Job 17

Chin (Mara Bible RV (BSI))

← Chapter 16 Jump to: Chapter 18 →

1Ei thlahpa keichheihpa ta, Ei nohzy lei ta; Kei châta thlâ â mâ haw.

2Nâ pahneisaopazy ei kiah liata y ei ta, Ama tahchakianazy vâta ei mo ei paso.

3“Hy Khazohpa, sôhkâ na sopa mah y, Sôhkâ nâ sopa awpa mohropa hnei va na.

4Pahnona hnei lei awpa ta ama palôh na khaw ha hnohkua cha, Pahniena ama to awpa pasaih khah y.

5Ama hmohneipa a hnei thei nawpa ta a viasazy a leihtuhpa cha, A sawzy ama mo a chao aw.

6“Phopizy saisona bie ta na tao ta, A hmia liata pachih ama pachhao chiepa lâta ei pua haw.

7Hiehâna ta ei mo pazoh ta, Ei pôhpa pachiahpa zydua chhao nohpahlipa hawh a châ bâ.

8Mosiapazy ta cha cha noâh tah ei ta, Mopathaihpazy cha moleipazy vâta amâ hra.

9Mosiapa cha a lâpi khâchâ patu ta, Ku pathaihpa cha a thatlô rili tyh.

10Nâmo deikua cha, nama zydua ta reih heih tua u, Nama hry liata ahy hmah chyhsa sopa cha hmô aw veih ei na.

11Ei nohzy khô ta, Ei chhuahnazy rao ta, Ei palôh khopazy a rao khai haw.

12Zâ cha chhô tah ei ta, Chhô cha zâ ama tah tyh.

13Athihkhih cha ei o hawhta vâ kaw sah la, Zohna liata ei rakhô soh sah la,

14Khaohtlô hnohta, ‘Ei paw na châ,’ tahpa ta, Châkariepa hnohta, ‘Ei nô, ei sietanô,’ ei tah khiahta cha,

15Khataih liata ma ei hnabeiseihna a y? Ahy ma ei hnabeiseihna cha a hmô aw?

16Ei hnabeiseihna cha Athihkhih chhikao lâ ma a chô aw? Dohlei lâ ma hmaohkha ta eima zu aw?” tah ta.

← Chapter 16 Jump to: Chapter 18 →