Joshua 16

Zande

← Chapter 15 Jump to: Chapter 17 →

1Ga atita Yosefa ringara atona ti Yaradene ku Yereo yo, ti aime Yereo ku uroyo, nga ngbakungba, ki guari Yereo yo ki ndu ku ngbi yo rogo ringara abaagangara ku Betere yo.

2Si ki kuru Betere yo ku Ruza yo, ki ndu kindi ku bangbanda ringara aArako ku Ararota yo;

3si ki zorõ ku pa di yo ku bangbanda ga a Yapereto ringara, ki da ti bangbanda Beterono nga gu du ku pa di yo, ki ndu da ku Gezere yo digidaha ki ngia baime.

4Ngbatunga Yosefa, nangia aManase na Efuraima, ki di gayo ringara.

5Ga ngbatunga Efuraima ringara du re a wa pa arikayo adu; bangbanda gayo ringara ku uroyo nangia Atarota-adara, ki da ti Beterone nga gu nadu ku ngbi yo,

6bangbandarago ki ndu yo sa baime; Mikematata ki du ku nodiyo; bangbandarago ki sa tihe uroyo ku Tanatasiro yo, ki susi pati he ku Yanoa ku uroyo.

7Fuo gure si ki zorõ Yanoa yo ku Atarota yo, na ku Nara yo, ki da ti Yereo, ki digi Yaradeneyo.

8Tona Tapua yo bangbandarago ki ndu ku dioyo ki da ti gu waridi nga Kana, digidaha ki ngia baime. Giere nga gu ringara nga ga ngbatunga aEfuraima ringbisi he wa du pa arikayo,

9gbiakuti agu abaakporo nadu ni kparakpara ha tipa ngbatunga aEfuraima dagba gu ringara nga ga ngbatunga aManase, nga abaakporo dunduko na akporo pati he.

10Ono i ado nga agu aKanano nasungu Gezere yo te; ono aKanano asungu kindi ku dagba aEfuraima, daku awere, ki du ni akanga tipa manga sunge.

← Chapter 15 Jump to: Chapter 17 →