bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Revelation 12
Revelation 12
Edo ((E Baibol Ẹdo) Version 1996)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 13 →
1
Ama nọkhua ọkpa keghi rhie egbe maa vbe iso. Okhuo ọkpa kegha rre evba, owẹn ọrọre ukpọn ne ọ yọe, uki kegha rre ototọ owẹ ọre, ẹde ne orhọnmwẹ iweva ye kegha rre ọre uhunmwu.
2
Ọ sẹ ẹghẹ ne ọ ra ya biẹ nẹ, ọ kegha soo rhunmwuda obalọ emwi ubiẹmwẹ ne ọ ru ẹe.
3
Ama ọvbehe keghi vbe rhie egbe maa vbe iso. Ugbogiorinmwi ne gẹdẹgbẹ ọkpa ne ọ baa kegha rre evba, ọ keghi mwẹ uhunmwu ihinrọn, igho igbe, ẹde ọkpọkpa kegha rre dọmwadẹ uhunmwu ẹnrẹn.
4
Ọ keghi ya ẹrhunrhun kpolo obọ ọkpa vbe a gha wa avbe orhọnmwẹ ni rre iso ye eha, ọ na kpolo ẹe ku otọ agbọn. Ọ keghi mudia ye odaro okhuo ne ọ khian biẹ nii wẹ, ọ gha wa biẹ, ne irẹn gbe ẹre ọmọ re.
5
Okhuo ni keghi biẹ ọmọ okpia ne ọ ra ya ọkpọ ematọn khaemwisẹ yan agbọn ẹvbo hia. Sokpan a keghi wa sanmwẹ ọmọ ni rhie gie Osanobua kevbe ẹkete ẹre.
6
Okhuo nii keghi lẹ la uwu ato, Osanobua rhie ihe ọkpa ye otọ khẹ ọre nẹ vbe odọ ehe ne a gha na gbe aro ghe ẹre la ikpẹdẹ iyeha yan uri yan arriaisẹn (1,260.)
7
Ẹghẹ nii ọre okuo na sa vbe ẹrinmwi. Maikẹl kẹe kevbe avbe odibosa kegha gu Ugbogiorinmwi nii khọn, rẹn keghi viọ avbe odibo ẹre ba egbe, ọ na vbe gha gbinna.
8
Sokpan obọ ke ukhunmwu ne Ugbogiorinmwi nii, a ma ghi vbe kue ne irẹn vbe avbe odibo ẹre di ẹrinmwi ya ọvbehe.
9
A keghi mu Ugbogiorinmwi ne gẹdẹgbẹ nii fua. Rẹn ọrọre ẹyẹn nẹdẹ nii, ne a tie ẹre Setan, ne ọ mu otọ agbọn hia rẹrẹ. A keghi fi ẹe fi agbọn ke ẹe kevbe avbe odibo ẹre hia.
10
I keghi họn urhu ne ọ la ọkpa ne ọ khare vbe ẹrinmwi wẹẹ, “Banbanna nian, imiẹnfan Osanobua rre nẹ. Banbanna nian, Osanobua rhie ẹtin ẹnrẹn maa nẹ, zẹ vbe Ọba. Banbanna nian, Mẹzaia ẹre rhie asẹ ọre maa nẹ. Rhunmwuda, ọmwa ne ọ gu etẹn mwa gui, ne ọ mudia vbe odaro Osanobua gha ba iran ifi ẹzọ asọn kevbe avan, a muẹn fua hin ẹrinmwi rre nẹ.
11
Esagiẹn Oteghe Ohuan nii kevbe orhu ẹmwata ne iran kpee, ọre avbe etẹn mwa ya khọn miẹn ẹre otọ, iran te wa vbe mu egbe ne iran rhie ẹdẹ agbọn iran ye otọ, ne iran vbe wulo.
12
Rhunmwuda ọnii, wa gha ghọghọ wa ne ẹrinmwi kevbe emwa ni rrọọ. Sokpan ọ sẹ iran ighẹ otọ agbọn kevbe okun! Rhunmwuda, Esu tuorre bu uwa re nẹ, ohu dan wa vbe muẹn, rhunmwuda, rẹn rẹnrẹn ighẹ ẹghẹ kherhe ọre irẹn ghi mwẹ.”
13
Ugbẹn vbe Ugbogiorinmwi ni ghi miẹn wẹ a sua irẹn fi otọ agbọn nẹ, ọ ke zẹ okhuo ne ọ biẹ ọmọ okpia nii khu.
14
A ke viọ ifuẹn nekhua eva ọghe oghohọn nẹẹn ne ọ ya tin gha rrie ihe ẹre vbe uwu ato, ehe ne a ra na koko ẹe la ukpo eha vbe ukhiọnmwẹ, ehe ne obọ ẹyẹn nii i ra na vba ẹre ne ọ gu ẹe gbinna.
15
Ẹyẹn keghi tue amẹ ne ọ ye vbe ẹzẹ ke unu ẹnrẹn ladian, ọ keghi zẹ ọe lele okhuo nii, ne amẹ nii lẹ ọre gha rrie.
16
Sokpan otọ keghi ye okhuo ni obọ, ọ rhan unu, ọ keghi mi amẹ ne ọ ke unu Ugbogiorinmwi nii ladian re.
17
Ẹghẹ nii ọre ohu okhuo ni na kakabọ mu Ugbogiorinmwi nii, ọ keghi ladian ya gha gu avbe uniẹn ọnrẹn ni dekẹe gbinna, avbe emwa hia ni ya uhi Osanobua ru emwi, iran keghi vbe rhie egbe mu avbe ẹmwata ne Kristi ta ladian.
18
Ugbogiorinmwi nii keghi mudia ye ọkpẹn okun.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22