1 Corinthians 16

Ahirani (आहिराणी नवा करार) - No Year

← Chapter 15 Jump to:

1आते मी त्या प्रश्न ना उत्तर देस जो तुमनी मले करेल होता, तुमनी मले त्या वर्गणी ना बारामा विचारेल होत जी यरूशलेम मा राहणारा परमेश्वर ना लोकस्ना साठे करामा एस. जशी आदन्या मनी गलतिया प्रांत नि मंडळीस्ना लोकस्ले दिधी, तसाच तुमी बी करा.

2प्रत्येक रविवार ना दिन तुमना मधून प्रत्येक आपली कमाई ना नुसार काही आपला कळे ठेवा, एनासाठे कि जव मी येवू तुमले वर्गणी करानी गरज नई पळो.

3नंतर जव मी तठे ऱ्हासु, त मी त्या लोकस्ले धाळसू जेस्ले तुमी विश्वास योग्य व्यक्तीस्ना रूप कण निवाळशात एनासाठे कि त्या देणगी ले लिसन यरूशलेम शहर मा जावोत. मी तेस्ना संगे एक पत्र बी धाळी दिसू कि तठला विश्वासीस्ना संगे तेस्नी वयख कराळी सकू.

4आणि कदी मन जान चांगल शे, त मी तेस्ना संगे जासू.

5आणि मी, मासेदोनिया प्रांत मा जावा नंतर, तुमले भेटाले एसू. कारण कि मले मासेदोनिया प्रांत मधून हुईसन जानच शे.

6पण होवू सकस कि मी तुमना संगे जास्त टाईम साठे राहू, आणि कदाचित पुरा हिवाया तुमना संगे राहू. एना नंतर जथ मले जान हो, तथा पोहोचाले तुमी मनी मदत करज्यात.

7मी फक्त थोडा टाईम साठे तुमले भेटीसन आपला प्रवास ले जावाना नई देखस, पण मले आशा शे, कि जर प्रभु नि ईच्छा अशीन त काही जास्त टाईम लगून तुमना संगे ऱ्हासु.

8पण मी पिन्त्तेकुस्त ना सन ना दिन लगून इफिस शहर मा ऱ्हासु,

9कारण कि आते बी आठे गैरा लोक शेतस जेस्नी परमेश्वर ना वचन आयकानी ईच्छा शे, आणि मन आठे राहाण गैर उपयोगी शे. जरी आठे विरोध करणारा गैरा शेतस.

10कदी तीमुथियुस तुमना जोळे करिंथ शहर मा ईजास, त तुमी तेना तुमना मधमा स्वागत करज्यात, कारण कि तो मनासारखा प्रभु ना कार्य करस.

11एनासाठे कोणी तेले तुच्छ नई समजो, पण जव तो तठून मना जोळे येवा साठे निघस, त तेना प्रवास साठे जी काही गरज शे तुमी तेले देयज्यात. कारण कि तेनी आठे येवानी वाट देखी ऱ्हायनु, कि तो बाकी विश्वासी भावूस संगे येवो.

12भावू अपुल्लो ना बारामा मले हय सांगण शे कि मनी तेले गैरी विनंती करी कि तो भावूस संगे तुमना जोळे जावो, पण आते तेनी येवानी ईच्छा नई होती. पण परिस्थिती बरी होवावर तो तुमना जोळे ईन.

13सावधान राहा, विश्वास मा स्थिर राहा, धैर्यशील बना, परमेश्वर ना संगे नाता मा पक्का बनी राहा.

14तुमी जे काही करतस ते प्रेम मा करा.

15ओ विश्वासी भावूसहोण, तुमी स्तेफन ले आणि तेना परिवार ले वयखतस, कि त्या अखया प्रांत ना पहिला ख्रिस्ती विश्वासी शेतस, आणि परमेश्वर ना लोकस्नी सेवा करासाठे ऱ्हातस.

16एनासाठे मी तुमले विनंती करस, कि असा लोकस्नी पुढाकारी ना अनुसरण करा, व प्रत्येक ना जो कठीण परिश्रम करतस आणि ह्या प्रमाणे खरी भक्ती ना संगे सेवा करतस.

17आणि मी स्तेफन, फर्तूनात आणि अखायिक ना येवा कण खुश शे, कारण कि तेस्ना मुळे तुमना कळून जी मदत नि कमी होती, ती पुरी हुईगी.

18तेस्नी मले शांती दिधी आणि उत्साहित बी कर. मी आशा करस कि जव तो तुमना जोळे ईन त तुमना साठे बी असाच करतीन. एनासाठे तुमी असास्ना आदर करा.

19आशिया प्रांत नि मंडळी ना विश्वासीस कळून तुमले नमस्कार, अक्विल्ला आणि तेनी बायको प्रिस्कील्ला ना त्या मंडळी ना विश्वासीस्ना ज्या तेस्ना घर मा एकत्र होतस तेस्ना बी कळून तुमले प्रभु मा गैरा-गैरा नमस्कार.

20सर्वा विश्वासी भावूस्ना तुमले नमस्कार, ख्रिस्ती प्रेम कण एक दुसराले नमस्कार करत राहा.

21मी, पौल हय नमस्कार आपला हात कण लिखी ऱ्हायनु, कदी कोणी प्रभु वर प्रेम नई ठेवत त तो श्रापित शे. ओ आमना प्रभु, ये.

23मी प्रार्थना करस, कि आमना प्रभु येशु नि कृपा तुमना वर होत राहो.

24तुमी ज्या ख्रिस्त येशु ना संगे एकजूट शेतस, मना प्रेम तुमी सर्वास्ना संगे राहो, आमेन.

← Chapter 15 Jump to: