoni, ki di he, oni ki niraki yo,

2oni ki rogo bete gu bambata zuzu aũ gu ringara re ho oni ka dungura zuzuhe ni, nga ga gu ringara Yekova gaoni Mbori afu fu roni. Oni ki moi he ku baga yo, ka ndu na ni ku rogo gu ba Yekova gaoni Mbori ka sia ha rimoko du yo.

3Oni aniye koyo du gu boromotumo ni nga gu ni ka du ti gu rago re, ki ya fu ko wẽ, ‘Ani kusi pa ha areme fu Yekova gaoni Mbori, ya ani ye ku rogo gu ringara nga gu Yekova azunga he fu abarani tipa fu he fu rani.’

4Boromotumo anidi gu baga be roni re, ki moi he sande barangba bamotumo nga ga Yekova gaoni Mbori.

5“Oni ki nikaraga ha ki ya bara bangiri Yekova gaoni Mbori, ‘Boro Suria nambedi na kpio nangia barani. Ko andu ki da ku Ezioeta yo, ki sungu yo, i ange nga te; ko asa tiko yo ni rikaaboro, ni bahe, ni iraome, ki zuga azuga yo gbe.

6Ono aEzipeto amangi rani gbegberẽ ki rungosi rani gbe, ki moinyanyakisungeakangakurirani.

7Ani ki kpari fu Yekova ga abarani Mbori, Yekova ki gi fugorani, ki bi gaani rungo, na gaani mbugo, na gaani rungosiro;

8Yekova ki kusi rani Ezipeta yo ni nyanyaki beko, ni taã ko beko, na bakere iiriwopai, na ni yuguyuguhe na iiriwo yuguyugupai.

9Ono ko ye na ani ku rogo gi ba re, ki fu gi ringara re fu rani, gu ringara du adu na mamuanya na nzeine anyege kpaima.

10Awere, mo ngere, ani ye na bambata zuzuhe nga ga gu sende re, Ako Yekova gu fu mo fu rani.’ Oni ki nimoi he ku sande bara bangiri Yekova gaoni Mbori, ka fu irisa bara bangiri Yekova gaoni Mbori.

11Oni ki ningi mbiko gu wene ahe dunduko fu Yekova gaoni Mbori fu roni, na fu gaoni aborokporo, oni, na fu gu Revi na gu kungba boro ka du kpuroni yo.

12“Ho oni ka nidigisi pa fu gaoni sa dagba bawe ni nga ga agu ahe dunduko naida fu roni rogo biata garã, nga garã fu sa dagba bawe, oni ki nifu he fu aRevi, fu kungba aboro, fu awirinyaure, na fu adekurugbo a, ya i ri he ngbadimo kpuroni yo, ki mbiki.

13Oni ki niya ku bara bangiri Yekova gaoni Mbori wẽ, ‘Ani kusi kparakpara ahe ku sa yo kpurani no, ki fu he fu aRevi, fu kungba aboro, fu awirinyaure, na fu adekurugbo a, ku sangba ga rugute yo mo arugu rani kuti ni. Ani agu nga auru gu ndika sa dagba gamo arugute yo te, bangirani ago nga ti ni a te.

14Ani ari nga gu dagba ha yo rago gbigbitapai te, ani ambu nga gu dagba ha yo tipa bibiriko pai te, ani afu nga gu dagba ha yo tipa kangba boro a te. Ani adege turani sa fugo Yekova gaani Mbori, ani mangi he kina kuti gu pai dunduko mo arugu rani kuti ni.

15Mo rogo ga ziazia baraka ngbangbaturũ yo, mo ngere ku sende no, ka fu maku fu gamo aboro aYisaraere, na fu gu sende mo afu fu rani, a wa mo azunga he fu abarani, nga gu ringara du adu na mamuanya na nzeme anyege kpaima.’

16“Yekova gaoni Mbori rugu roni ni gi uru re, oni mángi gi rugaapai re na asaranabanga; si du oni ka ka kuti manga pa ha ti ni na kpotoroni yo dũ na mbisimoroni dũ.

17Ni gi uru re kusi oni pai fu Yekova ya ko du ni gaoni Mbori, ya oni apéka fuo gako apai, ka ka kuti gako rugaapai, na gako arugute, na gako asarangbanga, ki dege turoni sa fugoko.

18Yekova kusi pai fu roni areme ya oni du ni kikiipa aboro fu ko, wa ko akido he fu roni, ya oni ka ka kuti gako arugute dunduko.

19Ko amáa roni ku ri arikaaboro du nga agu yo ko amangi yo, rogo pa tambuahe, na rogo pa worimo, na rogo pa irisa; oni ki du ni kparakpara ziazia aboro fu Yekova gaoni Mbori, wa gumba ko ho.”

← Chapter 25 Jump to: Chapter 27 →