Job 13

Chin (Mara Bible RV (BSI))

← Chapter 12 Jump to: Chapter 14 →

1“Moh teh u, cha zydua cha ei mo ta hmô ta, Ei nah ta a thei; A zydua ta ei pahno khai.

2Nama pahnopa maih ei pahno hra, Nâmo hlâta nawh via va na.

3Chatahrasala Atotaotheipa chho aw na ta, Khazohpa liata ei thâtih tlao ei duakhei aw.

4Nâmo deikua cha, Nama bie liata haipa rôh hnia thlu ei chi ta; Nama zydua ta, Hmâ tlâh leipa dawhtyzy nama châ.

5Phie a chalih ha u la cha, Chyhsa sopa nama châ awpa tlai!

6Tahmâ ei bie thei u la, Ei hiapa he nathlie tua u.

7Khazohpa châta bie doleipa chhopa ta, Ano châta haipa bie nama reih aw ma?

8Ano nama khokhei via aw ma? Khazohpa châta namâ duah aw ma?

9Khazohpa ta châ chu pasia ei sala, Nama châta a pha aw ma? Chyhsa ta chyhsa hropa a dôveipa hawhta, Khazohpa cha nama dôvei thei aw ma?

10Arulâta khokheina nama hnei khiahta la, A cha ra thlyu aw ei.

11A rônahna ta cha pachisa aw ei ta, A chichhihna ta cha tla thlu aw veih ei ma?

12Nama biesozy cha, Buchâh hawhpa biesozy châ ei ta; Namâ vainazy cha, Beihlei ta sapa avainazy hawh dei a châ.

13“A chalih u la, bie na pareisa tua u, Ei chô liata khâpa hmo rai vaw tlô lah vâ.

14Khati taih ma a châ aw tly, Ei sapa he ei hâh ta sie aw na ta, Ei hrona he ei ku liata ei so aw i?.

15Eina thie hapa chhao ta, Ano liata hnabeiseihna hnei aw na ta, A hmiakô liata ei thâtih ei duakhei pyly aw.

16He he ei pachhana cha a châ, Khazoh pahno leipazy cha, A hmiakô liata a vy thei aw veih ei.

17Ei biezy he a phapa ta nathlie u la, Ei phuahpa he nama nah liata a ngia mawh sy.

18Tahmâ nathlie teh u, Ei thâtih rei awpa a chhuanoh khai ha na ta, Thai ei châ aw tahpa ei pahno.

19Ahy ma nâ leihtuhpa cha? Eina leihna â do khiahta cha, A chalih aw na ta ei thi aw.

20Hy Khazohpa, hmo miano na pasaih mah y, Chatanachata na hmia tawhta a nyu aw va na:

21Kei tawhta na ku la la, Na chichhihna ta na pachisa khah sy.

22Chatanachata na aw la, Ei châ chhy aw; A châ vei khiah, Kei na pareisa la, Nâ ta nâ chhy mah y.

23Ei paraonazy nata ei moleinazy khatlu ta ma a hluh tly? Ei taopasina nata ei moleina cha na pahnosa mah y.

24Khazia na hmia nyu chi ta, Na chariahpa ta eina pachâ chi tly?

25Chhohna thlih ta a phaopa pachhiparypa ta, Sâh kô raohpa ma nâ chadai aw?

26Ruchhôna biezy na ro thlu chi ta, Ei thyutlia moleina ryu eina patosa chi.

27Ei pheizy keihrai dai chi ta, Ei lâpi zydua mohpasia chi ta; Ei pheihniezy na ngia khai.

28Chyhsapa cha hmo thupa hawhta zaotla ta, Chhoma-u niepa chysia hmypa hawhta a zaotla tyh.”

← Chapter 12 Jump to: Chapter 14 →