bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Joshua 8
Joshua 8
Zande
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 9 →
1
Yekova ki ya fu Yosua, “Ka mo gúnde nga ya, ka mo yúngura nga a ya; mo rógo abasovura fuo ro dunduko, ki guari ka ndu ku Ai yo. Mo ngére, mi fu bakindo Ai ku be ro, na gako aboro, na gako bakporo, na gako ringara a.
2
Mo amánga fu Ai na gaha bakindo a wa mo amangi he fu Yereo na gaha bakindo. Ono agu ahe i ka gbu he yo, na gu zogozogo anya du yo, oni aróga ha ni gaoni zizi ahe. Mo ki ru nguru pati bakporo ku gii he yo.”
3
Si du Yosua aguari ti ni ka ndu ku Ai yo, na abasovura dunduko. Yosua ki sia aboro wa 30,000, nga nyanyaki aboro ni ngangarã yo, ki kedi yo yuru.
4
Ko ki rugu yo, ki ya, “Oni ngére, oni arú nguru kuti bakporo, ku gii bakporo yo; ka oni túrũ nga na bakporo ya, ono oni mbákadi tironi nyanyaki dunduko.
5
Mi na agu aboro du na mi dunduko, ani ambéda ku pati bakporo. Ho i ka kura ni sa rani, a wa i amangi he ti bambata ha, ani aóra be yo;
6
i akúra fuo rani, daho ani ka kusa yo ni bakporo yo dunduko; bambiko i ayá, ‘I oro be rani, wa si adu ti bambata ha.’ Si du ani aóra be yo;
7
oni ki guari ho oni niru nguru ni, ki di bakporo; bambiko Yekova gaoni Mbori nikafu he ku be roni.
8
Si adú wa gere, ho oni ka zia bakporo ni, oni ki tigi we ki zo bakporo kindi, a wa Yekova agumba ha oni mángi he kina wo; oni ngére, mi rugu roni na ni.”
9
Yosua ki kedi yo ku mbata yo; i ki da ku ba runguru yo, i ki sungu dagba Betere na Ai, ku pati Ai ku dioyo; ono Yosua asungu kina ho na aboro ni gu yuru re.
10
Yosua ki guari ngbatutu wiso, ki dungura aboro ki ndu, ko na agu abaakumba nga ga aYisaraere yo. I ki ngbe ku mbata yo fu aboro ku Ai yo.
11
Aboro dunduko, nga agu abasovura nadu na ko, i ki ndu, ki mbedi, ki ye ku barangba bakporo, ki zi bataya ku pati Ai ku nodiyo, ngboongboorago ki du dagba yo na Ai.
12
Ko ki rogo aboro wa akumba 5,000 ki kedi yo i ru nguru dagba Betere na Ai, ku pati bakporo ku dioyo.
13
Si du i ki tangara aboro, nga gu rimbasa aboro dunduko nadu ku pavuru bakporo ku nodiyo, gbiakuti agu yo naru nguru pati bakporo ku dioyo. Ono Yosua ki sungu ni gu yuru re kina ngboongboorago yo.
14
Si ki ta du wa gere, ho bakindo Ai abi he ni, ko na gako aboro dunduko ki ipisi tiyo ki guari kina boro ngba wiso, nga akumba bakporo, ki ndu ka so vura na aYisaraere a, ku kpasakpasa rago yo; ono ko aina nga ha ya i ru nguru kuti ko ku gii bakporo yo te.
15
AYosua ki mangi pai na aYisaraere dunduko ni birĩ wa ka avurayo adia adia be yo, i ki oro ngba gene ku ngbakungba yo.
16
Si du agu aboro dunduko nadu Ai yo iki yambu yo i dó fuo yo, i ki nido fuo aYosua, ki turũ ti bakporo.
17
Ka boro anye nga ku Ai yo watadu ku Betere yo nahe do fuo aYisaraere wa sa ya; i ki he ngbadimo bakporo ni kina zaza ha, ki nido fuo aYisaraere.
18
Yekova ki ya fu Yosua, “Mo táĩ gu baso du bero ku Ai yo; bambiko mi nikafu he ku be ro.” Yosua ki taĩ gu baso nadu beko ku bakporo yo.
19
Aboro runguru ki guari ni ipo ba yo, ki oro aora ni ba sa ho ko ataĩ beko ni, ki rimi ku bakporo yo, ki di he; i ki ipisi tiyo ki tigi we ti bakporo.
20
Ho aboro Ai angere ni ku sa yo, i ki bi kina ngimi bakporo si nigundu agunda suu ku ari yo; ka ome adu nga ti yo berewe ka ora ku bani na ku bani a ya; bambiko agu aYisaraere naoro ku ngbakungba yo i abirĩ tiyo fuo abado fuo yo.
21
Ho aYosua abi he ni na aYisaraere dunduko ya arunguru di bakporo, ngimi bakporo ki nigundu suu ku ari yo, i ki birĩ tiyo, ki imi aboro Ai.
22
Akura yo ki kuru bakporo yo kuti yo; si du i adu ti ni kina dagba aYisaraere, agu yo ki du kono, agu yo ki du koyo; aYisaraere ki mangi yo amanga daho boro adu nga ni dagba yo yo nabati ni ungani wa sa ya.
23
I ki zi bakindo Ai ni kina ungako, ki ye na ko koyo du Yosua ni.
24
Ho aYisaraere adigisi pa imo aboro Ai ni dunduko bavura ngbakungba yo, yo i ado fuo yo ku ho ni, i nakpí akpi dunduko be basape daho i anyasi yo ni kpakaya, aYisaraere ki karaga tiyo ku Ai yo, ki gbarasi he ni basape.
25
Agu yo nakpi dunduko ni gu uru re, akumba na ade a, i adu wa aboro 12,000 nga agu aboro dunduko nadu Ai yo.
26
Bambiko Yosua adia nga beko te, wa ko ataĩ he na baso, daho ko aba tunga aboro Ai ni kpakaya.
27
Ono zogozogo anya na gu gbugbu ahe nga ga gu bakporo re i agbu he, aYisaraere arogo kina ha ni gayo zizi ahe, kuti sangba Yekova a wa ko arugu Yosua na ni.
28
Si du Yosua ki zo Ai, ki sa ha ni guguda gbarasigbarasi ahe nye anye kindi, wa du he awere.
29
Ko ki asi bakindo Ai ti ngua ki da ku nyemu, ho uru aye ka ti ni, Yosua ki rugu pai, i ki di kangbako ti ngua, ki ba ha pa ngbadimo bakporo, ki ba bakere guguda ambia ku auru he, du ho da ku awere.
30
Yosua ki dua abamotumo fu Yekova, nga ga aYisaraere Mbori ku ri Bagangara Ebara,
31
a wa Mose ga Yekova moyambu arugu awiri aYisaraere na ni, a wa du he ni keke he rogo gu kitabu rugute nga ga Mose, “nga gu bamotumo du ni agu ambia i aseka nga ha aseka ya, ka boro ayawa nga ha na marã a ya.” I ki fu zozo amotumo auru he fu Yekova, ki nitumo na amotumo zereda.
32
Yo ko ake kpia agu arugute nga ga Mose ni ku bangiri awiri aYisaraere ti ambia, nga gu Mose ake he mbata.
33
AYisaraere dunduko nga kungba aboro na awiri ringara, na gayo abaakumba na gayo abarumbatayo, na gayo abasapungbanga ki ru pati sanduki kono na koyo bara bangiri aboromotumo na aRevi, nga agu yo nanatinda ga Yekova sanduki mokido. Bete yo ki ru pavuru Bagangara Gerizimi, na kura bete yo ki ru pavuru Bagangara Ebara; a wa Mose ga Yekova moyambu arugu yo na pa ha mbata, ya i fú maku fu aboro aYisaraere.
34
Fuo gure ko ki gedi agu apai nga ga rugute dunduko, gu nga ga maku na gu nga ga motiwa, a wa du he ni keke he rogo kitabu arugute yo.
35
Agu apai dunduko Mose arugu yo na ni, a nga pai sa Yosua ahe geda ha ku bangiri gu dungurati nga ga aYisaraere te, na ku bangiri ade na rukutu agude, na gu kungba aboro sungu ku dagba yo a te.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24