Joshua 17

Zande

← Chapter 16 Jump to: Chapter 18 →

1Gere nga gu ringara i afu he tipa ngbatunga Manase, bambiko ko nangia ga Yosefa bambata vungu. Ono tipa Makira nangia bambata wiri Manase, nangia be Girada, i afu Girada na Basana fu ko, bambiko ko adu ni boro sovura.

2Ringara ki du tipa kura awiri Manase ringbisi he wa du pa arikayo, tipa awiri Afizere, na tipa awiri Ereke, na ti pa awiri Asarere, na tipa awiri Sekeme, na tipa awiri Efere, na tipa awiri Semida; agi yo re nangia awiri Manase nangia akumba, Manase nangia wiri Yosefa. Ringbisi he wa du pa arikayo.

3Ono Serofada nangia wiri Efere abatika nga awiriko ni akumba te, kina ade, Efere nangia wiri Girada, Girada nangia wiri Makira, Makira ki ngia wiri Manase. Rimo awiri Serofada nga ade du re: nga Mara, na Noa, na Ogura, na Mireka, na Tirusa.

4I ki ye ku bara bangiri Erazara nangia boromotumo, na ku bara bangiri Yosua nangia wiri Nuna, na ku bara bangiri abazogo ki ya. “Yekova arugu Mose ko fú ngbi fu rani dagba awirinarani.” Si du ko afu ngbi fu yo ti ni dagba awirina bayo yo a wa Yekova arugu he.

5Were ga Manase angbi adu ni bete he bawe, gbiakuti gu ringara nga Girada na Basana, nga gu du ku mbiti Yaradene yo;

6bambiko awiri Manase nangia ade i adu na ngbi dagba agu awiriko nga akumba. Ringara Girada ki du fu kura awiri Manase nangia akumba.

7Bangbanda ga Manase ringara atona Asera yo ki ndu ku Mikematata yo, nga gu du pati Sekeme ku uroyo. Fuo gure bangbandarago ki ndu ku sudiyo, ki da ti araki Enetapua yo.

8Ringara Tapua adu ni ga Manase ringara, ono bakporo Tapua tigaha nadu ku bangbanda ga Manase rago, si adu ni ga aEfuraima.

9Bangbandarago ki zorõ koyo du gu wiridi ni nga Kana. Agu abaakporo nadu pavuru wiridi ku sudiyo, du dagba agu abaakporo nga ga Manase si adu ni ga aEfuraima. Ga Manase bangbandarago adu ti wiridi ku nodiyo, digidaha ki ngia baime;

10ga Efuraima ringara adu ku sudiyo, ga Manase ki du ku nodiyo, baime ki du ni bangbanda dagba yo. Ga Manase bangbandarago ki da ti Asera, ku nodiyo, na ti Yisasakara ku uroyo.

11Ga Manase ringara ku Yisasakara yo na ku Asera yo nangia Bete-sana na akporo pati he, na Iburama na akporo pati he, na araki Doro yo na akporo pati he, na araki Enedoro yo na akporo pati he, na araki Tanaka yo na akporo pati he, na araki Megido yo na akporo pati he; wa tumbatumba arago biata.

12Ono awiri Manase arengba nga na do agu aboro nanaraka rogo agu abaakporo re te; ono aKanano anye rogo gu ringara re kindi.

13Si ki ta du wa gere, ho awiri aYisaraere anyaki ni, i ki fu sunge kanga fu aKanano, ka i ado nga yo dunduko ya.

14Ngbatunga Yosefa ki gumba pai fu Yosua, ki ya, “Tipagine mo afu rago fere kina sa na bete he ni gimi, wa bi mo ho ya dungu aboro du be re, mbiko wa Yekova afu maku fere mbata?”

15Yosua ki ya fu ko, “Si ngia oni nga dungu aboro, oni ndú ku birengua yo, ki dewe angua yo ka mbakada rago yo tipa roni rogo ringara aPereso na ringara aRefaimo; wa du ringara abaagangara Efuraima fu roni ni pangipangi he.”

16Ngbatunga Yosefa ki ya, “Ringara abaagangara arengba nga tipa rani te: agu aKanano nasunga kpasakpasa rago yo, i du na ngbagida marã be yo dunduko, i na agu yo du rogo Bete-sana na rogo akporo pati he, gbiakuti agu yo du rogo Ngboongboorago Yizerere yo.”

17Yosua ki gumba pai fu ngbatunga Yosefa, nga aEfuraima na Manase, ki ya, “Oni nga badungu aboro, ki du na bakere tandu, oni adú nga na bete rago kina sa te,

18ono ringara abaagangara adú ni gaoni a. Ka si vura du ni bire vurũ, oni adéwa ha, abangbandaha ki du ni gaoni; bambiko oni adó aKanano, ka i vura du na angbagida marã vurũ, na ka i vura du ni nyanyaki yo a vurũ.”

← Chapter 16 Jump to: Chapter 18 →