Job 35

Chin (Mara Bible RV (BSI))

← Chapter 34 Jump to: Chapter 36 →

1Elihu cha reih lymâ ta:

2“Na reipa he hmo dopa ta na pachâ ma? ‘Khazohpa hmia liata ei do,’ tah chi ta,

3Châhrasala, ‘Khâpa athôhna ma ei hnei,’ tah heih chi ta, ‘Molei leipa ta ei ypa ta khâpa ma eina phahnai?’ na tah heih tlôh.

4Ei châ chhy aw, Na viasazy chhao ei chhy pâ aw.

5Ua la, avâzy lâ khi sai tua, Nâ hlâta a sâh viapa meihdozy khi moh tua.

6Na moleipa chhao ta, Khâpa pei ma a chô liata na hria tly? Na paraona a pôhpa chhao ta, A châta khâpa ma a châ hlei?

7Mosiapa na châpa chhao ta, A hnohta khâpa ma pie chi ta, Na ku tawhta khâpa ma a hmô hlei tly?

8Na moleina cha nâ hawhpa chyhsa chô liata hria ta, Na siana chhao chyhsapa châta dei a phahnai.

9“Tlybaina hluhpizy vâta zawpizy awh ei ta, Hmotaotheipazy bâh vâta baona ama hiah.

10Châhrasala ahy ta hmahta, ‘Nâ taotuhpa Khazohpa cha khataih liata y ta, Zâ ta hlazy nâ pietuhpa cha khataih liata a y;

11Râhsazy a pachupa hlâta miah pachu hluh via ta, Vâ pavawzy hlâta so viapa ta miah taotuhpa cha, Khataih liata a y?’ tah veih ei.

12Cha liata awh ei ta, Châhrasala moleipazy apalaina vâta a chhy vei.

13Hmeiseih ta cha, Khazohpa ta awh thlâhthlipa thei leipa ta, Atotaotheipa ta cha hawhpa cha pachâ vei.

14Cha hawhta a châ nota, Khazohpa na hmô leipa hawhta reih chi ta, Bie pachia awpa cha a hmiakô liata y ta, Na hâ thlâh hapa hawhta na reipa chhochhi cha, A cha nathlie nâ pangiasa ma?

15Khazohpa cha a hiehâhna ta cha hrie leipa ta, Paraona a ngia hlei leipa vâta,

16Zawbâ cha hraoleipa biezy reipa ta a pakah â ta, Pahno tlôh leipa ta bie hluhpi a reihpa a châ hih,” tah ta.

← Chapter 34 Jump to: Chapter 36 →