bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Revelation 9
Revelation 9
Edo ((E Baibol Ẹdo) Version 1996)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 10 →
1
Ẹre odibosa ne ogisẹn na kpe okpe ọghọe. I keghi ya bẹghe orhọnmwẹ ọkpa ne ọ ke iso de fi otọe, a keghi rhie isanhẹn uvun ne ẹ i mwẹ ototọ nẹẹn.
2
Orhọnmwẹ nii keghi kie uvun ne ẹ i mwẹ ototọ nii, ighogho keghi hihiẹ ke ẹe ladian, zẹ vbe ighogho ne ọ ke ogidi erhẹn rre. Ighogho ne ọ ke uwu uvun ne ẹ i mwẹ ototọ ladian rre nii, keghi ye ovẹn kevbe ẹhoho khian ne ọ so ebiebi.
3
Irhiso keghi ke uwu ighogho ni vẹ ku otọ agbọn, a keghi rhie ẹtin ne ọ ye vbe ọghe ekpakpahuangan ne iran.
4
A keghi tama iran wẹ ne iran ghẹ kuan avbe irunmwu ra avbe erhan ra ovbi erhan ke ovbi erhan ọvbehe, avbe emwa ne a ma vin ama Osanobua ye ọre egbe ọkpa, ọre a wẹ ne iran kuan ẹre egbe.
5
A ma rhie ẹtin ne avbe irhiso ne iran ya gbele emwa uan, sokpan ne iran ye agbọn lọghọ iran la uki isẹn. Obalọ ne iran si ye emwa egbe keghi ye vbe obalọ ne ọmwa miẹn a deghẹ ekpakpahuangan sa ọmwa.
6
Vbe uwu uki isẹn na, emwa ni bun gha gualọ uwu, sokpan iran i ra miẹn, iran gha ho ne iran wulo sokpan uwu ghi lẹ ne iran.
7
Nene avbe irhiso keghi ye vbe ẹsin ni mu egbe okuo, iran keghi mwẹ emwi ni ye vbe ẹde igoru vbe uhunmwu iran, ugbaro iran keghi ye vbe ugbaro emwa ne agbọn.
8
Eto iran keghi ye vbe eto ikhuo, akọn iran keghi ye vbe ọghe oduma.
9
Ẹwẹe iran, a keghi ya emwi ne ọ ye vbe uhanhan ẹwẹe ematọn gue ẹre. Owogho ọghe ifuẹn iran keghi ye vbe ọghe ikẹkẹ okuo ne a vbe ẹsin si khian vbe iran rrie okuo.
10
Iran mwẹ ẹrhunrhun kevbe obi ne ọ ye vbe ọghe ekpakpahuangan, nene ẹtin ne a wẹ ne iran ya ru emwa ne agbọn emwi la uki isẹn, ẹrhunrhun ọre ọ ye iran re.
11
Iran kevbe mwẹ ọba ne ọ khaemwisẹ yan iran, ọ nii ọrọre odibo ne ọ gbe aro ghe uvun ne ẹ i mwẹ ehe ne ọ sẹe nii. Eni ẹnrẹn vbe Hibru keghi re Abadọn, sokpan vbe Grik iran keghi tie ẹre Apọyọn (Emwi ne a ya ẹe kha ọrọre “Omurhia.”)
12
Ugborrirri ne okaro gberra nẹ, vbe iyeke ọnọna, ugborrirri ọvbehe eva ye vbe dee.
13
Ẹghẹ nii ọre odibosa ne ogiehan na fian okpa ọghọe re. I keghi họn urhu eso ni ke asefẹn ogiukpo igoru ne ọ rre odaro ẹkete rre.
14
Urhu nii keghi tama odibosa ne ogiehan ne ọ rhie okpe ni mwẹ obọ wẹẹ, “Rhan iran ighẹ avbe odibosa enẹ ne a munọ gba vbe Yufretes ne okpẹzẹ.”
15
Iran keghi rhan nene avbe odibosa enẹ nii, ẹgogo na zẹẹ vbe ikpẹdẹ na zẹe, ọghe uki na zẹẹ, ọghe ukpo na zẹẹ, ọre a viọ iran ye otọ khẹ ne iran fuẹn obọ ọkpa vbe a gha wa emwa ne agbọn ye ihe eha.
16
Iran keghi tama mwẹ inu ivbiyokuo ne a viọ ẹsin na, ọ ke gha re ẹbo uri (200,000,000.)
17
Vbe uwu umian na, I keghi bẹghe nene avbe ẹsin kevbe iran ni hin ẹnrẹn. Iran kegha mwẹ uhanhan ẹwẹe ne ọ baa, vbe erhẹn, ọ ye raghoragho vbe safaia, ọ keghi vbe gha baa rriẹrriẹ vbe ugbofi. Uhunmwu avbe nene ẹsin kegha ye vbe ọghe oduma.
18
Egboghogbogho ne eha nii keghi gbele obọ ọkpa vbe a gha wa emwa ne agbọn hia ye ihe eha: erhẹn ighogho kevbe ugbofi kegha ke uwu unu avbe ẹsin ni ladian.
19
Rhunmwuda, ẹtin avbe ẹsin na, unu iran kevbe ẹrhunrhun iran, ọre ọ ye. Ẹrhunrhun iran keghi ye vbe ẹyẹn ni mwẹ uhunmwu, ọna ọre iran ya gha ru emwa emwi.
20
Emwa ne agbọn ni dekẹe, iran ne egboghogbogho na ma he gbele ua, iran ma zobọ vbe emwi ne iran tobọ iran ru. Iran ma zobọ vbe esu ne iran ga kevbe avbe amazẹ igoru, esiliva, oze, okuta kevbe erhan, emwi ne ẹ i sẹtin bẹghe ra ne ọ ye owẹ khian ra ne ọ họn ẹmwẹ.
21
Ra ne emwa ni vbe fiwerriẹ vbe uwu ne iran na de izigha, ẹbo edunna, alama oghẹ, ra oyi ne iran rhaa.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22