bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Revelation 21
Revelation 21
Edo ((E Baibol Ẹdo) Version 1996)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
1
Iyeke ọnii, I keghi bẹghe ẹrinmwi ọgbọn kevbe agbọn ọgbọn, a kaghi ho ẹrinmwi ne okaro kevbe agbọn ne okaro bẹkun, a keghi vbe ho okun bẹkun.
2
I keghi bẹghe Ẹvbo Ne Ọ Huanrẹn nii, Jerusalẹm ne ọgbọn, ọ tuorre ke ehe ne Osanobua ye vbe ẹrinmwi dee, a wa mu ẹre egbe ye otọ zẹ vbe ọha ne a rhie gie ọdọ ẹre.
3
I keghi họn vbe urhu ọkpa wa datu ke uwu ẹkete rre wẹẹ, “Banbanna nian, owa Osanobua rre ehe ne emwa ne agbọn ye. Rẹn gha gu iran yin, iran ghi vbe gha re emwa rẹn. Osanobua tobọ ẹre gha gu iran yin, rẹn ghi vbe gha re Osanobua iran.
4
Ọ gha khiẹn ameve hia hin aro iran rre. Uwu i ghi ra gha rrọọ ọvbehe, ra akhiẹ ra obalọ. A ho emwi nẹdẹ hia bẹkun nẹ.”
5
Ọmwa ne ọ tota ye ẹkete keghi kha wẹẹ, “Wanwanna nian, I ya emwi hia khian ọgbọn.” Ọ keghi vbe tama mwẹ wẹẹ, “Gbẹnnẹ emwi na ye otọ rhunmwuda ẹmwata ọre avbe emwi na khin, a sẹtin yae yi ẹro.”
6
Rẹn keghi kha wẹẹ, “A ru nẹ, Mẹ ọrọre Alfa kevbe Omega, omuhẹn kevbe ufomwẹ. Ọmwaikọmwa ne ohanmwẹ amẹ gbe I gha sa nẹẹn wọn ọghe ọhẹ vbe amẹ ne ọ ke uhunmwu ẹzẹ ẹfe ni rre.
7
Ọmwa ne ọ rhirhi khọn miotọ, emwi ne I gha rhie nẹẹn ọre ọ na khin. Mẹ gha re Osanobua ẹre, rẹn ghi vbe gha re ovbi mwẹ.
8
Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”
9
Ọkpa vbe uwu iran ne odibosa ihinrọn ni viọ ọkpan ni vuọn ne egboghogbogho ihinrọn ne okiekie, keghi bu mwẹ gha dee, ọ wẹẹ, “Larre ne I do ma ruẹn Ovbiọha, ne ọre amwẹ Oteghe Ohuan nii.”
10
Orhiọn keghi hin yan mwẹ, odibosa nii keghi mu mwẹ gha rrie uhunmwu oke ne ọ yo ẹsẹse. Ọ keghi ma mwẹ Jerusalẹm, Ẹvbo Ne Ọ Huanrẹn nii, ọ tuorre ke ehe ne Osanobua ye vbe ẹrinmwi dee.
11
Uyi Osanobua keghi yae fi wainwain. Nene okpẹvbo kegha fi wainwain vbe okuta ighobioye, ọ ye vbe jaspa, ọ ye sẹnrẹn vbe Kristal.
12
Ọ kegha mwẹ ekẹn ne a gbe lẹga nọkhua ne ọ yo ẹsẹse, ọ keghi vbe mwẹ onurho iweva, odibosa iweva keghi vbe gha rrọọ ni gbe aro ghe dọmwadẹ onurho. Vbe odukhunmwu avbe onurho na, a keghi gbẹnnẹ eni ẹwae iweva ọghe emwa Izrẹl yọ.
13
Onurho eha ọre ọ rre efẹn ọkpọkpa vbọ, eha vbe ọlarre owẹn, eha vbe ahọ, eha vbe ekẹn kevbe eha vbe orrie.
14
A keghi vbe gbe ẹyotọ ekẹn ẹvbo ni yan okuta iweva ne avbe gbẹnnẹ eni avbe ukọ iweva ọghe nene Oteghe Ohuan yi.
15
Odibosa ne ọ gun mwẹ guan keghi mwẹ ọkpọ igoru ne a ya mwa emwi ne ọ ra ya mwa ẹvbo nii, kevbe ekẹn ọnrẹn, kevbe onurho ẹre.
16
Nene ẹvbo kegha re umwọmwẹ vbe igie enenẹ, utanmwẹ kevbe uvbẹmwẹ, odibosa nii keghi ye ọkpọ ne ọ ya mwa emwi mwa ẹvbo nii, ọ kegha re ibiriki arriaisẹn ekesugie (15,000), uvbẹmwẹ ọnrẹn, utanmwẹ ọnrẹn kevbe uyomwẹ ọnrẹn kegha re ọkpa.
17
Odibosa nii keghi mwa ekẹn ọnrẹn, ọ ke gha re ibata enẹirrọvbugie ọ ya yan uri (216) vbe uyomwẹ, zẹ vbene akhuẹn ọkpọkpa khare vbe emwi ne ọ ya mwa emwi.
18
Jaspa ọre a ya gbe ekẹn nii. Nene ẹvbo tobọ ẹre keghi re ne a ya igoru na ma gua bọ, a ghi gha lae ghe vẹn vbe ughegbe.
19
Ẹyotọ ekẹn ne a ghe lẹga ẹre, a keghi ye okuta ighobioye ughughan zẹ ose yọọ. Ẹyotọ kegha re jaspa, ne ogieva kegha re safaia, ne ogiehan kegha re ageti, ne ogienẹ kegha re emrald.
20
Ne ogisẹn kegha re ọinks, ne ogiehan kanelian, ne ogihinrọn kuọtz ne ọ vboro, ne ogierẹnrẹn bẹril, ne ogihinrin topaz, ne ogigbe kiasdọni, ne ogiowọrọ kuọis, ne ogiweva amẹtisrt.
21
Onurho iweva ni rrọọ kegha re ọ ghe okuta ẹrọnmwọ, okuta ẹrọnmwọ ọkpọkpa ọre a ya ru urho ọkpọkpa. Ukpo ni rre ẹvbo ni hia keghi re ne a ya igoru ne a ma gua so, a kegha lae ghe vẹn vbe ughegbe.
22
I ma bẹghe Ọgua Osa vbe ẹvbo nii, rhunmwuda, Nọyaẹnmwa Osanobua Oghodua kevbe Oteghe Ohuan ọrọre Ọgua Osa ne ọ rrọọ.
23
Ẹvbo ni i mwẹ emwi ne ọ ya owẹn ru ra uki ne ọ gha baa vbọ rhunmwuda, uyi ọghe Osanobua ọre ọ viọ asan yọ. Oteghe Ohuan nii ọre ọ vbe re ukpa ne ọ rrọọ.
24
Uwanmwẹ ọnrẹn ọre emwa ni rre agbọn gha ya bẹghe odẹ, ne iran la khian, avbe ọba agbọn ghi kun ẹfe iran gha die uwu ẹre.
25
Te a khian gha kie urho ẹvbo ni ye otọ vbe ẹdẹ hia, a i ra khui ẹre, rhunmwuda a i ra miẹn asọn vbe evba.
26
A gha viọ ukpọlọmwẹ kevbe ẹfe ẹvbo hia gha die ẹvbo nii.
27
Sokpan emwi awua ọkpa i ra la ẹvbo nii, ra ọmwaikọmwa ne ọ ru emwi emwi ekhue, ra ne ọ ta ohoghe. Emwa ne a gbẹnnẹ eni ẹnrẹn ye ebe enirrọọ ọghe Oteghe Ohuan nii ọkpa, ọre ọ gha la ẹvbo nii.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22