Job 23

Chin (Mara Bible RV (BSI))

← Chapter 22 Jump to: Chapter 24 →

1Zawbâ ta a chhy ta:

2“Tanoh chhao he palôh pasa ngaitapa ta ei paphôh heih aw, Thata a hrô na ta ei bâh ei pathliah ha bâ hih.

3Aw, ano ei hmô thei nawpa su pahnopa ta, A pahrâna su lâ a sie theipa châ aw sah la,

4A hmiakô liata ei bie tlôkhei aw na ta, Thaichâna bie ta ei pakah ei pabie ha awpa tlai!

5Einâ chhyna biezy pahno aw na ta, Ei hnohta a rei awpa ei no a vâh aw!

6A hmotaotheina rônahpa ta eina chakhia aw tlyma i? Châ vei, na chakhia aw vei.

7Cha liana cha chyhsa dopa ta a hnohta bie a duakhei aw ta, Nâ pachiatuhpa ta chhâzaw châta thai eina pachâ ha aw.

8“Moh teh u, nochhi lâ sie na ta, Cha liata y leipa ta; Notla lâ sie na ta, Cha lia chhao hmô va na.

9Maw lâta rai hria ta, Ano cha hmô leipa na ta, Chho lâ sie ta, Hmô hlei hra va na.

10Châhrasala lâpi ei chhihpa pahno ta, Eina pasia khai tawhta la ngôh hawhta ei vaw pua aw.

11Ei phei ta a hniehnôhzy chathô lymâ ta, A lâpi a chhih na ta, tlei va na.

12A hmao biepiepa tleisai leipa na ta, A pakah biezy ei noh to pati hlâta ei pasô via.

13Ano cha anano beih leipa châ ta, Ahy ma a palôh a pakuasa thei aw tly? A khopa cha a tao lymâ.

14Keima châta a raopa cha a patlô aw, Cha hawhpa hmo cha a hluhpi a hnei.

15Chavâta a hmiakô liata thlazohpa ta y na ta, Ei pachâ châh ta, ano cha ei chi ngaita tyh.

16Khazohpa ta ei palôh tha pachhâ ta, Atotaotheipa ta ei thlah eina pazo.

17Chatanachôta zohna ta na chalihsa leipa ta, Zoh kaluhna ta ei hmia khu thei vei.”

← Chapter 22 Jump to: Chapter 24 →