Job 12

Chin (Mara Bible RV (BSI))

← Chapter 11 Jump to: Chapter 13 →

1Zawbâ ta a chhy ta:

2“Chyhsa pakha tlai nama vaw châ na, Nama sona deikua nama hnohta a thi hra aw.

3Châhrasala kei chhao, Nama pahnopa ei pahno hra, Nâmo hlâta nawh via va na. He hawhpa hmozy tlai cha, Ahy ma pahno leipa ta a y aw?

4Tahmâ deikua cha, Viasazy pahneiparâsaopa châ na ta; Khazohpa aw ta, Khazohpa ta â chhypa, Chyhsa siapa nata seina hnei leipa kei he, Pahneiparâsaopa ei vaw châ haw.

5Chyhsa phasapa pachâna liata, Vâchhiena mopakhôna y ta, A paopazy tovyuh hawhta a pachâ tyh.

6Hraotuhpazy ama poh o liata thlalôhpa ta y ei ta, Ama ku ta ama khazoh chaba ta, Khazohpa hie pahâhpazy â bohpa ta ama y.

7“Râhsazy hiahri tua, Ama cha pachu aw; Vâ pavawzy hiahri tua, Ama cha chho aw;

8Alei chhao chho tua, Cha pachu aw ta, Tilaipi ngazy ta na hnohta ama phuah aw.

9Chazy hry liata ahy ma, Cha hmo cha Abeipa ku ta taopa a châzie Pahno leipa ta a y tly?

10A ku liata hmo hrohneipa to hrona y ta, Chyhsa zydua husona chhao a y.

11Paleih ta niedo a pachâhpa hawhta, Nakhaoh ta biezy pasia tyh vei ma?

12Machâpazy liata sona y ta, Hro pasina liata pahnona a y tyh.

13“Khazohpa liata sona nata thatlôna y ta, Ano cha ryhraona nata pahnona a hneipa a châ.

14A phie ha khiahta cha, Ahy hmah paduapathi thei leipa aw ei ta; Chyhsa a khawhlôh ha khiahta cha, Ahy hmah pahy thei aw vei.

15Tizy a patu ha khiah ei ta cha, Kua khai ei ta; A pathlie khiah ei ta cha, Leilô ama khu tyh.

16Ano liata thatlôna nata sona y ta, Dôveipa nata dôveituhpa chhao ano eih ama châ.

17Ryhraotuhpazy thluahruapa ta pasiesa ta, Ryureituhpazy ahrupa ta a tao ei.

18Beizy chaisaih pathlâ ta, Duakalâpa a papeisa ei.

19Theihthaipazy thluahruapa ta pasiesa ta, Thatlôpazy a pabâ ei.

20Ryhraotuhpazy hmao pamosa ta, Machâzy pahnona a lapa ei.

21Nôpawpazy chô liata nohzaona patlai thlu ta, Thatlôpazy chaisaih a pahua tyh.

22Zohna athupa liata a ypazy palâhâh ta, Thina nohpahli chhao khaihna a pachâsa tyh.

23Phopizy parônahsa ta, A parao heih tyh ei; Phopizy palai ta, A papai hei hra ei.

24Lei chyhsa hyutuhpazy pahnona lapa ta, Lâpi y leina râh raohpa liata a paviavisa ei.

25Khaihpa hnei leipa ta zohna liata pathâ ei ta, Sâhti paripazy hawhta paochheichhâpa ta a paysa ei.”

← Chapter 11 Jump to: Chapter 13 →