bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Revelation 18
Revelation 18
Edo ((E Baibol Ẹdo) Version 1996)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
1
Vbe iyeke ọnọna, I keghi vbe ya bẹghe odibosa ọvbehe vbe ọ tuorre ke ẹrinmwi dee. Ọ kegha mwẹ asẹ nọkhua, awanwan rẹn keghi gba otọ agbọn hia.
2
Ọ keghi ya urhu ne ọ la kha wẹẹ, “Ọ de guọghọ ua nẹ! Babilọn nọkhua de guọghọ ua, a vbe orhiọn dan kevbe orhiọn ni ma huan, ọre ọ ghi lọyan yo lọyan rre vbọ. Ahianmwẹ ni gbiruẹn kevbe ọ ghe izohu hia ọre ọ ghi rre uwu ẹre.
3
Rhunmwuda, rẹn keghi rhie ayọn ne emwa hia, ọ keghi ye iran dae ighẹ ayọn ne ọ wo vbe egbe ọghe alama oghẹ, kevbe ozuan ọghọe. Avbe ọba otọ agbọn keghi gu ẹe ru emwi alama oghẹ, iwinna ne agbọn winna keghi ya orriarria ọghọe ne ẹ i mwẹ egaga gha hue.”
4
I keghi vbe dọlegbe họn vbe urhu ọvbehe vbe guan ke ẹrinmwi rre wẹẹ, “Wa ke evba ladian, wa ne emwa mwẹ, wa ke uwu ẹre ladian, wa ghẹ gu ẹe mwẹ obọ vbe orukhọ ne ọ ru, wa ghẹ gu ẹe ghae vbe oya ne a ra rri ẹre re.
5
Rhunmwuda, a si orukhọ ẹre gbo o yo sẹ iso, Osanobua keghi ya emwi dan ne ọ ru hia rre.
6
Vbene irẹn ru uwa, erriọ zẹ wa vbe ru ẹe. Emwi ne ọ ru, wa ru ẹre ha osa ukhukhu eva. Wa sa ayọn ne ọ ye ukhukhu eva wegbe sẹ ọghọe vuọn ukpu ẹre egbe ayọn ne irẹn mu khẹ uwa.
7
Wa rhie oya kevbe irhia ẹko nẹẹn zẹ vbe uyi kevbe uyinmwẹ ọmọ ne ọ fuẹn ukhu, ne ọ rhie ne egbe ẹre, rhunmwuda, te irẹn wa gha tama egbe ẹre wẹẹ, ‘I tota vbe emwa, vbe ọba ne okhuo I i re okhuo ne ẹ i mwẹ ọdọ I i ra rẹn irhia ẹko ẹdẹ.’
8
Rhunmwuda ọnọna, okpe emianmwẹ ọnrẹn gha kinmwi ẹn ẹdẹ ọkpa, emianmwẹ irhia ẹko kevbe ukhunmwu. A gha ya erhẹn giẹn ọnrẹn uan rhunmwuda, Nọyaẹnmwa Osanobua ne ọ bu ohiẹn ọnrẹn, ne ọ mwẹ ẹtin nọ.”
9
Avbe ọba agbọn, ne ọ gu ẹe ruemwi awua kevbe orriarria, gha tu, iran gha vbe viẹ ne ẹvbo nii, vbe iran a miẹn ighogho ne ọ gbe vbe ọ gha giẹn.
10
Iran mudia ye urria, rhunmwuda, ohan oya ne ọ re mu iran, iran ghi vbe kha wẹ: “Okokokoo! Ena mu ohan gbe o! Babilọn ne ẹvbo nọkhua ne ọ wo vbe egbe, vbe uwu ẹgogo ọkpa, ọre a na rri uwẹ oya vbe nian!”
11
Emwa ni do ẹki nekhua vbe agbọn kevbe gha viẹ, iran kegha khiẹ ọre rhunmwuda, iran ma ghi miẹn ọmwa ne ọ gu iran dẹ emwi ọvbehe.
12
Ọmwa rhọkpa ma ghi dẹ igoru iran kevbe esiliva kevbe ukpọn ododo, esiliki kevbe ukpọn nọ baa rriẹrriẹ, avbe erhan ne a i rherhe miẹn nii hia, kevbe avbe emwi hia ne a ye akọn eni ru, kevbe erhan ne ọ ghan ẹsẹse, emwi ne a ya oze ru kevbe ematọn kevbe okuta ẹrọnmwọ.
13
Kevbe sinamọn, kevbe oziza, eturari, oziya, ori ne ọ winhin ẹsẹse, ayọn kevbe ofigbọn, ẹlubọ kevbe ọka, emwi irri kevbe avbe ohuan, ẹsin kevbe ikẹkẹ okhuae, avbe eviẹn kevbe orhiọn emwa ne agbọn ne aregbe.
14
Emwa iwinna nekhua nii keghi tama okhuo nii wẹ, “Emwi ne ọ maa hia ni rre uẹ ekhọe ne u gha mwẹ, a ho ehia bẹkun, ẹfe ruẹ kevbe avbe emwi ne u ya titi hia, a ho ehia bẹkun, u i ghi miẹn iran ọvbehe.”
15
Avbe emwa iwinna nekhua nii, ni do khian ni fee rhunmwuda ẹki ne iran do vbe ẹvbo nii, ghi ya mudia ye urria gban-an, rhunmwuda ohan oya ne okhuo ni re mu iran, iran gha tu, iran ghi vbe gha khiẹ.
16
Iran ghi vbe kha wẹẹ, “Okokokoo, Ọ mu ohan gbe o ighẹ emwi ne ẹvbo nọkhua nii miẹn! Eto ovbiohuẹ kevbe ododo ibakpa ọre ọ te ya haan, ọ ghi silo emwi itegbe ọghe igoru, okuta ighobioye, kevbe ikpe ẹrọnmwọ ye egbe.
17
Ẹgogo ọkpa kẹkan ọre avbe emwi na hia ya wii ẹre.” Avbe oziguẹ ni rre okọ, kevbe avbe ekhẹn, avbe oziguẹ kevbe avbe emwa ọvbehe hia ne ọ ghi khuan igho evbare unu ẹnrẹn nẹ vbe uwu okun, ehia keghi mudia ye urria gban-an.
18
Iran hia kegha goo vbe iran bẹghe ighogho ẹre vbe ọ giẹn, “Ẹvbo ne a gha ya gie ẹvbo nọkhua nii ẹ i ghi rrọọ.”
19
Iran keghi kpolo ebubẹ ye egbe iran uhunmwu, iran kegha goo, iran na gha khiẹ wẹẹ, “Okokokoo! Ọna mu ohan gbe vbe egbe ẹvbo nii. Rẹn ọrọre ẹvbo ne emwa hia ni ghi mwẹ okọ ne ọ gua vbe okun nẹ, la ekpa ẹfe ẹre khian enọfe. Emwi na hia wa wi ẹre vbe ẹgogo ọkpa kẹkan!”
20
Wa ne ẹrinmwi, wa gha ghọghọ ye ne okhuo na na fuan! Wa ne emwa Osanobua, wa gha ghọghọ, kevbe avbe ukọ kevbe avbe akhasẹ. Rhunmwuda emwi ne okhuo na ru uwa ẹre, ẹre Osanobua rria ẹre ikhi yi na.
21
Ẹghẹ nii ọre odibosa nọkhua ọkpa na tọn okuta ne ọ kpọlọ vbe olọ nọkhua mu, ọ keghi fi ẹe fi uwu okun, ọ wẹẹ, “Erriọ ọre a ra rhie Babilọn ne ẹvbo nọkhua fian mwẹ otọ, a i ghi ra vbe dọlegbe miẹn ọẹn ọvbehe.
22
Emwi ne iran kpee ighẹ otu ni kpe akpata kevbe iran ni kpe ẹzi kẹn, kevbe ni kpe ẹrogbo kevbe okpe, a i ghi ra dọlegbe họn ẹmwẹ iran vbe uwu uwẹ ọvbehe, a i ghi vbe họn vbe olọ lọ emwi vbe uwu uwẹ ọvbehe.
23
A i ghi ra dọlegbe bẹghe uwanmwẹ ukpa ne a rhu vbe uwu uwẹ ọvbehe. A i ra dọlegbe họn urhu ọha kevbe ọdafẹn ọha vbe uwu uwẹ ọvbehe. Emwa iwinna ruẹn ọre ọ te re ne ọ mwẹ ẹtin sẹ vbe uhunmwu otọ agbọn hia, u kegha ya ẹbo awan ohoghe ruẹ mu emwa ne agbọn hia rẹrẹ!”
24
A rri e Babilọn oya rhunmwuda, a miẹn esagiẹn avbe akhasẹ kevbe emwa Osanobua vbe ẹvbo nii, ẹn, ye ẹmwẹ esagiẹn emwa ne a gbele ua vbe otọ agbọn.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22