bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Joshua 10
Joshua 10
Zande
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
1
Ho bakindo Yerusarema agi he ni nangia Adoni-sedeke ya Yosua adi Ai, ki gbarasi he kpakaya; wa ko amangi he fu Yereo na gaha bakindo, kina wo ko amangi fu Ai na gaha bakindo; na wa aboro Gibona abi zereda be aYisaraere, ki sungu ku dagba yo;
2
ko ki gunde agunde bakere gbe, bambiko Gibona adu ni bakere bakporo, wa agu abaakporo nga ga abakindo, bambiko si adu ni bakere he ki susi Ai, agu aboro nadu yo ki du ni nyanyaki yo dunduko.
3
Si du Adoni-sedeke bakindo Yerusarema akedi sunge ti ni koyo du Oama ni bakindo Eburone, na koyo du Pirama ni bakindo Yaramuta, na koyo du Yabiya ni bakindo Rakisa, na koyo du Debiri ni bakindo Egerone, ki ya fu yo,
4
“Oni yé fuo re, ka unda re, ani gbárasi Gibona, bambiko i mbakadi pa zereda dagba yo na Yosua na awiri aYisaraere a.”
5
Si du agu abakindo aAmoro bisue re adungura tiyo ti ni, nga bakindo Yerusarema, na bakindo Eburone, na bakindo Yaramuta, na bakindo Rakisa, na bakindo Egerone, ki ndu, i na gayo rimbasa abasovura dunduko, ki zi bataya pati Gibona, ki niso vura kuti ni.
6
Aboro Gibona ki kedi sunge fuo Yosua ku bataya Girigara yo, ki ya “Ka bero rúngbura nga pati gamo amoyambu ya; oni yé fuo rani ni ipo, ka batasa rani, ki unda rani; bambiko agu abakindo aAmoro dunduko ninaraka rogo ringara abaagangara i dungura tiyo kuti rani.”
7
Si du Yosua aguari ti ni Girigara yo, ko na abasovura fuo ko dunduko, na nyanyaki aboro ni ngangarã yo dunduko a.
8
Yekova ki ya fu Yosua, “Ka mo gúnde nga be yo ya; bambiko mi fu yo ku be ro; boro adú nga dagba yo sa nikaru barangba ro te.”
9
Si du Yosua aye ti ni ki tunguo yo, bambiko ko aguari Girigara yo ki ndu yuru sasasa.
10
Yekova ki mangi yo barangba aYisaraere, ko ki imi yo aimo ni dungu yo Gibona yo, ki nido fuo yo ngba gu gene nandu ku ngbi yo ku Bete-orono yo, ki mangi yo amanga ki da ku Azeka yo, na ku Makeda yo a.
11
Ho i aoro ni barangba aYisaraere, wa i adu ngba gu gene guari Bete-orono yo, Yekova ki nimo ka bafa bakindigi morogumba ngbangbaturũ yo ku auru yo ki da ku Azeka yo, i ki kpiki be he. Agu yo nakpiki be morogumba i nange ti agu yo awiri aYisaraere aimi yo ni basape.
12
Yosua ki gumba pai fu Yekova ni gu uru Yekova afu aAmoro ku be awiri aYisaraere; ko ki ya ku bangiri aYisaraere, “Uru, mo rú aru zaa ku ri Gibona, na mo, Diwi, rogo gu ngboongboorago du Ayarona yo.”
13
Uru ki ru aru zaa, diwi ki ru a, da kina ho gu rikaaboro airi bape ni ti avurayo. Ati i ake pa ha rogo gu kitabu nga ga Yasara? Uru aru zaa ku bebere ngbangbaturũ, ka si aipo nga ka ti ni gu uru re ya.
14
Uru adu nga ho wa gure mbata te, na fuo ho a te, ho Yekova agi sangba aboro ni; bambiko Yekova aso vura tipa aYisaraere.
15
Yosua ki karaga tiko berewe, na aYisaraere dunduko fuo ko ku bataya Girigara yo.
16
Were agu abakindo naadu bisue re i ki oro aora, ki oko tiyo ku rogo simbia Makeda yo.
17
I ki gumba ha fu Yosua, ki ya, “Agu abakindo naadu bisue re, i bi yo, i nigbu ku rogo simbia Makeda yo.”
18
Yosua ki ya. “Oni wírigi bakindigi ambia kuti ngbadimo simbia, ki moi aboro pati he ka banda ha.
19
Ono ka oni súngu nga yo ya, oni dó fuo avuraroni ki zi agu yo du ku sa yo; ka oni hé nga yo i rimi ku rogo gayo abaakporo yo ya. Yekova nga gaoni Mbori fu yo ku be roni.”
20
Ho Yosua na awiri aYisaraere adigisi imo yo ni ni bakere imo yo, da kina ho i anyasi yo ni kpakaya, gu yangara yo nanye ki rimi ku rogo agu abaakporo du na ngapa pati he,
21
aboro ki karaga tiyo dunduko ku bataya yo koyo du Yosua ni Makeda yo zezeredi. A nga boro sa naza ngbani kuti awiri aYisaraere wa sa te.
22
Yosua ki ya, “Oni zá ngbadimo simbia, ki kusi agu abakindo bisue re simbia yo ki ye na yo kono du mi ni.”
23
I ki mangi he wo, ki kusi agu abakindo naadu bisue re fu ko simbia yo, nangia bakindo Yerusarema, na bakindo Eburone, na bakindo Yaramuta, na bakindo Rakisa, na bakindo Egerone.
24
Ho i aye ni na agu abakindo re fu Yosua, Yosua ki yambu aboro aYisaraere dunduko, ki ya fu abarutirivura dagba agu abasovura nadu na ko, “Oni yé, ki moi nduroni ku auru gorõ agi abakindo re.” I ki ye, ki moi nduyo ku auru gorõyo.
25
Yosua ki ya fu yo, “Ka oni gúnde nga ya, ka oni yúngura nga a ya; oni dú nyanyaki ki du na bakere era; bambiko wo Yekova nikamanga fu avuraroni dunduko nga agu yo oni naso vura kuti yo.”
26
Fuo ho Yosua ki mangi yo, ki imi yo, ki asi yo ti angua bisue. I ki du ni asiasi yo kuti angua ki da kina ku nyemu;
27
ono ho uru ati ni, Yosua ki rugu aboro, i ki zogo yo ti angua, ki bafu yo ku rogo gu simbia i agbu ku rogo ho, i ki wirigi bakindigi ambia kuti ngbadimo simbia, du ho awere kindi.
28
Yosua ki di Makeda ni gu uru re, ki mangi he ni basape, na gaha bakindo. Ko aba tungayo kpakaya na agu aboro dunduko nadu rogo ho, ko ambu nga boro yo wa sa te. Ko ki mangi fu bakindo Makeda a wa ko amangi he fu bakindo Yereo.
29
Yosua ki guari Makeda yo, na aYisaraere dunduko, ki ndu ku Ribina yo, ki so vura kuti Ribina.
30
Yekova ki fu he a, ku be aYisaraere na gaha bakindo; ko ki mangi he ni basape, na agu aboro dunduko nadu rogo ho; ko ambu nga boro yo wa sa te. Ko ki mangi fu gaha bakindo a wa ko amangi he fu bakindo Yereo.
31
Yosua ki guari Ribina yo, na aYisaraere dunduko, ki ndu ku Rakisa yo, ki zi bataya pati he, ki so vura kuti he.
32
Yekova ki fu Rakisa ku be aYisaraere, ko ki di he ni ue uru, ki mangi he ni basape, na agu aboro dunduko naadu rogo ho, a wa ko amangi he Ribina yo.
33
Si du Orama nangia bakindo Gezere, ki guari ka unda gu bakporo nga Rakisa; ono Yosua ki mangi ko na gako aboro, ki da ho ko ambu nga boro ni fu ko wa sa ya.
34
Yosua ki guari Rakisa yo na aYisaraere dunduko, ki ndu ku Egerone yo; ki zi bataya pati he, ki so vura kuti he. I ki di he ni kina gu uru re,
35
ki mangi he ni basape, ko ki imi agu aboro naadu rogo ho dunduko ni gu uru re, a wa ko amangi he Rakisa yo.
36
Yosua ki guari Egerone yo na aYisaraere dunduko, ki ndu ku Eburone yo; ki so vura kuti he.
37
I ki di he, ki mangi he ni basape, na gaha bakindo, na gaha abaakporo dunduko na agu aboro dunduko naadu rogo ho. Ko ambu nga boro yo wa sa te, a wa ko amangi he Egerone yo; ono ko agbarasi he dunduko, na agu aboro naadu rogo ho dunduko.
38
Yosua ki karaga tiko, na aYisaraere dunduko, ku Debiri yo; ki so vura kuti he.
39
Ko ki di he, na gaha bakindo, na gaha abaakporo dunduko, ki mangi yo dunduko ni basape, ki imi agu aboro naadu rogo ho dunduko. Ko ambu nga boro yo wa sa te; wa ko mangi he Eburone yo na Ribina yo na fu gaha bakindo, kina wo ko amangi he Debiri yo, na fu gaha bakindo a.
40
Si du Yosua adi be agu aringara re dunduko, nga ringara abaagangara, na gu du ku Negebe yo, na kpasakpasa rago, na tiditidi rago a, na gayo abakindo dunduko. Ko ambu nga boro yo wa sa te, ono ko ki imi unga aboro dunduko, a wa Yekova nga ga aYisaraere Mbori arugu ko na ni.
41
Yosua ki di be yo tona Kadesa-baranea yo ki da ku Gaza yo, na ringara Gosene dunduko, ki da kina ku Gibona yo.
42
Yosua ki di agi abakindo re na gayo ringara ti kina gu rago sa, bambiko Yekova ga aYisaraere Mbori naso vura tipa aYisaraere.
43
Yosua ki karaga tiko berewe, na aYisaraere dunduko, ku bataya Girigara yo.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24