Joshua 19

Zande

← Chapter 18 Jump to: Chapter 20 →

1Ue baake ki du fu Simona, tipa ngbatunga Simona a wa pa arikayo adu. Gayo ngbi ki du rogo kina gu ringara nangia ga ngbatunga Yuda.

2Gayo ngbi ni abaakporo ki ngia Bara-seba watadu Seba, na Morada,

3na Asara-suara, na Bara, na Eseme,

4na Erutorada, na Betuere, na Oruma,

5na Zekeraga, na Bete-marakabota, na Asara-susa,

6na Bete-reboata, na Sarunena ― wa abaakporo 13 na akporo pati he;

7Aina, na Rimona, na Etere, na Asana ― wa abaakporo biama na akporo pati he;

8na agu akporo naadu pati agi abaakporo re dunduko kirikiri daku Baratabera, nga Rama du Negebe yo. Gere nga gu ringara nga ga ngbatunga Simona a wa pa arikayo adu.

9Gu ngbi nga ga ngbatunga Simona si adu kina rogo ringara ngbatunga Yuda; bambiko ga ngbatunga Yuda ringara adu ni bakere he ki susi yo, si du ngbatunga Simona adu ti ni na ngbi kina rogo ga ngbatunga Yuda ringara.

10Biata baake ki du tipa ngbatunga Zeburuna a wa pa arikayo adu. Ringara gayo ngbi ki da ti Sarida;

11bangbandarago ki ndu ku ngbi yo ku dioyo, ki da ku Marara yo, ki kuru ku Dabesete yo; fuo gure si ki da ti gu wiridi du pavuru Yokanama ku uroyo.

12Si ki guari Sarida yo ki ndu ku uroyo ki da ti bangbanda Kisirota-tabora. Si ki ndu yo ku Daberata yo, ki kuru ku Yafia yo;

13yo si asusi ni ku uroyo ki da ku Gataefere yo, na ku Ete-kazima yo; ki susi kindi ki da ku Ramona yo, ki sa tihe ku Nea yo.

14Bangbandarago ku nodiyo ki ke pati Anatona yo, digidaha ki da ku ngboongboorago Yifata-ere yo;

15kura abaakporo ki du nga Katata, na Narara, na Simuruna, na Idara, na Betereme ― wa abaakporo 12 na akporo pati he.

16Gere nga gu ringara nga ga ngbatunga Zeburuna a wa pa arikayo adu ― agi abaakporo re na akporo pati he.

17Gu biama baake ki du tipa Yisasakara, nga kina ngbatunga Yisasakara a wa pa arikayo adu.

18Gayo ringara ada ti Yizerere, na agu abaakporo nga Kesurota, na Sunema,

19na Afaraima, na Siona, na Anaarata,

20na Rabita, na Kisiona, na Ebeza,

21na Remete, na Enegamina, na Eneadada, na Bete-pazeze.

22Bangbandaha ki da ti Tabora a, na Sasuma, na Bete-semese; digidaha ki da ti Yaradene ― wa abaakporo 16 na akporo pati he.

23Gere nga gu ringara nga ga ngbatunga Yisasakara a wa pa arikayo adu ― abaakporo na akporo pati he.

24Gu bisue baake ki du tipa ngbatunga Asera awa pa arikayo adu.

25Gayo ringara adu na agi abaakporo re rogo ho, nga, Erekata, na Ari, na Betene, na Akasafa,

26na Aramereke, na Amada, na Misara. Bangbandaha ki da ti Karumera ku dioyo, na ti Siora-ribina,

27ki sa tihe ku uroyo ku Bete-dagona yo, ki da ti Zeburuna, na ku ngboongboorago Yifata-ere yo ki ndu ku Bete-emeke yo na ku Neira yo ku nodiyo. Fuo gure si ki nindu kindi ku nodiyo ku Kabura yo;

28na Eburone, na Robo, na Amona, na Kana yo, ki da ti bakporo nga Bakere Sidona.

29Fuo gure bangbandarago ki sa tihe ku Rama yo, ki da ti Tura yo nadu na ngapa gbata pati he; bangbandarago ki sa tihe ku Osa yo, digidaha ki da ti baime pati Akaziba,

30na kura abaakporo nga Uma, na Afike, na Robo ― wa abaakporo dunduko 22 na akporo pati he.

31Gere nga gu ringara nga ga ngbatunga Asera a wa pa arikayo adu ― agi abaakporo re na akporo pati he.

32Gu sita baake ki du tipa ngbatunga Nafatari, tipa kina ngbatunga Nafatari a wa pa arikayo adu.

33Bangbandarago ki tona Erefe yo, pati gu gero naadu Zananima yo, ki ndu ku Adaminekebe yo, na Yabanere yo, ki da ti Rakuma; digidaha ki da ti Yaradene.

34Fuo gure bangbandarago ki sa tihe ku dioyo ku Azanota-tabora yo, ki kuru yo ki ndu ku Ukoko yo; si ki da ti Zeburuna ku sudiyo, na ti Asera ku dioyo, na ku Yuda Yaradene yo ku uroyo.

35Abaakporo ngapa adu yo nga Sidimi, na Zera, na Anata, na Rakata, na Kinerota,

36na Adama, na Rama, na Asora,

37na Kedese, na Ederei, na Ene-asora,

38na Irona, na Migidara-ere, na Oreme, na Bete-anata, na Bete-semese―wa abaakporo 19 na akporo pati he.

39Gere nga gu ringara nga ga Nafatari a wa pa arikayo adu―abaakporo na akporo pati he.

40Gu saba baake ki du tipa ngbatunga Dana a wa pa arikayo adu.

41Ringara gayo ngbi nangia Sora, na Eseta-ora, na Ire-semese,

42na Sa-arabina, na Aiyona, na Itara,

43na Erona, na Timina, na Ekurone,

44na Ereteke, na Gibetona, na Barata,

45na Yeuda, na Bene-beraka, na Gata-rimona,

46na Me-yarakona, na Rakona, na gu ringara du pati Yapo.

47Ono ringara ngbatunga Dana ki du ni umba ha tipa yo, si du aDana andu ti ni ki so vura kuti Reseme, ki di be he, ki mangi he ni basape, ki di he ni gayo, ki sungu rogo ho, ki yambu rimo Reseme nga Dana, ti rimo bayo nangia Dana.

48Gere nga gu ringara nga ga ngbatunga Dana a wa pa arikayo adu, agi abaakporo re na akporo pati he.

49Ho i adigisi pa kparaka aringara ni ni angbi, awiri aYisaraere ki fu ngbi fu Yosua nangia wiri Nuna ni gako kina dagba gayo aringara.

50I afu gu bakporo fu ko nga gu ko asana he tipa ha wa Yekova arugu yo na pa ha, nga Timenata-sera du ringara abaagangara Efuraima yo, ko ki mbakadi bakporo berewe, ki sungu rogo ho.

51Agere nga agu aringara Erazara nangia boromotumo akparaka ni angbi na Yosua nangia wiri Nuna, na agu yo nadu ku ri ga abayo aborokporo dagba angbatunga awiri aYisaraere, niba ake Siro yo ku bara bangiri Yekova, ku ngbadimo bamburoko dungurati yo. Si du i ki digisi pa kparaka aringara.

← Chapter 18 Jump to: Chapter 20 →