Job 26

Chin (Mara Bible RV (BSI))

← Chapter 25 Jump to: Chapter 27 →

1Zawbâ ta a chhy ta:

2“Hmotaotheina a hnei leipa bao chi ta, Bâh thazeipa na pachha tyh.

3Sona a hnei leipa pasopakâ chi ta, Pahnona dopa na reih hluh kaw!

4Ahy baona ta ma he biezy he reih chi ta, Ahy thlahpa ma nâ tawhta a vaw pua tly?

5Athipazy a chalyu ei ta, Tizy ry liata a pahrâpazy amâ chalyu.

6A hmia liata la Athihkhih thluahruapa ta y ta, Chhokhih chhao sasaihpa ta a y.

7Maw lâta avâ pakaisa ta, Aruapa liata alei a pahaisa.

8A meihdo chhapazy liata tizy chaty ta, Châhrasala â hrina ta meihdo cha papyu vei.

9Thlâpâ pôlôpa hmia cha khu ta, A chô liata a meihdo pazawhsa.

10Tizy chô liata râhri haih ta, Khaihna nata zohna likawh râhri a tao.

11Avâ tôhzy a chalyu ta, A rana ei noâh ama tah kaw.

12A hmotaotheina ta tilaipi chatlaosa ta, A pahnona ta Rahâbi a thie.

13A hu ta avâ pathaisa ta, A ku ta pari a râpa a viehpahlie.

14Moh teh u, hezy he a lâpi chyhta palâsapa dei châ ta, A bieparu chyhta eima theipa dei a châ. Chavâta a hmotaotheina tôkalôhpa chhochhi cha, Ahy ma a pahno thei aw?” tah ta.

← Chapter 25 Jump to: Chapter 27 →