1 Corinthians 3

Ahirani (आहिराणी नवा करार) - No Year

← Chapter 2 Jump to: Chapter 4 →

1ओ विश्वासी भावूसहोण, मी तुमी लोकस्ले त्या रिती कण गोष्टी नई करी सकनु जसा मी त्या लोकस संगे करस जेस्ना मा परमेश्वर ना आत्मा ऱ्हास. पण मी तुमना संगे त्या लोकस सारखा गोष्टी करनू ज्या ह्या जग ना शेतस आणि तेस्ना सारखा ज्या ख्रिस्त मा धाकला पोर शेतस.

2मनी तुमले परमेश्वर ना वचन कण फक्त मुल शिक्षा दिधी, आणि खोलाई ना गोष्टी नई सांगी कारण कि त्या टाईम ले ती शिक्षा ले समजा ले आणि स्वीकार करासाठे इतला पक्का नई होतात. आणि ह्या टाईम लगून बी पक्का नई शेतस.

3कारण कि तुमी आते लगून ह्या जग ना लोकस सारखा जीवन जगतस. एनासाठे कि जव तुमना मा मत्सर शे आणि तुमी एक दुसरास संगे झगळा करतस, त काय एना कण साबित नई होत कि तुमी ह्या जग ना शेतस, आणि तेस्ना नियम ना नुसार जगतस?

4एनासाठे कि जव तुमना मधून एक सांगस, कि “मी पौल ना शिष्य शे,” आणि दुसरा सांगस, “मी अपुल्लोस ना शिष्य शे,” त काय तुमी ह्या जग ना लोकस सारखा नई वागी ऱ्हायनात?

5अपुल्लोस कोण शे? आणि पौल कोण शे? आमी फक्त परमेश्वर ना सेवक शेतस, जेस्ना द्वारे तुमी ख्रिस्त येशु वर विश्वास कर, आमना मधून प्रत्येक झन परमेश्वर ना दियेल कामस्ले करतस.

6तुमी लोकस्ले परमेश्वर ना संदेश सांगणार पहिला व्यक्ती मी शे, त मी बीज पेरणार ना सारखा ठरणु. एना नंतर अपुल्लोस नि विश्वास मा पक्का होवा साठे तुमनी मदत करी, जसा कि कोणी वाळता झाड ले पाणी टाकस. पण परमेश्वर नि तुमले नवा जीवन दिधा आणि तुमले आत्मिक्ता मा वाळाई ऱ्हायना, तसाच जसा परमेश्वर झाड ले वाढावस.

7एनासाठे जेनी लाव आणि जेनी पाणी टाकीसन वाळाव तेना काही महत्व नई शे. पण परमेश्वर महत्वाना शे कारण कि तोच शे जो त्या झाड ले वाढावस.

8मनी तुमले सुवार्ता प्रचार करी आणि परमेश्वर ना वचन ले शिकाळ आणि अपुल्लोस कायम तुमले शिकाळत ऱ्हायना आणि विश्वास मा पक्का करत ऱ्हायना, पण आमी दोनीस्ना उद्देश एकच होता. पण परमेश्वर प्रत्येक व्यक्ती ले तेना परिश्रम ना नुसारच प्रतीफय दिन.

9कारण कि आमी परमेश्वर ना सहकर्मी शेतस आणि तुमी परमेश्वर नि शेती शेतस आणि परमेश्वर ना ईमारत शेतस.

10परमेश्वर नि ती कृपा नुसार जी मले देवामा एयेल शे, मी बुद्धीमान राजमिस्त्री ना सारखा त्या घर ना पाया टाका. आणि दुसरा पाया वर बांधी ऱ्हायनात, पण प्रत्येक व्यक्ती ले चौकस राहाले पाहिजे कि तो कसा बांधी ऱ्हायना.

11तो पाया जो पहिलेच टाकामा एयेल शे तो ख्रिस्त येशु ख्रिस्त शे, आणि कोणी दुसरा पाया नई टाकू सकस.

12कदी ख्रिस्ती सेवक खरी शिक्षा ले जी तेस्ले परमेश्वर पासून भेटेल शे, शिकाळतस, त त्या मिस्त्री सारखा शेतस जेनी त्या पाया वर चांगला प्रकार नि सामग्री कण बांधकाम करेल शे, जस कि सोन, चांदी आणि मोलवान दघळ ना बांधकाम. पण जर त्या खोटी शिक्षा देतस, त त्या त्या मिस्त्री सारखा शेतस खराब प्रकार नि सामग्री कण बांधकाम करेल शे, जस कि लाकळ, गवत व पेंढ्या कण बांधकाम.

13पण न्याय ना दिन जव ख्रिस्त परत ईन, त ती आग प्रत्येक व्यक्तीस्ना कामस्ले प्रगट करीन. ती आग प्रत्येक कामस्ले परखीन कि कसा शे.

14त्या पाया वर जे काही बनावामा उन जर ते आग कण वाची जास, त त्या मिस्त्री ले प्रतीफय भेटीन.

15पण कदी कोणा काम पेटी जाईन त तो नुकसान उचलीन. पण तो असा वाचीन, जसा कोणी आग ले पार करीसन वाची जास.

16निश्चित तुमले माहिती शे कि तुमी परमेश्वर ना मंदिर शेतस आणि परमेश्वर नि आत्मा तुमना मा ऱ्हास.

17आणि जो कोणी परमेश्वर ना लोकस्नी एकता ले नाश करीन, परमेश्वर तेले नाश करीन.

18कोणी स्वता ले धोका नई देवो. कदी तुमना मधून कोणी ह्या जग ना लोकस्नी नजर मा सजदार शेतस, त तो जग ना लोकस्नी नजर मा मूर्ख बनो एनासाठे कि तो परमेश्वर नि नजर मा ज्ञानी बनी जावो.

19कारण कि ह्या जग ना लोक जेले ज्ञान समजतस खर तर तो परमेश्वर नि नजर मा मूर्खता शे. जस कि पवित्र शास्त्र सांगस, “तो ज्ञानीस्ले चतुराई मा फसाळी देस.”

20पवित्र शास्त्र परत सांगस, “प्रभु ले माहिती शे कि ज्ञानीस्ना विचार, व्यर्थ शेतस.”

21एनासाठे, कि माणुस नि प्रेरणा ना अनुसरण करावर गर्व नई कराले पाहिजे, कारण कि सर्व काही तुमनच शे.

22जस कि, पौल, अपुल्लोस, केफा (पेत्र), ह्या जग मा जे काय शे, जीवन, मरण, वर्तमान व भविष्य, हय सर्व काय तुमन शे,

23आणि तुमी ख्रिस्त ना अधिकार मा शेतस आणि ख्रिस्त परमेश्वर ना अधिकार मा शे.

← Chapter 2 Jump to: Chapter 4 →