bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Revelation 2
Revelation 2
Edo ((E Baibol Ẹdo) Version 1996)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 3 →
1
“Gbẹn ebe gie odibosa esọsi ne ọ rre Ẹfisọs vbenian wẹ: “Uhunmwu ne ọ gie ọre ọ na khin ighẹ ọmwa ne ọ viọ orhọnmwẹ ihinrọn mwẹ vbe obọ erha ọmwa rẹn, ne ọ khian yo khian rre vbe adesẹ avbe erhan ọmukpa igoru ihinrọn ni.
2
I rẹn emwi ne u ru nẹ. I rẹn vbene u kakabọ winna hẹ, kevbe vbene u ziengbe emwi sẹ hẹ. I rẹnrẹn wẹ u i rhie otọ ne avbe emwa dan, u vbe danmwẹ iran ghe nẹ, ighẹ iran ni wẹ ukọ iran khin, vberriọ iran i zẹdẹ re ọre, u keghi gualọ otọ iran miẹn wẹ ọhọn ohoghe iran khin.
3
U wa ziengbe emwi, u ye egbe miẹn ọlọghọmwa ni bun rhunmwuda mwẹ, sevba u ma zobọ vbọ.
4
Sokpan ẹzọ ruẹ ne I gui ọrọre wẹ, u i ghi ho ẹmwẹ mwẹ vbene u te ka gha ho ẹmwẹ mwẹ vbe ẹghẹ okaro.
5
Ye ehe ne u he de sẹ ẹro! Zẹ obọ vbe orukhọ ne u ru, ne u gha ru vbene u te ka gha ru vbe ẹghẹ okaro. A deghẹ u ma zẹ obọ vbe orukhọ ne u ru, I gha bu ruẹ gha dee, I ghi do mu erhan ọmukpa ruẹ hin ihe ẹre rre.
6
Emwi ne I ghi vbe ya so eni ruẹn ne ọ maa ọre ọna khin wẹ, vbene emwi ne avbe Nikalaitan ru sọnnọ mwẹ, erriọ ọre ọ vbe sọnnọ uwẹ.
7
“Rhunmwuda ọnii, a deghẹ u mwẹ ehọ khekherriọ, u ghi họn ẹmwẹ ne Orhiọn tama avbe esọsi. “Avbe emwa ni khọnmiotọ nẹ, I gha rhie asẹ ne iran ne iran ya re vbe ọmọ erhan ẹfe ni, ne ọ zọ re vbe uwu ogba ọghe Osanobua.
8
“Gbẹn ebe ẹre gie odibosa esọsi ne ọ rre Smaina wẹ: “Uhunmwu ne ọ gie rre ọre ọna khin ighẹ rẹn ni ne ọ re okaro kevbe okiekie, ne ọ te ka wu, ne ọ ghi vbe dọlegbe rre agbọn nian.
9
I rẹn emwi ne ọ kpokpo uẹ. I rẹnrẹn ighẹ ovbiogue ọre u khin sokpan vbe ne ẹmwata, ọmwa ẹfe ọre u khin! I vbe rẹn ẹmwẹ dan ne iran talọ vbe ekpa ruẹ ighẹ iran ni wẹ Ju ọre iran khin, vberriọ iran i re ọre, otu ne Setan yanrẹn ọre iran khin.
10
Ghẹ gie afianma oya ne u ra do re vbe ọ ma he kpẹe na fian. Danmwehọ! Esu ra do danmwẹ uwa ghe vbe ekpa ne ọ gha na viọ eso vbe uwu uwa ku eghan. Ikpẹdẹ igbe ọre ọlọghọmwa uwa ni ra ya vbe otọ. Mu uhunmwu ke ọe ya sẹ uwu, mẹ gha rhie ẹde ẹfe ne uẹn.
11
“Adeghẹ u mwẹ ehọ khekherriọ, u ghi danmwehọ ẹmwẹ ne Orhiọn tama avbe esọsi. Iran ni khọnmiotọ, uwu ne ogieva i ghi ra kuan iran ọvbehe.
12
“Gbẹn ebe gie odibosa esọsi ne ọ rre Pẹgamọm wẹ: “Uhunmwu ne ọ gie ọ na khin ighẹ ọmwa ne ọ mwẹ umozo ne ọ mwẹ unu eva.
13
I rẹn ehe ne u ye, evba nii nọ ighẹ ehe ne ẹkete Setan ye. Te u wa rhie egbe lele mwẹ, u ma mu iyayi ruẹ fi otọ, uhin ya sẹ ne iran na gbẹe rua vbe ehe ne Setan ye ighẹ Antipas ne ọguọmwadia ẹmwata mwẹ.
14
Sokpan, ghe ibozẹghẹ vbe uwu emwi ne I gui ẹzọ ruẹ baa, eso vbe uwu emwa ni lele iruẹmwi Balam wa guẹ rre evba, ọmwa nọ ma Balak vbene a gha ya ye ivbi izrẹl ru orukhọ hẹ, vbe ekpa ne iran na rri evbare ne a ya ru ẹbọ, kevbe ne iran na gha gbe alama oghẹ.
15
Erriọ vbe nọ, emwa eso vbe rre uwu ẹbu uwa ne ọ lele iruẹnmwi avbe Nikolaitan.
16
Rhunmwuda ọnii, wa zẹ obọ vbe orukhọ ne uwa ru. a deghẹ ẹ i re vberriọ, I gha rherhe bu wa gha dee, ne I do ya umozo ne ọ ke uwu unu mwẹ ladian gu avbe emwa ni gbinna.
17
“Rhunmwuda ọnii nian, a deghẹ u mwẹ ehọ, danmwehọ ẹmwẹ ne Orhiọn tama avbe esọsi. “I gha rhie ne iran ni khọnmiotọ nẹ, vbe mana ne a rhie lẹre nii, I gha vbe rhie ne ọkpọkpa vbe uwu iran, okuta nọfua ne a gbẹn eni ọgbọn yi, eni ne a kha na, ọmwa ọvbehe ne ọ gha rẹn ọnrẹn i rrọọ gberra ọmwa ne a rhie ẹre na.
18
“Gbẹn ebe gie odibosa esọsi ne ọ rre Tiatira wẹ: “Uhunmwu ne ọ gie rre ọre ọ na khin ighẹ Ovbi Osanobua ne aro ẹre kpannọ kua vbe Ogiọnmwẹ erhẹn, ne owẹ ọre fi wainwain, zẹ vbe ẹrọnmwọ ne a kpee.
19
I rẹn emwi ne u ru. I rẹn aho ẹmwẹ ọmwa ruẹn, a mu aro ye iwinna ruẹn, ugamwẹ ne u ga, kevbe i ziengbe ruẹ. I rẹnrẹn wẹ ẹghẹ na ọ re u hia sẹ vbene u te ka gha ru vbe okaro.
20
Sokpan ẹzọ ruẹ ne I gui ọre ọna khin wẹ, u keghi rhie otọ ne khuo ni ighẹ Jezibẹl, ọmwa ne ọ tie egbe ẹre ukọ Osanobua. Rẹn gha ma avbe emwa ẹre, ọ ghi vbe gha silo iran fi uwu alama oghẹ kevbe ne iran gha rri evbare ne a ya ru ẹbọ.
21
I rhie ẹghẹ nẹẹn ne ọ ya fiwerriẹ vbe orukhọ ne ọ ru, sokpan ọ ma ho ne ọ fiwerriẹ hin uyinmwẹ alama oghẹ ne ọ ye rre.
22
Rhunmwuda ọnii, I gha fiẹe fi ukpo ne a lovbiẹ yi, eke ne irẹn ke ẹe kevbe iran ni gu ẹe ru oghẹ gha na rri oya nọ rriara. Te I ra wa rruẹe na, sokpan a ma wẹ te iran fiwerriẹ vbe uyinmwẹ dan ne iran gu ẹe yin.
23
I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.
24
“Sokpan wa ni ghi dekẹe Vbe Tiatira, ma lele iruẹmwi dan na, wa ma he ruẹ emwi ne iran nekpa tie ẹre ‘oro ne ọ dinmwi ọghe Setan.’ Emwi ne I tama uwa ọrọre wẹ, I i ra ghi kun ihẹ ba uwa ihẹ.
25
Sokpan, wa ghi ya obọ da emwi ne uwa mwẹ na yi gbain vbene I te do rre.
26
Iran ni khọnmiotọ nẹ, I gha rhie egbe asẹ ne Erha mwẹ rhie mẹ vbe ne iran. I gha rhie asẹ ne iran yan avbe uhunmwu ẹvbo, ne iran gha ya ukpokpo ematọn khaemwisẹ yan iran, ne iran guọghọ iran rẹnkhẹn rẹnkhẹn zẹ vbe akhe. I gha vbe rhie orhọnmwẹ owiẹ ne iran.
29
“Adeghẹ u mwẹ ehọ, danmwehọ ẹmwẹ ne Orhiọn tama avbe esọsi.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22